ಚುನಾವಣೆಯಲ್ಲಿ ಬಿಜೆಪಿ ‘ಮಿಷನ್–150’ ಗುರಿ ಹೊಂದಿದೆ. ಆದರೆ ಈಗಿರುವ ಸ್ಥಿತಿಯಲ್ಲಿ, ಸರಳ ಬಹುಮತ ಪಡೆದು ಅಧಿಕಾರದ ಚುಕ್ಕಾಣಿ ಹಿಡಿಯಲು ಸುಮಾರು 20ರಿಂದ 30 ಸ್ಥಾನಗಳ ಕೊರತೆ ಬೀಳಬಹುದು. ಗೆಲುವು ಖಚಿತ ಎಂದು ಗುರುತಿಸಿದ ಕ್ಷೇತ್ರಗಳನ್ನು ಬಿಟ್ಟು, ಗೆಲುವಿನ ಸಮೀಪ ತಲುಪಬಹುದಾದ ಕ್ಷೇತ್ರಗಳನ್ನು ಕೇಂದ್ರೀಕರಿಸಿ ಚುನಾವಣಾ ತಂತ್ರಗಳನ್ನು ರೂಪಿಸಲು ಬಿಜೆಪಿ ಮುಂದಾಗಿದೆ. ಬಹುಮತ ಗಳಿಸಿ ಮತ್ತೆ ಆಡಳಿತ ಕೈವಶ ಮಾಡಿಕೊಳ್ಳುತ್ತೇವೆ ಎಂದು ಆ ಪಕ್ಷದ ನಾಯಕರು ವಿಶ್ವಾಸ ಹೊಂದಿದ್ದಾರೆ. ಆದರೆ, ಬಿಜೆಪಿ ಸ್ಥಿತಿಯೇ ಕಾಂಗ್ರೆಸ್ನಲ್ಲೂ ಇದೆ.