52 ವರ್ಷದ ವಾರ್ನ್ ಅವರು ನಿಧನರಾಗಿದ್ದಾರೆ ಎಂದು 'ಥಾಯ್ ಇಂಟರ್ನ್ಯಾಷನಲ್ ಹಾಸ್ಪಿಟಲ್'ನ ವೈದ್ಯರು ಶುಕ್ರವಾರ ರಾತ್ರಿ ಘೋಷಿಸಿದ್ದರು. ಕೋ ಸೆಮೈನಲ್ಲಿರುವ ತಮ್ಮ ವಿಲ್ಲಾದಲ್ಲಿದ್ದಾಗ ಹೃದಯಾಘಾತಕ್ಕೆ ಒಳಗಾದ ವಾರ್ನ್ ಅವರನ್ನು ಸ್ನೇಹಿತರು ಆಸ್ಪತ್ರೆಗೆ ಸಾಗಿಸಿ ಉಳಿಸುವ ಪ್ರಯತ್ನ ನಡೆಸಿದರು. ಚಿಕಿತ್ಸೆಗೆ ಸ್ಪಂದಿಸದೆ ರಾತ್ರಿ ನಿಧನರಾದರು ಎಂದು ವರದಿಯಾಗಿದೆ. ಶುಕ್ರವಾರ ಸಂಜೆ 5 ಗಂಟೆಗೆ ವಾರ್ನ್ ಅವರು ನಿಸ್ತೇಜರಾಗಿ ಬಿದ್ದಿರುವುದನ್ನು ಅವರ ಸ್ನೇಹಿತರ ಪೈಕಿ ಓರ್ವ ಮೊದಲು ಗಮನಿಸಿದ್ದಾಗಿ ಸ್ಥಳೀಯ ಪೊಲೀಸರು ತಿಳಿಸಿದ್ದಾರೆ.