ಗುರುವಾರ, 29 ಫೆಬ್ರುವರಿ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

BAN vs NZ: ಗ್ಲೆನ್ ಫಿಲಿಪ್ಸ್ ಮೋಡಿ; ಹಸನ್ ಜಾಯ್ ತಾಳ್ಮೆಯ ಬ್ಯಾಟಿಂಗ್

Published 28 ನವೆಂಬರ್ 2023, 14:36 IST
Last Updated 28 ನವೆಂಬರ್ 2023, 14:36 IST
ಅಕ್ಷರ ಗಾತ್ರ

ಸಿಲೆಟ್, ಬಾಂಗ್ಲಾದೇಶ: ಕಿವೀಸ್ ಬಳಗದ ಸ್ಪಿನ್ನರ್ ಗ್ಲೆನ್ ಫಿಲಿಪ್ಸ್ ಮೋಡಿ ಮತ್ತು ಬಾಂಗ್ಲಾದ ಆರಂಭಿಕ ಬ್ಯಾಟರ್ ಮೆಹಮುದುಲ್ ಹಸನ್ ಜಾಯ್ ಅವರ ತಾಳ್ಮೆಯ ಬ್ಯಾಟಿಂಗ್‌ಗೆ ಮಂಗಳವಾರ ಆರಂಭವಾದ ಟೆಸ್ಟ್ ಪಂದ್ಯದಲ್ಲಿ ಮೊದಲ ದಿನವು ವೇದಿಕೆಯಾಯಿತು.

ಟಾಸ್ ಗೆದ್ದ ಬಾಂಗ್ಲಾದೇಶ ತಂಡವು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ನ್ಯೂಜಿಲೆಂಡ್ ತಂಡದ  ಫಿಲಿಪ್ಸ್ (53ಕ್ಕೆ4) ಅವರ ಪರಿಣಾಮಕಾರಿ ದಾಳಿಯ ಮುಂದೆ ಬಾಂಗ್ಲಾ ತಂಡದ ಬ್ಯಾಟರ್‌ಗಳು ಹೆಚ್ಚು ಹೊತ್ತು ಕ್ರೀಸ್‌ನಲ್ಲಿ ಉಳಿಯಲಿಲ್ಲ. ಆದರೆ ಆರಂಭಿಕ ಬ್ಯಾಟರ್ ಮೆಹಮುದುಲ್ (86; 166ಎ, 4X11) ಅವರೊಬ್ಬರ ಏಕಾಂಗಿ ಹೋರಾಟದಿಂದ ತಂಡವು 85 ಓವರ್‌ಗಳಲ್ಲಿ 9 ವಿಕೆಟ್‌ಗಳಿಎ 310 ರನ್ ಗಳಿಸಿತು. ಮಂದಬೆಳಕಿನಿಂದಾಗಿ ದಿನದಾಟ ಸ್ಥಗಿತವಾಯಿತು.

ಬಾಂಗ್ಲಾ ತಂಡದ ನಯಕ ನಜ್ಮುಲ್ ಹಸನ್ ಶಾಂತೊ (37; 35ಎ) ಟಿ20 ಮಾದರಿಯಲ್ಲಿ ಬ್ಯಾಟಿಂಗ್ ಮಾಡಿದರು. ಮೂರು ಸಿಕ್ಸರ್ ಮತ್ತು ಎರಡು ಬೌಂಡರಿ ಸಿಡಿಸಿದರು. ಉಳಿದ ಬ್ಯಾಟರ್‌ಗಳು ಗಳಿಸಿದ ಸಣ್ಣ ಸಣ್ಣ ಮೊತ್ತಗಳಿಂದಾಗಿ ತಂಡವು ಮುನ್ನೂರರ ಗಡಿ ದಾಟಿತು.

ಸಂಕ್ಷಿಪ್ತ ಸ್ಕೋರು:

ಬಾಂಗ್ಲಾದೇಶ: 85 ಓವರ್‌ಗಳಲ್ಲಿ 9 ವಿಕೆಟ್‌ಗಳಿಗೆ 310 (ಮೆಹಮುದುಲ್ ಹಸನ್ ಜಾಯ್ 86, ನಜ್ಮುಲ್ ಹುಸೇನ್ ಶಾಂತೊ 37, ಮೊಮಿನುಲ್ ಹಕ್ 37, ಶಹಾದತ್ ಹುಸೇನ್ 24, ಮೆಹದಿ ಹಸನ್ ಮಿರಾಜ್ 20, ನೂರುಲ್ ಹಸನ್ 29, ಕೈಲ್ ಜೆಮಿಸನ್ 52ಕ್ಕೆ2, ಎಜಾಜ್ ಪಟೇಲ್ 76ಕ್ಕೆ2, ಗ್ಲೆನ್ ಫಿಲಿಪ್ಸ್ 53ಕ್ಕೆ4)

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT