ಭುವನೇಶ್ವರ: ಪ್ರಖ್ಯಾತ ಮರಳು ಶಿಲ್ಪಿ ಭಾರತದ ಸುದರ್ಶನ್‌ ಪಟ್ನಾಯಕ್ ಅವರಿಗೆ 2019ರ ಇಟಲಿಯ ಗೋಲ್ಡನ್‌ ಆರ್ಟ್‌ ಪ್ರಶಸ್ತಿ ಲಭಿಸಿದೆ.
ನವೆಂಬರ್ 13ರಿಂದ 18ರ ತನಕ ಇಟಲಿಯಲ್ಲಿ ನಡೆಯಲಿರುವ ‘ಸ್ಕೊರಾನಾ ಮರಳು ಶಿಲ್ಪ’ ಉತ್ಸವದಲ್ಲಿ ಪ್ರಶಸ್ತಿ ಪ್ರದಾನ ಮಾಡಲಾಗುತ್ತದೆ. ಈ ಉತ್ಸವದಲ್ಲಿ ಪಟ್ನಾಯಕ್ ಅವರ ಎಂಟು ರಚನೆಗಳು ಪ್ರದರ್ಶನಗೊಳ್ಳಲಿವೆ. ಪಟ್ನಾಯಕ್ ಸಾಧನೆಗೆ ಒಡಿಶಾ ಮುಖ್ಯಮಂತ್ರಿ ನವೀನ್ ಪಟ್ನಾಯಿಕ್ ಅಭಿನಂದನೆ ಸಲ್ಲಿಸಿದ್ದಾರೆ.
‘ಪ್ರಶಸ್ತಿ ಲಭಿಸಿರುವುದು ಸಂತಸ ತಂದಿದೆ ಎಂದು ಹೇಳಿರುವ ಕಲಾವಿದ ಸುದರ್ಶನ್‌, ನಾನು ಈ ಉತ್ಸವದಲ್ಲಿ ಭಾಗಿಯಾಗಲು ಉತ್ಸುಕನಾಗಿದ್ದೇನೆ’ ಎಂದಿದ್ದಾರೆ.
