ಹೇಮಾ ನಾಯಕ ಅವರ ಕವನ: 'ಗಾರೋ ಗುಡ್ಡ ಹತ್ತಿ'

೧ ಹದಿನೆಂಟು ಮಳೆಬಾಗಿಲ ದಾಟಿ ಬಂದೆ ಒಂದು ಕೊಡ ತುಂಬಿಸಲಿಕ್ಕೆ

. ಗೈಡಿ ಹೋದ ನೀರು ತುಂಬದೇ ತುಳುಕಿ ಬಂತು ಒಂದು ಹೂವು ಆರಿಸಲಿಕ್ಕೆ ಹದಿನಾರು ಹಿರಿಯಡವಿ ಹೊಕ್ಕು ಹೊರಬಿದ್ದೆ

. ಉದುರುದುರು ಪರಾಗ ಪೊರೆ ಹರಿದು ಬಂತು ಜೊಂಪೆ ಕೂದಲ ಸಿಕ್ಕಾಗದಂತೆ ನೆಣೆದೆ ಇರುವೆ ಮುತ್ತುವ ಮಲ್ಲಿಗೆ ಮುಡಿಯಲಿಕ್ಕೆ

. ಸೀಳುಗೂದಲು ಸುಳಿಯಾಗಿ ಬಂತು ಇರುವೆ ಸಾಲು, ಹಿತ್ತಲ ದಾರಿ ಒಂದು ಕೂಗಿನ ಅಳತೆಯಷ್ಟೇ

. ಹತ್ತಿರ ಹೊಳೆ ಏರಿಸುವ ಮೊಗ್ಗಿ ಮಳೆಯೂ ಇಲ್ಲೇ ಹತ್ತಿರ

. ೨ ಮಳೆ ಮಾಡಿನ ಸಂದಿಯಿಂದ ಕತ್ತೆತ್ತಿ ನೋಡಿದರೆ ತಿರುಗಾಡೋ ತಲೆ ಮೇಲೆಲ್ಲ ಹತ್ತಿಯ ಮೋಡ ಗಾರೋ ಗುಡ್ಡದ ಮಳೆಬಾಗಿಲಿಗೆ ಲಿಚಿ ಹಣ್ಣಿನ ರುಚಿ-ತೋರಣ

. ಮನೆಯ ಹಂಚಿನ ಮೇಲೆ ಕಗ್ಗಾಡು ಬೆಳೆದು ಹುಲ್ಲು ಕಡ್ಡಿಯಂತ ಗಿಡಕ್ಕೆ ಪೊತ್ತೆ ಪೊತ್ತೆ ಹೂವು ಹೊರೆ ಹೊರಲಾಗದೆ ಬೆನ್ನು ಬಗ್ಗಿ

. ಒಜ್ಜೆ ತಡೆಯಲಾಗದೆ ಮಣ್ಣಲ್ಲಿ ಮುಖವೊತ್ತಿ ಒತ್ತಿದಲ್ಲೆಲ್ಲ ಒಂದಕ್ಕೆ ಸಾವಿರ ಕಡ್ಡಿ ಬಿದಿರು ಬೆಟ್ಟದ ಜೀರುಂಡೆಗಿನ್ನೂ ಹೆಸರಿಟ್ಟಿಲ್ಲವಂತೆ

. ಗಾರೋ ಮುದುಕರು ಎಳೆಬಿದಿರು ಕಳ್ಳಿಯ ಕೀಳುತ್ತ ಸೀಳುತ್ತ ಬೆಂಬಿಡದೇ ಕೊಚ್ಚುತ್ತ ರುಬ್ಬುತ್ತ ಕಸವನ್ನೂ ಬಿಡದೇ ತಿನ್ನುತ್ತ ಹೋದರೆ

. ಕಿವಿಯೊಳಗಿನ್ನೂ ಜೀಞ ಜೀಞ ಜೀರುಂಡೆ ಹಸಿರಿನ್ನೂ ಹಸಿರಸಿರು ನೆಲವೆಲ್ಲಾ ಹುಲ್ಲುಲ್ಲು ಕೆಂಡದೊಲೆ ಒಳಗಿಟ್ಟ ಹಲಸಿನ ಬೇಳೆ ಮಾತ್ರ

