<p>ಆಷಾಢದ ಕಂಬಳಿಹುಳು ಶ್ರಾವಣದ ಲಗ್ನಸಂಭ್ರಮಕ್ಕೆ<br /> ಅಂಟಿಸಿಕೊಂಡು ಇಕ್ಕೆಗಲ ರೆಕ್ಕೆ ಚುರುಕು ಮೀಸೆ-<br /> ಯಾಡಿಸುತ್ತಾ ತೆರೆದ ಕಿಟಕಿಯ ಮೂಲಕ<br /> ಒಮ್ಮೆ ನನ್ನ ಮನೆಯ ರೂಮೊಂದಕ್ಕೆ ಹಾರಿ<br /> ಬಂದುಬಿಡಬಹುದೇ ಹಾಗೇ?<br /> <br /> ಮೇಜಿನ ಮೇಲೆ ಅರ್ಧ ಬರೆದಿಟ್ಟ<br /> ಕವಿತೆಯ ಕೊನೆಗೆ ಅದೇನು ಬರೆದದ್ದು?<br /> ಗೋಡೆಗೆ ನೇತುಹಾಕಿದ್ದ ಚಿತ್ರಪಟದ<br /> ಅವಳ ತುಟಿಯ ಮೇಲೆ ಹೋಗಿ ಕುಳಿತದ್ದು!<br /> ಕನ್ನಡಿಯಲ್ಲಿ ಮುಖ ನೋಡಿ ನಕ್ಕದ್ದು!<br /> ಕಪಾಟಿನಲ್ಲಿದ್ದ ಹಳದಿ ಹೂವಿನ ಸೀರೆಯ<br /> ಮೇಲೆ ಕುಳಿತು ಕಸೂತಿ ಹಾಕಿದ್ದು!<br /> ಏನಿದರ ಆಟ ಮಾಟ? ಪ್ರಶ್ನಿಸಿ ನಕ್ಕೆ.</p>.<p>ಉತ್ತರವೆಂಬಂತೆ ಹಾಸಿದ ಪಲ್ಲಂಗದ<br /> ಹಾರಿಕೊಂಡು ಬಂದು ಕುಳಿತು ಸೀದಾ<br /> ಪಟ್ಟಾಂಗ ಹೊಡೆಯುವುದೇ?<br /> ಅರೆರೇ, ಅರ್ಥವಾದವಳಂತೆ ಕೂಡಲೇ<br /> ಕೈ ಬೀಸಿದೆ- ‘ಅತಿಯಾಯಿತು ಚೇಷ್ಟೆ,<br /> ಹೋಗು ಹೋಗೆಲೆ ಚಿಟ್ಟೆ, ಒಡೆದು ಹೋಗೆನ್ನ<br /> ಆಸೆಮೊಟ್ಟೆ’.</p>.<p>ಅಷ್ಟೇ ನೋಡಿ... ಹಾರಿದೆ ಮೂಲೆಯಲ್ಲಿದ್ದ<br /> ದೀಪದ ಮಲ್ಲಿಯ ದೀಪದೊಳಕ್ಕೆ<br /> ಚಿಟ್ಟೆಯಾದ ಸುಖವಿತ್ತು ಅದಕ್ಕೆ<br /> ಕಂದುಬಣ್ಣದ ಮೇಲೆ ಕಪ್ಪುಚುಕ್ಕೆ<br /> ‘ಬೇಸರವಾಯಿತೆ? ನಿಲ್ಲು ನಿಲ್ಲು<br /> ನಿನ್ನನೇ ನೀನು ಸುಟ್ಟುಕೊಳ್ಳುವಿಯೇಕೆ?’<br /> ಬಳಿಸಾರಿ ತಡವಿದೆ ಮತ್ತೊಮ್ಮೆ ಮಗದೊಮ್ಮೆ<br /> ಕಾಣುತ್ತಿಲ್ಲವಲ್ಲ ಚಿಟ್ಟೆ, ಇಲ್ಲೇ ಅವಿತಿದ್ದಲ್ಲವೇ?<br /> ಹೋಗಿದ್ದೆಲ್ಲಿಗೆ?<br /> ಇದೇನು ಜಾದೂವೆ? ಕಣ್ಣಾಮುಚ್ಚಾಲೆಯೇ?<br /> ಮಾಯೆಯೇ?<br /> ಒಳಬಂದ ಚಿಟ್ಟೆ ಹೊರಗೆ ಹಾರಲಿಲ್ಲವಲ್ಲ<br /> ಒಳಗೂ ಇಲ್ಲ, ಓಹ್!<br /> ಹಾಗಾದರೆ ಚಿಟ್ಟೆ ಬಂದದ್ದು ಸುಳ್ಳೇ?</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಆಷಾಢದ ಕಂಬಳಿಹುಳು ಶ್ರಾವಣದ ಲಗ್ನಸಂಭ್ರಮಕ್ಕೆ<br /> ಅಂಟಿಸಿಕೊಂಡು ಇಕ್ಕೆಗಲ ರೆಕ್ಕೆ ಚುರುಕು ಮೀಸೆ-<br /> ಯಾಡಿಸುತ್ತಾ ತೆರೆದ ಕಿಟಕಿಯ ಮೂಲಕ<br /> ಒಮ್ಮೆ ನನ್ನ ಮನೆಯ ರೂಮೊಂದಕ್ಕೆ ಹಾರಿ<br /> ಬಂದುಬಿಡಬಹುದೇ ಹಾಗೇ?<br /> <br /> ಮೇಜಿನ ಮೇಲೆ ಅರ್ಧ ಬರೆದಿಟ್ಟ<br /> ಕವಿತೆಯ ಕೊನೆಗೆ ಅದೇನು ಬರೆದದ್ದು?<br /> ಗೋಡೆಗೆ ನೇತುಹಾಕಿದ್ದ ಚಿತ್ರಪಟದ<br /> ಅವಳ ತುಟಿಯ ಮೇಲೆ ಹೋಗಿ ಕುಳಿತದ್ದು!<br /> ಕನ್ನಡಿಯಲ್ಲಿ ಮುಖ ನೋಡಿ ನಕ್ಕದ್ದು!<br /> ಕಪಾಟಿನಲ್ಲಿದ್ದ ಹಳದಿ ಹೂವಿನ ಸೀರೆಯ<br /> ಮೇಲೆ ಕುಳಿತು ಕಸೂತಿ ಹಾಕಿದ್ದು!<br /> ಏನಿದರ ಆಟ ಮಾಟ? ಪ್ರಶ್ನಿಸಿ ನಕ್ಕೆ.</p>.<p>ಉತ್ತರವೆಂಬಂತೆ ಹಾಸಿದ ಪಲ್ಲಂಗದ<br /> ಹಾರಿಕೊಂಡು ಬಂದು ಕುಳಿತು ಸೀದಾ<br /> ಪಟ್ಟಾಂಗ ಹೊಡೆಯುವುದೇ?<br /> ಅರೆರೇ, ಅರ್ಥವಾದವಳಂತೆ ಕೂಡಲೇ<br /> ಕೈ ಬೀಸಿದೆ- ‘ಅತಿಯಾಯಿತು ಚೇಷ್ಟೆ,<br /> ಹೋಗು ಹೋಗೆಲೆ ಚಿಟ್ಟೆ, ಒಡೆದು ಹೋಗೆನ್ನ<br /> ಆಸೆಮೊಟ್ಟೆ’.</p>.<p>ಅಷ್ಟೇ ನೋಡಿ... ಹಾರಿದೆ ಮೂಲೆಯಲ್ಲಿದ್ದ<br /> ದೀಪದ ಮಲ್ಲಿಯ ದೀಪದೊಳಕ್ಕೆ<br /> ಚಿಟ್ಟೆಯಾದ ಸುಖವಿತ್ತು ಅದಕ್ಕೆ<br /> ಕಂದುಬಣ್ಣದ ಮೇಲೆ ಕಪ್ಪುಚುಕ್ಕೆ<br /> ‘ಬೇಸರವಾಯಿತೆ? ನಿಲ್ಲು ನಿಲ್ಲು<br /> ನಿನ್ನನೇ ನೀನು ಸುಟ್ಟುಕೊಳ್ಳುವಿಯೇಕೆ?’<br /> ಬಳಿಸಾರಿ ತಡವಿದೆ ಮತ್ತೊಮ್ಮೆ ಮಗದೊಮ್ಮೆ<br /> ಕಾಣುತ್ತಿಲ್ಲವಲ್ಲ ಚಿಟ್ಟೆ, ಇಲ್ಲೇ ಅವಿತಿದ್ದಲ್ಲವೇ?<br /> ಹೋಗಿದ್ದೆಲ್ಲಿಗೆ?<br /> ಇದೇನು ಜಾದೂವೆ? ಕಣ್ಣಾಮುಚ್ಚಾಲೆಯೇ?<br /> ಮಾಯೆಯೇ?<br /> ಒಳಬಂದ ಚಿಟ್ಟೆ ಹೊರಗೆ ಹಾರಲಿಲ್ಲವಲ್ಲ<br /> ಒಳಗೂ ಇಲ್ಲ, ಓಹ್!<br /> ಹಾಗಾದರೆ ಚಿಟ್ಟೆ ಬಂದದ್ದು ಸುಳ್ಳೇ?</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
