ಚುರುಮುರಿ: ಕಲಾಪ ಪ್ರತಾಪ

‘ಕಲಾಪದಲ್ಲಿನ ನಿಮ್ಮ ಪ್ರತಾಪವನ್ನು ಟೀವಿಯಲ್ಲಿ ನೋಡಿ ಆನಂದಪಟ್ಟೆ! ಮಹಾನ್ ನಾಯಕರಾಗಿ ಬೆಳೆಯುವ ಎಲ್ಲಾ ಲಕ್ಷಣಗಳೂ ನಿಮಗಿವೆ ಕಣ್ರೀ...’ ಮನೆಗೆ ಬಂದ ನಾಯಕರನ್ನು ಪತ್ನಿ ಅಭಿಮಾನದಿಂದ ಹೊಗಳಿದರು.

. ‘ಹಿಂದೆ ರಾಜಮಹಾರಾಜರು ರಾಜ್ಯದ ರಕ್ಷಣೆಗಾಗಿ ಹೋರಾಡುತ್ತಿದ್ದರಲ್ಲ, ಹಾಗೇ ನಾವೂ ಕಲಾಪದಲ್ಲಿ ಹೋರಾಟ ಮಾಡಬೇಕು. ಕಲಾಪಗಳು ರಣರಂಗ ಆಗ್ತಿವೆ. ಜಟ್ಟಿ, ಗಟ್ಟಿಗಳು ಮಾತ್ರವೇ ಗೆಲ್ಲಲು ಸಾಧ್ಯ’ ಎಂದು ನಾಯಕರು ಬೀಗಿದರು.

. ‘ರಾಜರು ಯುದ್ಧಭೂಮಿಯಲ್ಲಿ ಕತ್ತಿ, ಗುರಾಣಿ, ಬಿಲ್ಲು–ಬಾಣ ಹಿಡಿದು ಹೋರಾಡ್ತಿದ್ದರು, ಕಲಾಪ ಹೋರಾಟಕ್ಕೆ ಶಸ್ತ್ರಾಸ್ತ್ರವಿಲ್ಲ’.

. ‘ನಾಲಿಗೆಯೇ ನಮಗೆ ಅಸ್ತ್ರ! ಹರಿತ ನಾಲಿಗೆಯಿಂದ ಎದುರಾಳಿಗಳನ್ನು ಸದೆಬಡಿಯಬಹುದು!’

. ‘ನಾಲಿಗೆ ಹರಿಬಿಟ್ಟು ಅಸಾಂವಿಧಾನಿಕ ಪದಗಳನ್ನು ಹೆಚ್ಚಾಗಿ ಬಳಸ್ತೀರಿ ಎಂಬ ಆರೋಪ ನಿಮ್ಮ ಮೇಲಿದೆ’.

. ‘ಕಲಾಪದಲ್ಲಿ ಗದೆ, ಒದೆ ಬಳಕೆಗೆ ಅವಕಾಶವಿಲ್ಲ. ನಾಲಿಗೆ ಬಳಸದಿದ್ದರೆ ಶತ್ರುನಿಗ್ರಹ ಸಾಧ್ಯವಾಗುವುದಿಲ್ಲ’.

. ‘ಗಂಟಲು ಹರಿದುಕೊಂಡು, ಬೆವರು ಹರಿಸಿಕೊಂಡು ಕಲಾಪದಲ್ಲಿ ಪ್ರತಾಪ ತೋರಿದ ಪರಾಕ್ರಮಿ ನೀವು!’

. ‘ಪ್ರಜೆಗಳ ಹಿತಕ್ಕಾಗಿ ಹೋರಾಡುವಾಗ ಬೆವರೂ, ಬಟ್ಟೆಯೂ ಹರಿಯುತ್ತದೆ’.

. ‘ಇವತ್ತೂ ಬಟ್ಟೆ ಹರಿದುಕೊಂಡು ಬಂದ್ರಾ... ಮಕ್ಕಳು ಜಗಳವಾಡಿ ಬಟ್ಟೆ ಹರಿದುಕೊಳ್ಳುವಂತೆ ನೀವು ಪ್ರತಿ ಬಾರಿಯೂ ಬಟ್ಟೆ ಹರಿದುಕೊಳ್ತೀರಿ...’ ಪತಿಯ ಹರಿದ ಜುಬ್ಬಾ ಬಿಚ್ಚಿದರು.

. ‘ಪ್ರಜೆಗಳ ರಕ್ಷಣೆಗಾಗಿ ಬಟ್ಟೆ ತ್ಯಾಗಕ್ಕೂ ಸಿದ್ಧರಿರಬೇಕು’.

