ಅಮ್ಮ ಸ್ಮಿತಾ ಪಾಟೀಲ್ ಹುಟ್ಟಿದಾಗಲೇ ತೀರಿಕೊಂಡರು. ಅಜ್ಜಿಯೊಂದಿಗೆ ನನ್ನ ಬಾಲ್ಯ ಕಳೆದಿದ್ದು, ಅಜ್ಜಿ ಹೇಳಿದ ಕತೆ ಹೇಳುತ್ತಾ, ಅವರ ಕೈ ರುಚಿ ಮೆಲ್ಲುತ್ತಾ ಬಾಲ್ಯ ಕಳೆದೆ. ಅಮ್ಮನ ಪ್ರೀತಿ ಅಜ್ಜಿಯಿಂದ ದೊರಕಿತು. ಅನಾರೋಗ್ಯದಿಂದ ಅಜ್ಜಿ ತೀರಿಕೊಂಡರು. ಅಪ್ಪ ರಾಜ್ ಬಬ್ಬರ್ ಜೊತೆಗೆ ನನ್ನ ಸಂಬಂಧ ಚೆನ್ನಾಗಿರಲಿಲ್ಲ. ಸಂಬಂಧಗಳ ಏರಿಳಿತ, ಒತ್ತಡದಿಂದ ಕಂಗಾಲಾಗಿದ್ದ ನಾನು ಪ್ರೀತಿ ತೋರುವವರಿಗಾಗಿ ಹಾತೊರೆಯುತ್ತಿದ್ದೆ. ಇವೇ ಕಾರಣಗಳಿಂದ 19ನೇ ವರ್ಷಕ್ಕೆ ಡ್ರಗ್ ದಾಸನಾದೆ.