ಹಲವು ವಾರಗಳಿಂದ ದೂಳಿನಿಂದ ಮಂಗಳ ಗ್ರಹದ ಅಂಗಳ ಆವೃತಗೊಂಡಿತ್ತು. ಇದರಿಂದ ಕ್ಯೂರಿಯಾಸಿಟಿ ರೋವರ್‌ ಕಾರ್ಯಾಚರಣೆಗೂ ತೊಡಕಾಗಿತ್ತು. ಈಗ ಕೆಂಪು ಮತ್ತು ಕಂದು ಬಣ್ಣಗಳಿಂದ ಕೂಡಿರುವ ಪ್ರದೇಶದ ಚಿತ್ರಣವನ್ನು ರೋವರ್‌ ಕಳುಹಿಸಿದೆ. ಆಗಸ್ಟ್‌ 9ರಂದು ಹೊಸ ಕಲ್ಲುಗಳ ಮಾದರಿಗಳನ್ನು ಸಂಗ್ರಹಿಸುವ ಕಾರ್ಯಕೈಗೊಂಡಿದ್ದ ಈ ರೋವರ್‌, ತನ್ನ ಸುತ್ತಲಿನ ಪ್ರದೇಶದ ಬಗ್ಗೆಯೂ ಸಮೀಕ್ಷೆ ಕೈಗೊಂಡಿದೆ. ಆದರೆ, ಮಂಗಳನ ಅಂಗಳದಲ್ಲಿ ಕೊರೆಯುವ ಪ್ರಯತ್ನ ಆರಂಭಿಸಿದ್ದ ರೋವರ್‌ಗೆ ಅನಿರೀಕ್ಷಿತವಾಗಿ ಬಿರುಸಾದ ಕಲ್ಲುಗಳು ಎದುರಾಗಿದ್ದವು.
