ಬುಧವಾರ, ಏಪ್ರಿಲ್ 1, 2020
19 °C

50 ವರ್ಷಗಳ ಹಿಂದೆ| ಶುಕ್ರವಾರ 27–2–1970

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಲೋಕಸಭೆಯಲ್ಲಿ ಭಾರಿ ಗೊಂದಲ: ಪ್ರಥಮವಾಗಿ ಘೋಷಣೆಗಳ ಚಕಮಕಿ

ನವದೆಹಲಿ, ಫೆ. 26– ದೇಶದ ವಿವಿಧ ಭಾಗಗಳಲ್ಲಿರುವ ವಿದೇಶಿ ವಾರ್ತೆ ಮತ್ತು ಸಂಸ್ಕೃತಿ ಕೇಂದ್ರಗಳನ್ನು ಮುಚ್ಚಲು ಕೇಂದ್ರ ವಿದೇಶಾಂಗ ಸಚಿವ ಶಾಖೆ ಕೈಗೊಂಡಿರುವ ನಿರ್ಧಾರ ಇಂದು ಲೋಕಸಭೆಯಲ್ಲಿ ಸುಮಾರು ಐವತ್ತು ನಿಮಿಷಗಳ ಕಾಲ ಕೋಲಾಹಲವುಂಟುಮಾಡಿತು. ಲೋಕಸಭೆಯ ಇತಿಹಾಸದಲ್ಲೇ ಮೊದಲ ಬಾರಿಗೆ ಸದಸ್ಯರು ಎರಡು ಗುಂಪುಗಳಾಗಿ ಘೋಷಣೆ– ಪ್ರತಿಘೋಷಣೆಗಳನ್ನು ಹಾಕಿದರು. 

ವಿದೇಶಾಂಗ ಸಚಿವ ಶಾಖೆ ಕೈಗೊಂಡಿರುವ ಈ ನಿರ್ಧಾರವನ್ನು ಇಂದು ಚರ್ಚಿಸಿದಾಗ ಲೋಕಸಭೆ ಗಲಭೆ, ಗೊಂದಲದಲ್ಲಿ ಮುಳುಗಿ ಹೋಗಿತ್ತು. ಕೋಪೋದ್ರಿಕ್ತ ಸದಸ್ಯರು ಭಾವಾಭಿನಯದಿಂದ ಘೋಷಣೆ ಕೂಗುತ್ತ ಪರಸ್ಪರ ಹುಯಿಲೆಬ್ಬಿಸಿದರು. 

ಕೇಂದ್ರದ ಸಲಹೆಗಳಲ್ಲಿ ಕಾಸರಗೋಡಿನ ಪ್ರಸ್ತಾಪ ಇಲ್ಲವೆಂದು ಮೇಲ್ಮನೆ ಟೀಕೆ

ಬೆಂಗಳೂರು, ಫೆ. 26– ರಾಜ್ಯದ ಗಡಿ ಸಮಸ್ಯೆಯ ಪರಿಹಾರಕ್ಕೆ ಕೇಂದ್ರವು ಮಾಡಿದೆಯೆಂದು ವರದಿಯಾಗಿರುವ ಸಲಹೆಗಳಲ್ಲಿ ಕಾಸರಗೋಡಿನ ಬಗ್ಗೆ ಪ್ರಸ್ತಾಪವಿಲ್ಲದಿರುವುದನ್ನು ಇಂದು ಮೇಲ್ಮನೆಯಲ್ಲಿ ಸದಸ್ಯರು ಟೀಕಿಸಿದರು.

ಗಡಿ ಸಮಸ್ಯೆ ಕುರಿತ ನಿರ್ಣಯದ ಚರ್ಚೆಯಲ್ಲಿ ಭಾಗವಹಿಸಿದ್ದ ಸದಸ್ಯರು, ಗಡಿ ಸಮಸ್ಯೆ ಪರಿಹಾರದಲ್ಲಿ ಕೇಂದ್ರಕ್ಕೆ ಆಸಕ್ತಿ ಇದ್ದಿದ್ದರೆ ಮಹಾಜನ್‌ ಆಯೋಗದ ಕಾರ್ಯವ್ಯಾಪ್ತಿಗೊಳಪಟ್ಟಿದ್ದ ಮೈಸೂರು– ಕೇರಳ ಗಡಿ ಸಮಸ್ಯೆಯನ್ನೂ ಬಗೆಹರಿಸ
ಬೇಕಾಗಿತ್ತೆಂದು ವಾದಿಸಿದರು. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)