ಹೆದ್ದಾರಿಯಲ್ಲಿ ಛಿದ್ರವಾದ ಯುವಕರಿಬ್ಬರ ಮೃತದೇಹ

7

ಹೆದ್ದಾರಿಯಲ್ಲಿ ಛಿದ್ರವಾದ ಯುವಕರಿಬ್ಬರ ಮೃತದೇಹ

Published:
Updated:

ಮಂಡ್ಯ: ನಗರದ ಹೊರವಲಯ ವಿ.ಸಿ.ಪಾರಂ ಗೇಟ್‌ ಬಳಿ ಬೆಂಗಳೂರು– ಮೈಸೂರು ರಾಷ್ಟ್ರೀಯ ಹೆದ್ದಾರಿಯಲ್ಲಿ ಭಾನುವಾರ ಬೆಳಿಗ್ಗೆ ಸಿಮೆಂಟ್‌ ಲಾರಿ ಹಾಗೂ ಬೈಕ್‌ ನಡುವೆ ನಡೆದ ಭೀಕರ ರಸ್ತೆ ಅಪಘಾತದಲ್ಲಿ ಇಬ್ಬರು ಯುವಕರು ಮೃತಪಟ್ಟಿದ್ದಾರೆ. ಡಿಕ್ಕಿಯ ರಭಸಕ್ಕೆ ಯುವಕರ ದೇಹಗಳು ಛಿದ್ರವಾಗಿದ್ದು ಅಂಗಾಂಗಗಳು ಹೆದ್ದಾರಿಯಲ್ಲಿ ಚಿಲ್ಲಾಪಿಲ್ಲಿಯಾಗಿ ಬಿದ್ದಿದ್ದವು.

ಎಚ್‌.ಮಲ್ಲಿಗೆರೆ ಗ್ರಾಮದ ಪ್ರಶಾಂತ್‌ (23), ಹೊಳಲು ಗ್ರಾಮದ ಪ್ರಮೋದ್‌ (19) ಮೃತಪಟ್ಟ ಯುವಕರು. ಯುವಕರಿಬ್ಬರೂ ಸೋದರ ಸಂಬಂಧಿಗಳಾಗಿದ್ದು ಭಾನುವಾರ ಬೆಳಿಗ್ಗೆ ಕಾಳೇನಹಳ್ಳಿ ಗ್ರಾಮಕ್ಕೆ ಬೈಕ್‌ನಲ್ಲಿ ತೆರಳುತ್ತಿದ್ದರು. ಬೈಕ್‌ ಓಡಿಸುತ್ತಿದ್ದ ಪ್ರಶಾಂತ್‌ ವಿ.ಸಿ.ಫಾರಂ ಗೇಟ್‌ ತಿರುವಿನಲ್ಲಿ ಮೈಸೂರು ಕಡೆಗೆ ತಿರುಗಿಸಿದ್ದಾರೆ. ಬೆಂಗಳೂರು ಕಡೆಗೆ ವೇಗವಾಗಿ ಬರುತ್ತಿದ್ದ ಸಿಮೆಂಟ್‌ ತುಂಬಿದ್ದ ಲಾರಿ ಬೈಕ್‌ಗೆ ಡಿಕ್ಕಿ ಹೊಡೆದಿದೆ. ಡಿಕ್ಕಿಯ ರಭಸಕ್ಕೆ ಇಬ್ಬರೂ ಸ್ಥಳದಲ್ಲೇ ಮೃತಪಟ್ಟಿದ್ದು ಮೃತ ದೇಹಗಳು ಗುರುತಿಸಲು ಸಾಧ್ಯವಾಗದಷ್ಟು ಛಿದ್ರವಾಗಿವೆ.

ಅಪಘಾತದ ನಂತರ ಚಾಲಕ ಲಾರಿಯನ್ನು ನಿಲ್ಲಿಸದೆ ಮುಂದೆ ತೆರಳಿದ್ದಾನೆ. ಲಾರಿ ಮೃತದೇಹಗಳನ್ನು ಹೆದ್ದಾರಿಯಲ್ಲಿ ಎಳೆದು ಸಾಗಿದೆ. ಪ್ರಮೋದ್‌ ದೇಹವನ್ನು 200 ಮೀಟರ್‌ವರೆಗೂ ಎಳೆದು ಸಾಗಿದೆ. ಇದರಿಂದ ಮೃತದೇಹಗಳ ಅಂಗಾಂಗ ಹೆದ್ದಾರಿಯಲ್ಲಿ ಚೆಲ್ಲಾಪಿಲ್ಲಿಯಾಗಿ ಬಿದ್ದಿದ್ದವು. ಅರ್ಧಗಂಟೆಗೂ ಹೆಚ್ಚು ಕಾಲ ಟ್ರಾಫಿಕ್‌ ಜಾಮ್‌ ಉಂಟಾಗಿತ್ತು. ಭಾನುವಾರವಾದ ಕಾರಣ ರಸ್ತೆಯಲ್ಲಿ ವಾಹನ ದಟ್ಟಣೆ ವಿಪರೀತವಾಗಿತ್ತು.

ಹೆಚ್ಚುವರಿ ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಲಾವಣ್ಯಾ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ನಂತರ ದೇಹಗಳನ್ನು ಮಿಮ್ಸ್‌ ಆಸ್ಪತ್ರೆಗೆ ಸಾಗಿಸಲಾಯಿತು. ಆಸ್ಪತ್ರೆಗೆ ಜಿಲ್ಲಾ ಉಸ್ತುವಾರಿ ಸಚಿವ ಸಿ.ಎಸ್‌.ಪುಟ್ಟರಾಜು ಭೇಟಿ ನೀಡಿದ್ದರು.

ಚಾಲಕನ ಮೇಲೆ ಹಲ್ಲೆ: ಲಾರಿ ನಿಲ್ಲಸದೇ ತೆರಳಿದ ಕಾರಣ ಜನರು ಚಾಲಕ ಚಂದ್ರು ಮೇಲೆ ಹಲ್ಲೆ ಮಾಡಿದ್ದಾರೆ. ತೀವ್ರವಾಗಿ ಗಾಯಗೊಂಡಿರುವ ಆತ ಮಿಮ್ಸ್‌ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ.

Tags: 

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !