ಕುಟುಂಬ ರಾಜಕಾರಣ

ಅತ್ತ ಶಿವಮೊಗ್ಗ ಲೋಕಸಭಾ ಚುನಾವಣೆಯ ಕಣಕ್ಕೆ ಮೂವರು ಮಾಜಿ ಮುಖ್ಯಮಂತ್ರಿಗಳ ಮಕ್ಕಳು ಇಳಿದಿದ್ದಾರೆ. ಇತ್ತ ರಾಮನಗರದಲ್ಲಿ ದೇವೇಗೌಡರ ಕುಂಟುಬದ್ದೇ ಪಾರುಪಾತ್ಯ. ಇವೆಲ್ಲವನ್ನೂ ಗಮನಿಸಿದರೆ ಇದೇನು ಪ್ರಜಾಪ್ರಭುತ್ವವೋ, ಕುಟುಂಬ ಪ್ರಭುತ್ವವೋ ಎಂಬ ಪ್ರಶ್ನೆ ಕಾಡದೇ ಇರದು. ಸ್ಪರ್ಧಾಳುಗಳ ರಾಜಕೀಯ ಹಿನ್ನೆಲೆಗಿಂತ ಕ್ಷೇತ್ರದ ಜನರೊಂದಿಗೆ ಅವರು ಒಡನಾಡುವ ಪರಿ ಮತ್ತು ಅಭಿವೃದ್ಧಿ ವಿಚಾರದಲ್ಲಿ ಅವರು ಹೊಂದಿರುವ ದೂರದೃಷ್ಟಿ ಮತ್ತು ಬದ್ಧತೆಯನ್ನು ನೋಡಿ ಜನರು ಮತ ನೀಡಬೇಕಾಗಿದೆ. ಈ ಮೂಲಕ ಪ್ರಜಾಪ್ರಭುತ್ವವನ್ನೂ ಉಳಿಸಬೇಕಿದೆ.