ಭುವನೇಶ್ವರ (ಪಿಟಿಐ): ಅಭಾ ಖತುವಾ ಅವರು ಇಲ್ಲಿ ನಡೆಯುತ್ತಿರುವ ರಾಷ್ಟ್ರೀಯ ಫೆಡರೇಷನ್ ಕಪ್ ಅಥ್ಲೆಟಿಕ್ಸ್‌ನ ಶಾಟ್‌ಪಟ್‌ ಥ್ರೋ ಸ್ಪರ್ಧೆಯಲ್ಲಿ 18.41 ಮೀಟರ್‌ ಸಾಧನೆಯೊಂದಿಗೆ ರಾಷ್ಟ್ರೀಯ ದಾಖಲೆ ನಿರ್ಮಿಸಿದರು.
ಮಹಾರಾಷ್ಟ್ರವನ್ನು ಪ್ರತಿನಿಧಿಸುತ್ತಿರುವ ಅಭಾ ಅವರು, ಮನ್‌ಪ್ರೀತ್ ಕೌರ್ (18.06 ಮೀ) ಅವರೊಂದಿಗೆ ಈ ಹಿಂದೆ ಜಂಟಿ ರಾಷ್ಟ್ರೀಯ ದಾಖಲೆಯನ್ನು ಹೊಂದಿದ್ದರು. ಈಗ ಆ ದಾಖಲೆಯನ್ನು ತಮ್ಮದೇ ಹೆಸರಿಗೆ ಬರೆದುಕೊಂಡಿದ್ದಾರೆ.
ಅಭಾ ಅವರಿಗೆ ಇಲ್ಲಿ ಒಲಿಂಪಿಕ್ಸ್ ಅರ್ಹತಾ ಮಟ್ಟ (18.80 ಮೀ) ತಲುಪಲು ಸಾಧ್ಯವಾಗಲಿಲ್ಲ. ಜೂನ್ 30ರಂದು ಕ್ವಾಲಿಫೈಯರ್‌ ವಿಂಡೋ ಮುಕ್ತಾಯಗೊಳ್ಳಲಿದೆ.
ಉನ್ನತಿಗೆ ಚಿನ್ನ: ಕರ್ನಟಕದ ಉನ್ನತಿ ಅಯ್ಯಪ್ಪ ಅವರು ಮಹಿಳೆಯರ 200 ಮೀಟರ್‌ ಓಟದ ಫೈನಲ್‌ನಲ್ಲಿ 23.85 ಸೆಕೆಂಡ್‌ಗಳಲ್ಲಿ ಕ್ರಮಿಸಿ ಚಿನ್ನ ಗೆದ್ದರು. ಸರಸ್ವತು ಸಹಾ (22.82ಸೆ) ಅವರ ರಾಷ್ಟ್ರೀಯ ದಾಖಲೆಯನ್ನು ಮುರಿಯವ ಅವಕಾಶವನ್ನು ಕೂದಲೆಳೆಯ ಅಂತರದಲ್ಲಿ ಕಳೆದುಕೊಂಡರು.
