ಸ್ವಪ್ನಾ ಬರ್ಮನ್‌ಗೆ ವಿಶೇಷ ಶೂ

ಬುಧವಾರ, ಮಾರ್ಚ್ 27, 2019
22 °C
ಕಾಲುಗಳಲ್ಲಿ ತಲಾ ಆರು ಬೆರಳುಗಳಿದ್ದರಿಂದ ಸಾಧಾರಣ ಶೂ ಧರಿಸಲು ಕಷ್ಟವಾಗುತ್ತಿತ್ತು

ಸ್ವಪ್ನಾ ಬರ್ಮನ್‌ಗೆ ವಿಶೇಷ ಶೂ

Published:
Updated:
Prajavani

ನವದೆಹಲಿ: ಏಷ್ಯಾ ಕ್ರೀಡಾಕೂಟದಲ್ಲಿ ಚಿನ್ನ ಗೆದ್ದು ಗಮನ ಸೆಳೆದಿದ್ದ ಭಾರತದ ಹೆಪ್ಟಾಥ್ಲಾನ್ ಕ್ರೀಡಾಪಟು ಸ್ವಪ್ನಾ ಬರ್ಮನ್‌ ಅವರಿಗೆ ಕೊನೆಗೂ ವಿಶೇಷ ಶೂಗಳು ಲಭಿಸಿದವು.

ಸ್ವಪ್ನಾ ಅವರ ಕಾಲುಗಳಲ್ಲಿ ತಲಾ ಆರು ಬೆರಳುಗಳಿದ್ದು ಸಾಧಾರಣ ಶೂ ಹಾಕಿ ಕ್ರೀಡಾ ಚಟುವಟಿಕೆ ನಡೆಸುವುದು ಕಷ್ಟವಾಗುತ್ತಿತ್ತು.

ಏಷ್ಯಾ ಕೂಟದಲ್ಲಿ ಪದಕ ಗೆದ್ದ ನಂತರ ಅವರು ಈ ವಿಷಯವನ್ನು ಬಹಿರಂಗ ಮಾಡಿದ್ದರು.

ಅವರ ನೋವಿಗೆ ಸ್ಪಂದಿಸಿದ ಜರ್ಮನ್‌ನ ಕ್ರೀಡಾ ಪೋಷಾಕು ತಯಾರಿಕಾ ಕಂಪನಿ ಅಡಿಡಾಸ್‌ ವಿಶೇಷವಾದ ಶೂ ತಯಾರಿಸಲು ಮುಂದಾಗಿತ್ತು.

ಕಂಪನಿಯವರು ತಮ್ಮ ಪ್ರಯೋ ಗಾಲಯಕ್ಕೆ ಸ್ವಪ್ನಾ ಅವರನ್ನು ಕರೆದುಕೊಂಡು ಹೋಗಿ ಅವರ ಪಾದದ ಅಳತೆ ತೆಗೆದುಕೊಂಡಿತ್ತು.

‘ಕೊನೆಗೂ ನನಗೆ ಫಿಟ್ ಆಗುವ ಒಂದು ಜೋಡಿ ಶೂ ಲಭಿಸಿದ್ದು ಸಂತಸದ ವಿಷಯ. ಮುಂದಿನ ದಿನಗಳಲ್ಲಿ ನನ್ನ ಸಾಮರ್ಥ್ಯವನ್ನು ಹೆಚ್ಚಿಸಿಕೊಳ್ಳಲು ಇದು ನೆರವಾಗಲಿದೆ. ಕಠಿಣ ಅಭ್ಯಾಸಕ್ಕೆ ಈ ಕೊಡುಗೆ ಪ್ರೇರಣೆ ನೀಡಿದೆ’ ಎಂದು ಸ್ವಪ್ನಾ ಬರ್ಮನ್ ಹೇಳಿದರು.  

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !