ಬೈರಾಗಿಯ ಜಡೆ

1 ಹೊತ್ತು ಕಂತುವ ಮೊದಲೇ ನಿನಗೆ ಜಡೆ ಹೆಣೆದು ಮುಗಿಸಲೇಬೇಕೆಂಬುದಿವರ ಉಗ್ರ ಆದೇಶ. ನೀನೋ ಅಂಡಲೆವ ಬೈರಾಗಿ!

. ನಿಂತಲ್ಲಿ ನಿಲ್ಲುವವನಲ್ಲ ಕೂತಲ್ಲಿ ಕೂರುವವನಲ್ಲ ಕ್ಷಣಕ್ಕೊಮ್ಮೆ ಧಿಗ್ಗನೆದ್ದು ಗರಗರ ದಿಕ್ಕುತಪ್ಪಿ ತಿರುಗುವ ವಾಚಾಳಿ ಪಾದದವನು! ನನ್ನ ಯಾವ ಮಿಕ್ಕುಳಿದ ಋಣವೋ ನನಗೆ ಮೆಟ್ಟಿದ ಪ್ರಿಯ ಪಿಶಾಚಿ ನೀನು!

. 2 ಪುಸಲಾಯಿಸಿ ಗೋಗರೆದು ‘ಬಾರಪ್ಪ ಬಾ ಜಾಣ ಸುಮ್ಮನೆ ಕೂರೋ ನನ ದೇವಾ ದಮ್ಮಯ್ಯ ಅತ್ತಿತ್ತ ಅಲುಗಬೇಡ’ ಕಾಡಿಬೇಡಿ ಎಳೆತಂದು ಕುಕ್ಕರ ಬಡಿಸಿದರೂ ಕತ್ತು ಆಕಾಶಕ್ಕೊಮ್ಮೆ ಇನ್ನೊಮ್ಮೆ ಭೂಮಿಗೆ ನನ್ನ ಸಹನೆ ಬೆಂಕಿಗೆ! ಅದೆಷ್ಟೋ ಕಾಲದಿಂದ ಎಣ್ಣೆ ಬಾಚಣಿಗೆ ಸೋಕದೇ ಸೊಕ್ಕಿ ಜಡೆಗಟ್ಟಿದ ನಿನ್ನ ಕೂದಲೋ ದಂಡಕಾರಣ್ಯ ಎಲ್ಲಿ ಹೊಕ್ಕು ಹೇಗೆ ಬಿಡಿಸುವುದೋ ಪರಮ ಸಿಕ್ಕು ಮಹಾ ಗೋಜಲು. 3 ಇವರದೋ ಒಂದೇ ಆಗ್ರಹ ಹೊತ್ತು ಮುಳುಗುತ್ತಿದೆ ಬೇಗ ಮುಗಿಸು ಬೇಗ ಮುಗಿಸು.

. ಅದೇನು ಅಂತಿಂಥಾ ಜಡೆಯೇ ಬರೀ ಜಡೆಯೇ ಹೆಣೆದು ಬಿಸಾಡಲು? ಹೆಣೆಯ ಬೇಕಿಗ ಸಹಸ್ರ ಕಾಲಿನ ಜಡೆಯೇ ಸಹಸ್ರ ನಡೆಯ ಪಾದದೆಜಮಾನನಿಗೆ!

. ತಲೆ ಅಲುಗಿಸದೇ ಸುಮ್ಮನೆ ಕೂರೋ ಮಹಾರಾಯ ಈಗಿನ್ನೂ ಪುಂಡ ಕೂದಲಿಗೆ ಎಣ್ಣೆ ಮಿದಿಯುತ್ತಿದ್ದೇನೆ. ಉಂಡೆಗಟ್ಟಿದ ಸುರುಳಿ ಗುಂಗುರು ಕೂದಲನ್ನಿನ್ನು ಮೆದುವಾಗಿ ಬಾಚಿ ಎಳೆ ಎಳೆ ಬಿಡಿಸಿ ಹುಡಿ ಮಾಡಿ ನಯಗೊಳಿಸಬೇಕಿದೆ. ಇನ್ನಾಮೇಲೆ ತಾನೇ ಜಡೆ ಹೆಣಿಗೆ?

. 4 ಛೆ! ಕೊಂಚ ತಾಳಿಕೊಳ್ಳಿ ಬೈರಾಗಿಯೇನೋ ಸರಿಯೇ ಸರಿ ನಿಮ್ಮದೂ ವರಾತವೇ? ಕಾಣುತ್ತಿಲ್ಲವೇ ನನ್ನ ಸಮರ ತಯಾರಿ! ಕೈ ಕಾಲು ಹರಿಯುತ್ತಲೇ ಇಲ್ಲ. ಅಯ್ಯೋ ಹೊತ್ತು ಮೀರುತ್ತಿದೆ. ಗಡುವು ತಪ್ಪದೇ ಜಡೆ ಹೆಣೆದು ಮುಗಿಸುವ ಕಟ್ಟಪ್ಪಣೆ ಕೊರಳಿಗೇ ಉರುಳಾಗಿದೆಯಲ್ಲ?

