ಹಾಕಿ: ಪಾಲಚಂಡ ತಂಡಕ್ಕೆ ಗೆಲುವು

ಬುಧವಾರದ ಪಂದ್ಯದಲ್ಲಿ ಪಾಲಚಂಡ ತಂಡದ ಪರ ಪ್ರಾರ್ಥನ್ ಪೊನ್ನಣ್ಣ ಮತ್ತು ಚೇತನ್ ಬೋಪಣ್ಣ ತಲಾ 2 ಗೋಲು ಗಳಿಸಿದರು. ಮತ್ತೊಂದು ಪಂದ್ಯದಲ್ಲಿ ಆತಿಥೇಯ ಕುಂಡ್ಯೋಳಂಡ ತಂಡ 3–2ರ ಅಂತರದಿಂದ ಪುಚ್ಚಿಮಾಡ ವಿರುದ್ಧ ಗೆಲುವು ಸಾಧಿಸಿ, ಮುಂದಿನ ಸುತ್ತು ಪ್ರವೇಶಿಸಿತು.

ಪಂದ್ಯದ ಫಲಿತಾಂಶ: ನಂಬುಬುಡಮಂಡ 3–1ರಿಂದ ಪೊನ್ನಾಲತಂಡ ವಿರುದ್ಧ; ವಾಟೇರಿರ 3–0ಯಿಂದ ನಡಿಕೇರಿಯಂಡ ವಿರುದ್ಧ; ಪಾಲೆಯಡ 3-0ಯಿಂದ ತಂಬಂಡ ವಿರುದ್ಧ; ಕಲ್ಲೆಂಗಡ 3–0ಯಿಂದ ಪಳಂಗೇಟಿರ ವಿರುದ್ಧ; ಚೊಟ್ಟೇರ 2–1ರಿಂದ ಕಾಯಪಂಡ ವಿರುದ್ಧ; ಬಾಚಮಂಡ 3–0 ಯಿಂದ ಕೊಕ್ಕಲಮಾಡ ವಿರುದ್ಧ; ಚೆರುವಾಳಂಡ 2–1ರಿಂದ ಬಲ್ಲಿಯಂಡ ವಿರುದ್ಧ; ಮುದ್ದಿಯಂಡ 5–2ರಿಂದ ಬೊಜ್ಜಂಗಡ ವಿರುದ್ಧ; ಮೊಣ್ಣಂಡ 3–0ಯಿಂದ ಆಪಟ್ಟಿರ ವಿರುದ್ಧ ಗೆಲುವು ಸಾಧಿಸಿದವು.

ಕೇಕಡ ಮತ್ತು ಕೂಪದಿರ ತಂಡಗಳ ಪಂದ್ಯ ಸಮಬಲಗೊಂಡು, ನಂತರ ಪೆನಾಲ್ಟಿ ಶೂಟೌಟ್‌ನಲ್ಲಿ ಕೂಪದಿರ 3-1ರಿಂದ ಗೆಲುವು ಸಾಧಿಸಿತು. ಅಮ್ಮನಕುಟ್ಟಂಡ ವಿರುದ್ಧ ಬೊಟ್ಟೋಳಂಡ, ಕಿರಿಯಮಾಡ ವಿರುದ್ಧ ಬೈರಟಿರ, ನೆಲ್ಲಿರ ವಿರುದ್ಧ ಕುಪ್ಪಣಮಾಡ, ಜಂಬಂಡ ವಿರುದ್ಧ ಚೊಟ್ಟೆಕ್‌ಮಾಡ, ಬೋಳ್ತಂಡ ತಂಡದ ವಿರುದ್ಧ ಅದೇಂಗಡ ವಾಕ್‌ಓವರ್‌ನಲ್ಲಿ ಮುಂದಿನ ಸುತ್ತು ಪ್ರವೇಶಿಸಿದವು.