ಲಂಡನ್‌: ಬ್ರಿಟನ್‌ನ ಎರಡನೇ ದೊಡ್ಡ ನಗರವಾದ ಬರ್ಮಿಂಗ್‌ಹ್ಯಾಂನ ಸ್ಥಳೀಯ ಆಡಳಿತವು ದಿವಾಳಿಯಾಗಿರುವುದಾಗಿ ಘೋಷಿಸಿಕೊಂಡಿದೆ. ಆಡಳಿತದ ವಾರ್ಷಿಕ ಬಜೆಟ್‌ನಲ್ಲಿ ಲಕ್ಷಾಂತರ ಪೌಂಡ್‌ಗಳಷ್ಟು ಕೊರತೆಯಾದ ಕಾರಣ ಈ ನಿರ್ಧಾರ ತೆಗೆದುಕೊಂಡಿದೆ.
ದುರ್ಬಲರ ರಕ್ಷಣೆ, ಶಾಸನಬದ್ಧ ಸೇವೆಗಳ ಹೊರತಾಗಿ ಬಾಕಿ ಎಲ್ಲಾ ಖರ್ಚುಗಳನ್ನು ಕೂಡಲೇ ನಿಲ್ಲಿಸಲಾಗುವುದು ಎಂದು ಬರ್ಮಿಂಗ್‌ಹ್ಯಾಮ್‌ ಸ್ಥಳೀಯ ಆಡಳಿತ ಮಂಡಳಿ ನೋಟಿಸ್‌ ಹೊರಡಿಸಿದೆ.
ಈ ಸ್ಥಳೀಯ ಆಡಳಿತವು ವಿರೋಧ ಪಕ್ಷವಾದ ಲೇಬರ್‌ ಪಕ್ಷದ ಆಡಳಿತಕ್ಕೆ ಒಳಪಟ್ಟಿದೆ. ಇದು ಯುರೋಪ್‌ನ ಅತ್ಯಂತ ದೊಡ್ಡ ಸ್ಥಳೀಯ ಆಡಳಿತವಾಗಿದ್ದು, ಸುಮಾರು 100 ಕೌನ್ಸಿಲರ್‌ಗಳನ್ನು ಒಳಗೊಂಡಿದೆ.