. 5 ಅದೇನು ಶುಭಲಗ್ನವೋ ಈಗ ನೀನೂ ಸುಮ್ಮನೆ ಕುಳಿತಿದ್ದೀಯ ಹಠಮಾರಿ ಕೂದಲೂ ನೋಡು ಮೆತ್ತಗಾಗಿ ಹೇಳಿದಂತೆ ಬಾಗಿ ಬಳುಕುತ್ತಿದೆ. ಕೂದಲ ಜೊಂಪೆ ಇಷ್ಟಿಷ್ಟೇ ವಿಂಗಡಿಸಿ ಒಂದು ಪಾದ ಎರಡು ಪಾದ ಮೂರು ಪಾದ ನಾಲ್ಕನೆಯದು... ನೂರು ಇನ್ನೂರು ಸಹಸ್ರವೋ ಮತ್ತೂ ಮೇಲಿಷ್ಟೋ...

. ಜಡೆ ಹೆಣೆಯುತ್ತಾ ಹೆಣೆಯುತ್ತಾ ಎಚ್ಚರದಲಿ ಮುಳುಗಿಹೋಗಿದ್ದೇನೆ. ಬೈರಾಗಿಗೇ ಮೈಮರೆವ ಜೊಂಪು! ಯಾವ ಮಂಕುಬೂದಿಯೋ ಇವರೋ ಮೂರ್ಚೆಹೋಗಿದ್ದಾರೆ ಸೂರ್ಯ ಜ್ವಲಿಸುತ್ತಲೇ ಇದ್ದಾನೆ ಹೊತ್ತಿಗೆ ಮುಳುಗುವುದೇ ಮರೆತು ಹೋಗಿದೆ!

. ನಾನು ಬೈರಾಗಿಗೆ ಜಡೆ ಹೆಣೆಯುತ್ತಲೇ ಇದ್ದೇನೆ ಹೆಣೆಯುತ್ತಲೇ ಇದ್ದೇನೆ... ಅಂತಿಂಥ ಜಡೆಯಲ್ಲ ಹೆಣೆದು ಮುಗಿಸುವುದೂ ಅಲ್ಲ ಸಹಸ್ರ ಕಾಲಿನ ಜಡೆ!

. ಸ್ತಬ್ಧದೊಳಗೆ ನಿಶ್ಶಬ್ದವಾಗಿ ಜಡೆಯೆಂಬೋ ಜೀವ ಆಡತೊಡಗಿದೆ!

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬೈರಾಗಿಯ ಜಡೆ

ಚಿನಕುರುಳಿ Cartoon: ಬುಧವಾರ 14 ಜನವರಿ 2026

ಚುರುಮುರಿ: ಸಂಕ್ರಾಂತಿ ಸ್ಪರ್ಧೆ

ಪವರ್‌ ಟಿ.ವಿ ರಾಕೇಶ್‌ ಶೆಟ್ಟಿಗೆ 3 ತಿಂಗಳ ಜೈಲು

ದಿನ ಭವಿಷ್ಯ: ಈ ರಾಶಿಯವರಿಗೆ ಆಫೀಸಿನಲ್ಲಿ ಸ್ಥಾನಮಾನಗಳು ದೊರೆಯಲಿವೆ

ಜ.19ರಿಂದ ರಾಷ್ಟ್ರೀಯ ಮಹಿಳಾ ಹಾಕಿ ತರಬೇತಿ ಶಿಬಿರ: ತಂಡವನ್ನು ಸೇರಿಕೊಂಡ ಮರಾಯ್ನೆ

ಇಂಡಿಯಾ ಓಪನ್‌ | ಸಿಂಧುಗೆ ನಿರಾಸೆ: ಶ್ರೀಕಾಂತ್‌, ಪ್ರಣಯ್‌ ಮುನ್ನಡೆ

IND vs NZ: ಧೋನಿ, ಪಂತ್‌ರನ್ನೇ ಮೀರಿಸಿದ ಕನ್ನಡಿಗ ರಾಹುಲ್

WPL: ಟಾಸ್‌ ಗೆದ್ದು ಫೀಲ್ಡಿಂಗ್‌ ಆಯ್ದುಕೊಂಡ ಡೆಲ್ಲಿ ಕ್ಯಾಪಿಟಲ್ಸ್

ಒಳನೋಟ: ಪಶ್ಚಿಮಘಟ್ಟಕ್ಕೆ ಅಭಿವೃದ್ಧಿಯ ಕುತ್ತು

ಒಳನೋಟ | ಎಐ ಕಲಿತರಷ್ಟೇ ಕೆಲಸ: ಸೃಜನಶೀಲತೆ ಮತ್ತು ಸಹಜೀವನ ಅಗತ್ಯ

ಒಳನೋಟ | ಆನೆ ಕಾರಿಡಾರ್‌ ಕಣ್ಮರೆ: ಹೆಚ್ಚಿದ ಮಾನವ–ಕಾಡಾನೆ ಸಂಘರ್ಷ

ಒಳನೋಟ: ಹಾವೇರಿಯ ಬೀಜ ಕ್ರಾಂತಿ, ಚಿಗುರಿದ ಆರ್ಥಿಕತೆ

ಚಿನಕುರುಳಿ Cartoon: ಬುಧವಾರ 14 ಜನವರಿ 2026

ಚುರುಮುರಿ: ಸಂಕ್ರಾಂತಿ ಸ್ಪರ್ಧೆ

ಪವರ್‌ ಟಿ.ವಿ ರಾಕೇಶ್‌ ಶೆಟ್ಟಿಗೆ 3 ತಿಂಗಳ ಜೈಲು

ದಿನ ಭವಿಷ್ಯ: ಈ ರಾಶಿಯವರಿಗೆ ಆಫೀಸಿನಲ್ಲಿ ಸ್ಥಾನಮಾನಗಳು ದೊರೆಯಲಿವೆ