<p><strong>ನವದೆಹಲಿ:</strong> ಕ್ರಿಕೆಟ್ ಪಂದ್ಯದ ವೇಳೆ ಮಳೆ ಬಂದಾಗ ಅನ್ವಯಿಸಲಾಗುವ ಡಕ್ವರ್ಥ್–ಲೂಯಿಸ್ ನಿಯಮದ ರಚನೆಕಾರರಲ್ಲಿ ಒಬ್ಬರಾದ ಫ್ರ್ಯಾಂಕ್ ಡಕ್ವರ್ಥ್ (84) ನಿಧನರಾಗಿದ್ದಾರೆ.</p>.<p>ಡಕ್ವರ್ಥ್ ಅವರು ಜೂನ್ 21ರಂದು ನಿಧನರಾಗಿರುವುದಾಗಿ ಇಎಸ್ಪಿಎನ್ಕ್ರಿಕ್ಇನ್ಫೋ ಡಾಟ್ ಕಾಮ್ ವೆಬ್ಸೈಟ್ ವರದಿ ಮಾಡಿದೆ. </p>.<p>ಇಂಗ್ಲೆಂಡ್ನ ಸಂಖ್ಯಾಶಾಸ್ತ್ರಜ್ಞರಾದ ಡಕ್ವರ್ಥ್ ಮತ್ತು ಅವರ ಸಹೋದ್ಯೋಗಿ ಟೋನಿ ಲೂಯಿಸ್ ಅವರು ಸೇರಿ ಡಿಎಲ್ಎಸ್ ಪದ್ಧತಿ ರೂಪಿಸಿದ್ದರು. 1997ರಿಂದ ಅಂತರರಾಷ್ಟ್ರೀಯ ಪಂದ್ಯಗಳಲ್ಲಿ ಮಳೆಯಿಂದಾಗಿ ಸಮಯನಷ್ಟವಾದ ಪಂದ್ಯಗಳಿಗೆ ಈ ಪದ್ಧತಿ ಅನ್ವಯಿಸಲಾಗುತ್ತಿದೆ. ಗೆಲುವಿನ ಪರಿಷ್ಕೃತ ಗುರಿ ನಿಗದಿ ಮಾಡಲು ಇದು ಬಳಕೆಯಾಗುತ್ತಿದೆ. 2001ರಿಂದ ಐಸಿಸಿಯು (ಅಂತರರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್) ಈ ಪದ್ಧತಿಗೆ ಮಾನ್ಯತೆ ನೀಡಿತ್ತು.</p>.<p>ಡಕ್ವರ್ಥ್ ಮತ್ತು ಲೂಯಿಸ್ ಅವರು ನಿವೃತ್ತರಾದ ನಂತರ ಈ ಪದ್ದತಿಯನ್ನು ಡಕ್ವರ್ಥ್–ಲೂಯಿಸ್–ಸ್ಟರ್ನ್ (ಡಿಎಲ್ಎಸ್) ಎಂದು ಮರುನಾಮಕರಣ ಮಾಡಲಾಗಿತ್ತು. ಸ್ಟೀವನ್ ಸ್ಟರ್ನ್ ಅವರು ಆಸ್ಟ್ರೇಲಿಯಾದ ಸಂಖ್ಯಾಶಾಸ್ತ್ರಜ್ಞರು.</p>.<p>2010ರಲ್ಲಿ ಡಕ್ವರ್ಥ್ ಮತ್ತು ಲೂಯಿಸ್ ಅವರಿಬ್ಬರಿಗೂ ಬ್ರಿಟಿಷ್ ಪ್ರಭುತ್ವದ ಸದಸ್ಯತ್ವ ಗೌರವ (ಎಂ.ಬಿ.ಇ) ಪ್ರದಾನ ಮಾಡಲಾಗಿತ್ತು. </p>.<p>ಡಿಎಲ್ಎಸ್ ಪದ್ಧತಿಯು ಅತ್ಯಂತ ಕ್ಲಿಷ್ಟಕರ ಸಂಖ್ಯಾಶಾಸ್ತ್ರದ ಅಂಶಗಳನ್ನು ಒಳಗೊಂಡಿದೆ. ಇದರಲ್ಲಿ ಇನಿಂಗ್ಸ್ನಲ್ಲಿ ಉಳಿದಿರುವ ವಿಕೆಟ್ಗಳು ಮತ್ತು ನಷ್ಟವಾದ ಓವರ್ಗಳು ಸೇರಿದಂತೆ ಪ್ರಮುಖ ಅಂಶಗಳನ್ನು ಲೆಕ್ಕ ಹಾಕಿ ಎರಡನೇ ಇನಿಂಗ್ಸ್ ಬ್ಯಾಟಿಂಗ್ ಮಾಡುವ ತಂಡಕ್ಕೆ ಪರಿಷ್ಕೃತ ಗುರಿ ನೀಡಲಾಗುತ್ತದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಕ್ರಿಕೆಟ್ ಪಂದ್ಯದ ವೇಳೆ ಮಳೆ ಬಂದಾಗ ಅನ್ವಯಿಸಲಾಗುವ ಡಕ್ವರ್ಥ್–ಲೂಯಿಸ್ ನಿಯಮದ ರಚನೆಕಾರರಲ್ಲಿ ಒಬ್ಬರಾದ ಫ್ರ್ಯಾಂಕ್ ಡಕ್ವರ್ಥ್ (84) ನಿಧನರಾಗಿದ್ದಾರೆ.