ಅಮೆರಿಕ, ಯೂರೋಪ್ ಒಕ್ಕೂಟ ಸೇರಿದಂತೆ ಜಗತ್ತಿನ ವಿವಿಧ ರಾಷ್ಟ್ರಗಳು ಮುಬಾರಕ್ ಅಧಿಕಾರ ತ್ಯಜಿಸಬೇಕೆಂದು ಪರೋಕ್ಷವಾಗಿ ಸೂಚಿಸಿವೆ. ಆದರೆ, ಮುಬಾರಕ್ ಅವರಿಗೆ ಅಧ್ಯಕ್ಷ ಗಾದಿಯಿಂದ ಕೆಳಗಿಳಿಯುವ ಅಥವಾ ಉಪಾಧ್ಯಕ್ಷ ಸುಲೇಮಾನ್ ಅವರಿಗೆ ಅಧಿಕಾರ ಹಸ್ತಾಂತರಿಸುವ ಇರಾದೆ ಇಲ್ಲ ಎಂದು ಹೊಸ ಪ್ರಧಾನಿ ಅಹಮ್ಮದ್ ಶಫೀಕ್ ಸ್ಪಷ್ಟಪಡಿಸಿದ್ದಾರೆ. ತಮ್ಮಿಂದಲೇ ನೇಮಕಗೊಂಡ ಸುಲೇಮಾನ್ ತಮ್ಮ ಅಧಿಕಾರವನ್ನೇ ಮೊಟಕುಗೊಳಿಸುವ ಪ್ರಕ್ರಿಯೆ ಚಾಲನೆ ನೀಡಿದ್ದಾರೆಂಬ ಬಗ್ಗೆ ಮುಬಾರಕ್ ಯಾವ ಪ್ರತಿಕ್ರಿಯೆಯನ್ನೂ ನೀಡಿಲ್ಲ.