ಇದಲ್ಲದೆ, ಕನ್ನಡ ಅಭಿವೃದ್ಧಿ ನಿರ್ದೇಶನಾಲಯವು 1975ರಲ್ಲಿ ಪ್ರಕಟಿಸಿರುವ ‘ಕಾನೂನುಪದಕೋಶ’ ಲಭ್ಯವಿದೆ. ಕರ್ನಾಟಕ ಲಾ ರಿಪೋರ್ಟರ್ ಪಬ್ಲಿಕೇಷನ್ಸ್ ಪ್ರಕಟಿತ ‘ಕಾನೂನು ಪದಕೋಶ’ ಹಾಗೂ ಬೆ.ಕಾ.ಮೂರ್ತೀಶ್ವರಯ್ಯ ಸಂಪಾದಿತ ‘ಕಾನೂನು ಆಡಳಿತ: ಇಂಗ್ಲಿಷ್ ಕನ್ನಡ ಪದಕೋಶ’ ಇವೂ ಇವೆ. ಆದರೆ, ಇವೆಲ್ಲ ಸಮಗ್ರವೂ ಸಾರ್ವತ್ರಿಕವೂ ಸರಳವೂ ಸಾಮಯಿಕವೂ ಆಗಿಲ್ಲ. ಈ ನಾಲ್ಕು ಅವಶ್ಯಕತೆಗಳನ್ನೂ ಪೂರೈಸುವ ಬೃಹತ್ ನಿಘಂಟು ಬೇಕಾಗಿದೆ. ಇನ್ನು, ನಿಘಂಟಿಗಾಗಿ ಕಾಯಂ ಸಮಿತಿ ಬೇಕೆಂಬ ಪ್ರಭಾಕರ ಶಾಸ್ತ್ರಿ ಅವರ ಸಲಹೆ ಯೋಗ್ಯವಾದುದು. ಸಮಿತಿಯಲ್ಲಿ ಯಾರೆಲ್ಲ ಇರಬೇಕೆಂಬ ಅಭಿಪ್ರಾಯವೂ ಸಣ್ಣ ಬದಲಾವಣೆಯೊಂದಿಗೆ ಸ್ವೀಕಾರಾರ್ಹ. ‘ಸಾಹಿತಿಮಾತ್ರ’ರು ಬೇಡ. ಸಾಹಿತಿಯೋ ಅಸಾಹಿತಿಯೋ, ಭಾಷಾತಜ್ಞರು ಇರಲಿ. ಕನ್ನಡದಲ್ಲಿ ನುರಿತ ಪ್ರಾಧ್ಯಾಪಕರು ಮತ್ತು ಜನಪದರು ಕೂಡಾ ಇರತಕ್ಕದ್ದು.