ನಿಜವಾದ ಅಲ್ಪಸಂಖ್ಯಾತರು ಬ್ರಾಹ್ಮಣರು: ರವಿ ಸುಬ್ರಮಣ್ಯ

7

ನಿಜವಾದ ಅಲ್ಪಸಂಖ್ಯಾತರು ಬ್ರಾಹ್ಮಣರು: ರವಿ ಸುಬ್ರಮಣ್ಯ

Published:
Updated:
ವಿದ್ಯಾಪ್ರಸನ್ನ ತೀರ್ಥ ಸ್ವಾಮೀಜಿ ಅವರು ಶಾಸಕ ರವಿ ಸುಬ್ರಹ್ಮಣ್ಯ ಅವರನ್ನು ಸನ್ಮಾನಿಸಿದರು. ವೇದಿಕೆ ಅಧ್ಯಕ್ಷ ಜೆ.ಎಚ್.ಅನಿಲ್ ಕುಮಾರ್ ಇದ್ದಾರೆ -

ಬೆಂಗಳೂರು: ‘ಬ್ರಾಹ್ಮಣರು ನಿಜವಾದ ಅಲ್ಪ ಸಂಖ್ಯಾತರಾಗಿದ್ದು, ಅವರು ಎಲ್ಲರೊಂದಿಗೂ ಸಮನ್ವಯತೆ ಯಿಂದ ನಡೆದುಕೊಳ್ಳುತ್ತಾರೆ’ ಎಂದು ಬಸವನಗುಡಿ ಶಾಸಕ ಎಲ್‌.ಎ.ರವಿ ಸುಬ್ರಮಣ್ಯ ಹೇಳಿದರು.

ನಗರದ ಕರ್ನಾಟಕ ವಿಪ್ರ ವೇದಿಕೆ ಮಂಗಳವಾರ ಆಯೋಜಿಸಿದ್ದ ವಿಪ್ರ ಶಾಸಕರಿಗೆ ಅಭಿನಂದನಾ ಸಮಾರಂಭದಲ್ಲಿ ಅವರು ಮಾತನಾಡಿದರು.

‘ಬ್ರಾಹ್ಮಣ ಎಂದು ಹೇಳಿಕೊಳ್ಳಲು ನನಗೆ ಯಾವುದೇ ಮುಜುಗರವಿಲ್ಲ. ಬ್ರಾಹ್ಮಣ ಕೋಟಾದಡಿ ನಾನು ಶಾಸಕನಾಗಿರುವೆ. ಇದು ಜನರ ಗೆಲುವು. ಬ್ರಾಹ್ಮಣರಿಗೆ ಸಿಗಬೇಕಾದ ಹಕ್ಕನ್ನು ನ್ಯಾಯಯುತವಾಗಿ ಒದಗಿಸಿಕೊಡಿ. ನನ್ನ ಪರ ಮತಯಾಚಿಸಿದವರ ವಿಶ್ವಾಸಕ್ಕೆ ಯಾವತ್ತೂ ಚ್ಯುತಿಬಾರದಂತೆ ನಡೆದುಕೊಳ್ಳುತ್ತೇನೆ. ಸಮಾಜಮುಖಿ ಕಾರ್ಯಗಳ ಮೂಲಕ ಬ್ರಾಹ್ಮಣ ಸಮುದಾಯದ ಅಭಿವೃದ್ಧಿಗೆ ಶ್ರಮಿಸುವೆ’ ಎಂದರು.

‌ಸಾಹಿತಿ ಕೆ.ಪಿ.ಪುತ್ತೂರಾಯ ಮಾತನಾಡಿ, ‘ಇಂದಿನ ಜಾತಿ ಲೆಕ್ಕಾಚಾರದ ರಾಜಕೀಯ ನಿಜಕ್ಕೂ ನೋವ‌ನ್ನುಂಟು ಮಾಡಿದೆ. ಪ್ರವೇಶಾತಿ, ಮೀಸಲಾತಿ, ನೇಮಕಾತಿ, ಪದೋನ್ನತಿ, ಎಲ್ಲವೂ ಜಾತಿ ಲೆಕ್ಕಾಚಾರಮಯವಾಗಿದೆ. ಯೋಗ್ಯ ವ್ಯಕ್ತಿಯನ್ನು ನೋಡಿ ಅಧಿಕಾರಕ್ಕೆ ತನ್ನಿ, ಜಾತಿಯಿಂದಲ್ಲ. ಕಡಿಮೆ ಶಿಕ್ಷಣ ಪಡೆದವರು ಉನ್ನತ ಶಿಕ್ಷಣ, ಐಟಿಬಿಟಿ ಸಚಿವರಾಗುತ್ತಾರೆ ಎಂದರೆ ಇದ್ಯಾವ ಲೆಕ್ಕಾಚಾರ ಸ್ವಾಮಿ’ ಎಂದು ಪ್ರಶ್ನಿಸಿದರು.

ಸುಬ್ರಹ್ಮಣ್ಯ ಮಠದ ವಿದ್ಯಾ ಪ್ರಸನ್ನ ತೀರ್ಥ ಸ್ವಾಮೀಜಿ ಕಾರ್ಯಕ್ರಮ ಉದ್ಘಾಟಿಸಿದರು.

ಅಖಿಲ ಭಾರತ ಕರ್ನಾಟಕ ಬ್ರಾಹ್ಮಣ ಮಹಾಸಭಾದ ಅಧ್ಯಕ್ಷ ಕೆ. ಎನ್‌. ವೆಂಕಟನಾರಾಯಣ ಅಧ್ಯಕ್ಷತೆ ವಹಿಸಿದ್ದರು.

ಬರಹ ಇಷ್ಟವಾಯಿತೆ?

  • 4

    Happy
  • 0

    Amused
  • 0

    Sad
  • 0

    Frustrated
  • 1

    Angry

Comments:

0 comments

Write the first review for this !