. ‘ಸರ್ಕಾರಿ ನೌಕರರು ತಿಂಗಳಿಗೊಮ್ಮೆ ಖಾದಿ ಡ್ರೆಸ್ ಧರಿಸುವುದನ್ನು ಸರ್ಕಾರ ಕಡ್ಡಾಯ ಮಾಡಲಿದೆಯಂತೆ. ನಿಮ್ಮಂತಹ ಕಲಾಪ ಕಲಿಗಳಿಗೆ ಸರ್ಕಾರ ಪ್ರತ್ಯೇಕ ಬಟ್ಟೆ ಕೊಡಬೇಕು’.

. ‘ಬಟ್ಟೆ ಹರಿಯೋದು, ಸರ್ಕಾರದ ಸುತ್ತೋಲೆ ಹರಿಯೋದು ಕಲಾಪದಲ್ಲಿ ಸಹಜ’.

. ‘ಆದರೆ, ಜನನಾಯಕರ ವರ್ತನೆಯಿಂದ ಅಸೆಂಬ್ಲಿ, ಪಾರ್ಲಿಮೆಂಟ್ನ ಘನತೆ, ಗೌರವಕ್ಕೆ ಧಕ್ಕೆಯಾಗುತ್ತಿದೆ. ಎಂದು ಪೇಪರ್ನವರು ಟೀಕೆ ಮಾಡಿ ಬರೆಯುತ್ತಿದ್ದಾರೆ ಕಣ್ರೀ...’ ಬೇಸರಗೊಂಡ ಪತ್ನಿ ನಾಯಕರಿಗೆ ಹೊಸ ಜುಬ್ಬಾ ತೊಡಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚುರುಮುರಿ: ಕಲಾಪ ಪ್ರತಾಪ

ಚಿನಕುರುಳಿ: ಮಂಗಳವಾರ, 10 ಫೆಬ್ರುವರಿ 2026

ಗುಂಡಣ್ಣ: ಮಂಗಳವಾರ, 10 ಫೆಬ್ರುವರಿ 2026

ಚುರುಮುರಿ: ಅಮೆರಿಕ ಮಗಾ...

ಸಕಲೇಶಪುರದಲ್ಲಿ ಬೀಡುಬಿಟ್ಟ ‘ಭಾಗ್ಯಲಕ್ಷ್ಮೀ’ ಧಾರಾವಾಹಿ ಕಲಾವಿದರು

T20 World Cup: ಅಭ್ಯಾಸಕ್ಕೆ ಬಾರದ ಅಭಿಷೇಕ್ ಶರ್ಮಾ

T20 World Cup: ಮಾರ್ಷ್ ಬಳಗಕ್ಕೆ ಐರ್ಲೆಂಡ್ ಸವಾಲು

T20 World Cup: ಪಾಕಿಸ್ತಾನಕ್ಕೆ ಎರಡನೇ ಗೆಲುವು, ಅಮೆರಿಕಕ್ಕೆ ಸೋಲು

ಅಂತರ ವಿ.ವಿ ಮಹಿಳಾ ಬ್ಯಾಸ್ಕೆಟ್‌ಬಾಲ್: ಜೈನ್‌ ತಂಡ ಶುಭಾರಂಭ

ಒಳನೋಟ: ಅನಿಶ್ಚಿತತೆ ನಡುವೆ ದಾಖಲೆಯ ಗಳಿಕೆ

ಒಳನೋಟ: ಚಿನ್ನ, ಬೆಳ್ಳಿ ಬೆಲೆ ಏರಿಳಿತ; ಅಕ್ಕಸಾಲಿಗರ ಹೊಟ್ಟೆಗೆ ಬರೆ

ಒಳನೋಟ | ಕುಸಿದ ಬೆಲೆ: ರಬ್ಬರ್‌ ಉಳಿಯುವುದೇ?

ಒಳನೋಟ: ಪ್ರತಿಜೀವಕಗಳೇ ಜೀವಕ್ಕೆ ಕುತ್ತು?

ಚಿನಕುರುಳಿ: ಮಂಗಳವಾರ, 10 ಫೆಬ್ರುವರಿ 2026

ಗುಂಡಣ್ಣ: ಮಂಗಳವಾರ, 10 ಫೆಬ್ರುವರಿ 2026

ಚುರುಮುರಿ: ಅಮೆರಿಕ ಮಗಾ...

ಸಕಲೇಶಪುರದಲ್ಲಿ ಬೀಡುಬಿಟ್ಟ ‘ಭಾಗ್ಯಲಕ್ಷ್ಮೀ’ ಧಾರಾವಾಹಿ ಕಲಾವಿದರು