ಸರ್ಕಾರಿ ಇಲಾಖೆಗಳಲ್ಲಿ ಕೆಲಸ ಮಾಡುವ, ದೈಹಿಕ ಸಮಸ್ಯೆ ಇರುವ ನೌಕರರು ಕಚೇರಿಗೆ ಬರಲು ಹಾಗೂ ತೆರಳಲು ಕನಿಷ್ಠ ಅರ್ಧ ತಾಸು ಹೆಚ್ಚು ಸಮಯದ ಅವಶ್ಯಕತೆ ಇರುತ್ತದೆ. ಆದರೆ ಈ ಬಗ್ಗೆ ಸಂಬಂಧಪಟ್ಟ ಯಾವುದೇ ಇಲಾಖೆ ಸ್ಪಷ್ಟ ನಿರ್ದೇಶನ/ಅನುಮತಿ ನೀಡಿರುವುದಿಲ್ಲ. ಇದರಿಂದ ತುಂಬಾ ತೊಂದರೆಯಾಗಿದೆ.
ನಗರ ಸಾರಿಗೆ ಬಸ್ಗಳು ಸದಾ ಜನಜಂಗುಳಿಯಿಂದ ಕೂಡಿದ್ದು, ಅದರಲ್ಲಿ ಪ್ರಯಾಣ ಮಾಡಿ ಕಚೇರಿಗೆ ಬರಲು ಹಾಗೂ ಹೋಗಲು ಹೆಚ್ಚು ಕಾಲಾವಕಾಶದ ಅಗತ್ಯ ಇದೆ. ಆದ್ದರಿಂದ ದಯಮಾಡಿ ಸಂಬಂಧಪಟ್ಟವರು ಕನಿಕರ ತೋರಿಸಿ ಮಾನವೀಯತೆ ಮೇರೆಗೆ ದೈಹಿಕ ನ್ಯೂನತೆ ಇರುವ ಸರ್ಕಾರಿ ನೌಕರರು ಕಚೇರಿಗೆ ಬರಲು, ಹೊರಡಲು ಅರ್ಧ ತಾಸು ಮುಕ್ತ ಅನುಮತಿ ನೀಡಿ ಆದೇಶಿಸುವಂತೆ ಪ್ರಾರ್ಥಿಸುತ್ತೇನೆ.