</p>.<p>ಡಕ್ವರ್ಥ್ ಅವರು ಜೂನ್ 21ರಂದು ನಿಧನರಾಗಿರುವುದಾಗಿ ಇಎಸ್ಪಿಎನ್ಕ್ರಿಕ್ಇನ್ಫೋ ಡಾಟ್ ಕಾಮ್ ವೆಬ್ಸೈಟ್ ವರದಿ ಮಾಡಿದೆ. </p>.<p>ಇಂಗ್ಲೆಂಡ್ನ ಸಂಖ್ಯಾಶಾಸ್ತ್ರಜ್ಞರಾದ ಡಕ್ವರ್ಥ್ ಮತ್ತು ಅವರ ಸಹೋದ್ಯೋಗಿ ಟೋನಿ ಲೂಯಿಸ್ ಅವರು ಸೇರಿ ಡಿಎಲ್ಎಸ್ ಪದ್ಧತಿ ರೂಪಿಸಿದ್ದರು. 1997ರಿಂದ ಅಂತರರಾಷ್ಟ್ರೀಯ ಪಂದ್ಯಗಳಲ್ಲಿ ಮಳೆಯಿಂದಾಗಿ ಸಮಯನಷ್ಟವಾದ ಪಂದ್ಯಗಳಿಗೆ ಈ ಪದ್ಧತಿ ಅನ್ವಯಿಸಲಾಗುತ್ತಿದೆ. ಗೆಲುವಿನ ಪರಿಷ್ಕೃತ ಗುರಿ ನಿಗದಿ ಮಾಡಲು ಇದು ಬಳಕೆಯಾಗುತ್ತಿದೆ. 2001ರಿಂದ ಐಸಿಸಿಯು (ಅಂತರರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್) ಈ ಪದ್ಧತಿಗೆ ಮಾನ್ಯತೆ ನೀಡಿತ್ತು.</p>.<p>ಡಕ್ವರ್ಥ್ ಮತ್ತು ಲೂಯಿಸ್ ಅವರು ನಿವೃತ್ತರಾದ ನಂತರ ಈ ಪದ್ದತಿಯನ್ನು ಡಕ್ವರ್ಥ್–ಲೂಯಿಸ್–ಸ್ಟರ್ನ್ (ಡಿಎಲ್ಎಸ್) ಎಂದು ಮರುನಾಮಕರಣ ಮಾಡಲಾಗಿತ್ತು. ಸ್ಟೀವನ್ ಸ್ಟರ್ನ್ ಅವರು ಆಸ್ಟ್ರೇಲಿಯಾದ ಸಂಖ್ಯಾಶಾಸ್ತ್ರಜ್ಞರು.</p>.<p>2010ರಲ್ಲಿ ಡಕ್ವರ್ಥ್ ಮತ್ತು ಲೂಯಿಸ್ ಅವರಿಬ್ಬರಿಗೂ ಬ್ರಿಟಿಷ್ ಪ್ರಭುತ್ವದ ಸದಸ್ಯತ್ವ ಗೌರವ (ಎಂ.ಬಿ.ಇ) ಪ್ರದಾನ ಮಾಡಲಾಗಿತ್ತು. </p>.<p>ಡಿಎಲ್ಎಸ್ ಪದ್ಧತಿಯು ಅತ್ಯಂತ ಕ್ಲಿಷ್ಟಕರ ಸಂಖ್ಯಾಶಾಸ್ತ್ರದ ಅಂಶಗಳನ್ನು ಒಳಗೊಂಡಿದೆ. ಇದರಲ್ಲಿ ಇನಿಂಗ್ಸ್ನಲ್ಲಿ ಉಳಿದಿರುವ ವಿಕೆಟ್ಗಳು ಮತ್ತು ನಷ್ಟವಾದ ಓವರ್ಗಳು ಸೇರಿದಂತೆ ಪ್ರಮುಖ ಅಂಶಗಳನ್ನು ಲೆಕ್ಕ ಹಾಕಿ ಎರಡನೇ ಇನಿಂಗ್ಸ್ ಬ್ಯಾಟಿಂಗ್ ಮಾಡುವ ತಂಡಕ್ಕೆ ಪರಿಷ್ಕೃತ ಗುರಿ ನೀಡಲಾಗುತ್ತದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>