ದೇಶದ ಯಾವುದೇ ಪಕ್ಷವನ್ನು ಉದಾಹರಣೆಯಾಗಿ ತೆಗೆದುಕೊಂಡರೂ, ಅವುಗಳಲ್ಲಿ ಮಹಿಳಾ ಘಟಕಗಳಿವೆ ಎಂಬ ಕಾರಣಕ್ಕೆ ಅನಿವಾರ್ಯವಾಗಿ ಕೆಲವು ಸ್ಥಾನ ಕೊಡಲಾಗಿದೆ. ಪಶ್ಚಿಮ ಬಂಗಾಳದಲ್ಲಿ ಮಮತಾ ಬ್ಯಾನರ್ಜಿ, ಉತ್ತರಪ್ರದೇಶದಲ್ಲಿ ಮಾಯಾವತಿ ಅವರಿಗೆ ಅವರವರ ಪಕ್ಷದ ಮೇಲೆ ಹಿಡಿತ ಇರಬಹುದು. ಆದರೆ, ಅವರ ನಂತರದ ತಲೆಮಾರು? ತಮಿಳುನಾಡಿನಲ್ಲಿ ಆದಂತೆಯೇ ಆಗದೆ ವಿಧಿಯಿಲ್ಲ. ಹಾಗೆ ನೋಡಿದರೆ ಜಯಲಲಿತಾ ತಮ್ಮ ಉತ್ತರಾಧಿಕಾರಿಯಾಗಿ ಶಶಿಕಲಾ ಅವರನ್ನು ಒಂದು ಮಟ್ಟಿಗೆ ಬಿಂಬಿಸಿದ್ದರು. ವಿವಾದಗಳು, ಆರೋಪಗಳು ಏನೇ ಇರಲಿ, ಅವು ನ್ಯಾಯಾಲಯದಲ್ಲಿ ನಿರ್ಣಯಗೊಳ್ಳುತ್ತಿದ್ದವು. ಜಯಲಲಿತಾ ಬದುಕಿದ್ದಾಗಲೂ ಅವರಿಬ್ಬರ ನಡುವಿನ ಸ್ನೇಹದಲ್ಲಿ ಹುಳಿ ಹಿಂಡುವ ಪ್ರಯತ್ನ ಮಾಡಿದ್ದು ಇದೇ ಮನಸ್ಥಿತಿಯವರು.