‘ಮದ್ವೆಯಾದ್ರೆ ಎಲ್ಲದಕ್ಕೂ ಬ್ರೇಕ್‌ ಬೀಳುತ್ತೆ...!’

ಸಿಪಿಐ ಮುಖಂಡ ಡಾ.ಸಿದ್ಧನಗೌಡ ಪಾಟೀಲರ ವಾದವಿದು.

ವಿಜಯಪುರದಲ್ಲಿ ಈಚೆಗೆ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಸಿದ್ಧನಗೌಡ ಅವರು, ‘ಕಾವಿಯೊಳಗಿನ ಕಾಮುಕಿಗಳಿಗೆ ಮೊದಲು ಮದುವೆ ಮಾಡಬೇಕು. ಇಲ್ಲದಿದ್ದರೇ ಮಠ ಪ್ರವೇಶಿಸುವ ಮಹಿಳಾ ಭಕ್ತರ ಮೇಲೆ ನಡೆಯುವ ಲೈಂಗಿಕ ಶೋಷಣೆ ತಪ್ಪದು’ ಎಂದರು.

‘ಮದುವೆಯಾದ್ರೇ ಅಪಾಯವಿಲ್ವೇ, ಬೇರೊಬ್ಬರ ಸಹವಾಸಕ್ಕೆ ಹೋಗೋದಿಲ್ವೇ’ ಎಂದು ಪತ್ರಕರ್ತರೊಬ್ಬರು ಪ್ರಶ್ನಿಸುತ್ತಿದ್ದಂತೆ, ‘ಮೊದಲು ಕಾವಿಯೊಳಗೆ ಅಡಗಿಕೊಂಡಿರುವ ಕಾಮುಕಿಗಳಿಗೆ ಲಗ್ನ ಮಾಡೋಣ. ಆಮೇಲೆ ನಿಮಗೆ ತಿಳಿಯುತ್ತದೆ. ಮದುವೆಯ ಮಹತ್ವ. ಹೆಂಡತಿಯ ಹಿಡಿತ...’ ಎಂದು ಹೇಳುತ್ತಿದ್ದಂತೆ, ಗೋಷ್ಠಿಯಲ್ಲಿ ಒಮ್ಮಿಂದೊಮ್ಮೆಗೆ ನಗೆ ಬುಗ್ಗೆ ಚಿಮ್ಮಿತು.