ನೀರಜ್ ಚೋಪ್ರಾ ಯೂಟ್ಯೂಬ್ ವಾಹಿನಿ ಆರಂಭ

ಈ ವಾಹಿನಿಯಲ್ಲಿ ನೀರಜ್ ಅವರ ಕ್ರೀಡೆ ಮತ್ತು ಫಿಟ್‌ನೆಸ್‌ ಕುರಿತ ವಿಡಿಯೊಗಳು ಪ್ರಸಾರವಾಗಲಿವೆ. ಭಾನುವಾರ ಈ ವಾಹಿನಿಯನ್ನು ಆರಂಭಿಸಲಾಯಿತು.

‘ಜಾವೆಲಿನ್ ಥ್ರೋನಲ್ಲಿ ದಿಗ್ಗಜರಾಗಿರುವ ಅಂತರರಾಷ್ಟ್ರೀಯ ಅಥ್ಲೀಟ್‌ಗಳನ್ನು ಮೊದಲಿನಿಂದಲೂ ಯೂಟ್ಯೂಬ್‌ನಲ್ಲಿ ನೋಡಿದ್ದೇನೆ. ಅವರ ಹಾವಭಾವಗಳು ಮತ್ತು ಆಟದ ತಂತ್ರಗಳನ್ನು ಕಲಿತಿದ್ದೇನೆ. ತರಬೇತಿಯ ನಡುವೆ ಬಿಡುವು ಸಿಕ್ಕಾಗ ಯೂಟ್ಯೂಬ್‌ನ ಮನರಂಜನೆ ಕಾರ್ಯಕ್ರಮಗಳನ್ನೂ ನೋಡಿದ್ದೇನೆ. ಅದರಿಂದಾಗಿ ಈ ಮಾಧ್ಯಮದಲ್ಲಿ ವಾಹಿನಿ ಆರಂಭಿಸಲು ಸಂತಸವಾಗುತ್ತಿದೆ‘ ಎಂದು ನೀರಜ್ ತಮ್ಮ ಸಾಮಾಜಿಕ ಜಾಲತಾಣಗಳಲ್ಲಿ ಬರೆದಿದ್ದಾರೆ.