ಜೈಪುರ: ರಾಜಸ್ಥಾನದ ಮಹೇಶ್ವರಿ ಚೌಹಾಣ್‌ ಅವರು ರಾಷ್ಟ್ರೀಯ ಶಾಟ್‌ಗನ್‌ ಶೂಟಿಂಗ್‌ ಚಾಂಪಿಯನ್‌ಷಿಪ್‌ನಲ್ಲಿ ಚಿನ್ನದ ಪದಕಕ್ಕೆ ಕೊರಳೊಡ್ಡಿದ್ದಾರೆ.
ಸೋಮವಾರ ನಡೆದ ಮಹಿಳೆಯರ ಸ್ಕೀಟ್‌ ವಿಭಾಗದ ಫೈನಲ್‌ನಲ್ಲಿ ಮಹೇಶ್ವರಿ 52–51 ಪಾಯಿಂಟ್ಸ್‌ನಿಂದ ಪಂಜಾಬ್‌ನ ಗಣೇಮತ್‌ ಶೇಕೊನ್‌ ಅವರನ್ನು ಸೋಲಿಸಿದರು.
ಪಂಜಾಬ್‌ನ ಸಿಮ್ರನ್‌ಪ್ರೀತ್‌ ಕೌರ್‌ ಜೋಹಲ್‌ ಈ ವಿಭಾಗದ ಕಂಚಿನ ಪದಕ ಪಡೆದರು.
ತಂಡ ವಿಭಾಗದಲ್ಲಿ ಪಂಜಾಬ್‌ ಚಿನ್ನದ ಸಾಧನೆ ಮಾಡಿತು. ಸಿಮ್ರನ್‌, ಪರಿನಾಜ್‌ ಮತ್ತು ಗಣೇಮತ್‌ ಅವರಿದ್ದ ತಂಡ ಫೈನಲ್‌ನಲ್ಲಿ 342 ಪಾಯಿಂಟ್ಸ್‌ ಕಲೆಹಾಕಿತು. ರಾಜಸ್ಥಾನ (331) ಮತ್ತು ತೆಲಂಗಾಣ ಕ್ರಮವಾಗಿ ಬೆಳ್ಳಿ ಮತ್ತು ಕಂಚಿನ ಪದಕಗಳನ್ನು ಜಯಿಸಿದವು.
