ಗೋವಿನ ಸ್ಪರ್ಶದಿಂದ ನಕಾರಾತ್ಮಕತೆ ದೂರ: ಹೇಳಿಕೆ ಸಮರ್ಥಿಸಿದ ‘ಕೈ’ ನಾಯಕಿ ಯಶೋಮತಿ

ಗೋವನ್ನು ಮುಟ್ಟಿದಾಗ ನಕಾರಾತ್ಮಕ ಶಕ್ತಿ ದೂರವಾಗುತ್ತದೆ. ಇದನ್ನು ನಮ್ಮ ಸಂಸ್ಕೃತಿಯೇ ಹೇಳಿದೆಎಂದು ಅಮರಾವತಿಯಲ್ಲಿ ಶನಿವಾರ ನಡೆದ ಕಾರ್ಯಕ್ರಮದಲ್ಲಿ ಅವರು ಹೇಳಿದ್ದರು. ಇದಕ್ಕೆ ಆಕ್ಷೇಪ ವ್ಯಕ್ತವಾಗಿತ್ತು. ಈ ಕುರಿತುಪಿಟಿಐಸುದ್ದಿಸಂಸ್ಥೆಗೆ ಭಾನುವಾರ ಪ್ರತಿಕ್ರಿಯೆ ನೀಡಿದ ಅವರು, ಹೇಳಿಕೆಯನ್ನು ಸಮರ್ಥಿಸಿಕೊಂಡಿದ್ದಾರೆ.

‘ಗೋವು ಪವಿತ್ರವಾದ ಪ್ರಾಣಿ. ದನ ಇರಲಿ ಅಥವಾ ಇತರ ಯಾವುದೇ ಪ್ರಾಣಿಯಾಗಲಿ ಅವುಗಳನ್ನು ಸ್ಪರ್ಶಿಸಿದಾಗ ನಮ್ಮಲ್ಲಿ ಸಹಾನುಭೂತಿ ಉಂಟಾಗುತ್ತದೆ. ನಾನು ಹೇಳಿದ್ದರಲ್ಲಿ ತಪ್ಪೇನಿದೆ’ ಎಂದು ಅವರು ಪ್ರಶ್ನಿಸಿದ್ದಾರೆ.

ಇದೇ ಮೊದಲಲ್ಲ:ವಾಶಿಮ್ ಜಿಲ್ಲಾ ಪರಿಷತ್ ಚುನಾವಣಾ ಪ್ರಚಾರದ ವೇಳೆ ಮಾತನಾಡಿದ್ದ ಯಶೋಮತಿ, ‘ನಾವಿಗಷ್ಟೇ ಅಧಿಕಾರಕ್ಕೆ ಬಂದಿದ್ದೇವೆ. ನಮ್ಮ ಜೇಬುಗಳು ಇನ್ನೂ ಬೆಚ್ಚಗಾಗಿಲ್ಲ’ ಎಂದು ಹೇಳಿದ್ದರು.

‘ಮತದಾರರು ಪ್ರತಿಪಕ್ಷದಿಂದ ಹಣ ಸ್ವೀಕರಿಸಬಹುದು. ಆದರೆ ಮತ ಮಾತ್ರ ಕಾಂಗ್ರೆಸ್‌ಗೇ ನೀಡಿ’ ಎಂದೂ ಹೇಳಿದ್ದರು. ಈ ಹೇಳಿಕೆಗಳೂ ವಿವಾದಕ್ಕೀಡಾಗಿದ್ದವು.