ವಿರೋಧ ಪಕ್ಷದ ನಾಯಕರಾಗಿರುವ 44 ವರ್ಷದ ಸಂಸದ ಪ್ರೀತಮ್ ಅವರಿಗೆ ಸಂಸದೀಯ ಪ್ರಾಧಿಕಾರ ದುಪ್ಪಟ್ಟು ಭತ್ಯೆಗಳ ಜತೆಗೆ, ಹಲವು ಸೌಲಭ್ಯಗಳನ್ನು ನೀಡುವುದಾಗಿ ಪ್ರಕಟಿಸಿತು.ಈ ಹಿನ್ನೆಲೆಯಲ್ಲಿ ಪ್ರೀತಮ್ ಅವರು ತಮ್ಮ ಪತ್ನಿಯೊಂದಿಗೆ ಚರ್ಚಿಸಿ, ಇಬ್ಬರೂ ತೀರ್ಮಾನಕ್ಕೆ ಬಂದು, ತನಗೆ ಬರುವ ಭತ್ಯೆಯಲ್ಲಿ ಅರ್ಧದಷ್ಟನ್ನು ತನ್ನ ಕ್ಷೇತ್ರದ ಬಡ ನಿವಾಸಿಗಳ ಕ್ಷೇಮಾಭಿವೃದ್ಧಿಗಾಗಿ ಮೀಸಲಿಡಲು ತೀರ್ಮಾನಿಸಿದ್ದಾರೆ. ಸಿಂಗಪುರ ಸಂಸತ್ತಿನ ವಿರೋಧಪಕ್ಷದ ನಾಯಕನಿಗೆ ವಾರ್ಷಿಕ 3.85 ಲಕ್ಷ ಸಿಂಗಪುರ್ ಡಾಲರ್(₹2.10 ಕೋಟಿ) ಭತ್ಯೆ ಸಿಗಲಿದೆ.