. ಚಟಪಟ ಚಟಪಟ

. ನಾಕೂ ಬಾಗಿಲಿಗೆ ಸಿಡಿದು ಸುಟ್ಟ ಬೀಜದ ರುಚಿಗೆ ಸಿಡಿಮಿಡಿ ಮಕ್ಕಳ ಮೂಗೆಲ್ಲ ಕಪ್ಪು

. ಸುಟ್ಟ ಮಡಕೆಯೊಳಗಿನ ಹಂದಿ ಸಾರೂ ಹಾಗೆ ಸೋಡಾದೊಳಗೆ ಚರ್ಬಿ ಕುದಿಸಿ ತಿಂದವರಿಗಷ್ಟೇ ಗೊತ್ತು ಸುಡುವ ಕರುಳಿಗೆ ಉರಿಯುವ ಬೆಳಕಿನ ಲೋಕ

. ೩ ಬಿಸಿಲಿನ ಬಣ್ಣದ ಎಲೆಗಳ ಮರೆಯಲ್ಲಿ ಹುದುಗುವ ಹಸಿರುಗಪ್ಪು ಕೈರಾತ ಹಕ್ಕಿ ಪುಕ್ಕ ಚದುರುತ್ತ ಬೆದರುತ್ತ ಏನೇ ಬಂದರೂ ಬರಲೆಂದು ಹರಿದ ಕೆಂಗಣ್ಣಲ್ಲಿ ರಕ್ತ ಸುರಿಸಿ ಸತ್ತರೂ ಸರಿಯೆಂದು

. ಕಸಕಡ್ಡಿ ಸೇರಿಸಿ ಕಟ್ಟಿದ ಗೂಡ ಬಿಡಲೊಲ್ಲದು ಗಾರೋ ಮುದುಕಿಯರ ಹಾಗೆ

. ಬಾಗಿಲಾಚೆ ಮನೆ ಮಾಡಿದ ಉಡವೊಂದು ಮೊಟ್ಟೆಯೊಡೆದು ಬರುವ ಕೋಳಿಮರಿಗಳ ತಿನ್ನುತ್ತ ತಿನ್ನುತ್ತ ತಾನು ಬಿಡದೇ ಮೊಟ್ಟೆ ಇಟ್ಟು ಅದರ ಮೇಲೆ ಇಡೀ ಊರೋರ ಕಣ್ಣು

. ಯಾರ ಮಕ್ಕಳು ಯರ್ಯಾರ ಹೊಟ್ಟೆಗೆ ಲೆಕ್ಕ ತಪ್ಪುವಂತಿಲ್ಲ ಹೊಟ್ಟೆಗೆ ಹಾಕದೇ ಬಿಡುವಂತಿಲ್ಲ

. ಚೂಪುಗೂದಲ ಮುಳ್ಳು ಮೈ ಮೇಲೆ ಮೈ ಹಾಕಿ ಕಂಬಳಿಹುಳ ಮೆಲ್ಲಮೆಲ್ಲಗೆ ಹತ್ತಿರ ಬರುವಾಗ ಕತ್ತದ ಬಳ್ಳಿಯ ರೋಮ ಎಲ್ಲ ನೆಟ್ಟಗಾಗಿ

. ಬೆದೆಗೆ ಬಂದ ಗೆಕೋ ಕಾಣದ ಜಾಗದಲ್ಲಿ ಅಡಗಿ ಊರಿಡೀ ಕೇಳುವ ಹಾಗೆ ಗೆಕ್ಕೋ ಗೆಕ್ಕೋ ಬಾಯಿ ಹೊಯ್ಯೋದು ಉಪಯೋಗಕ್ಕೆ ಬಾರದೇ

. ಮಳೆ ತನಸಿನ ಬಯಲಲ್ಲೂ ಬೆಂಗಾಡಿನ ಬೇಗೆ ಸಂದಿಗೊಂದಿಯಲ್ಲಿ ಉಗುರಿಗೆ ಸಿಕ್ಕದ ಉರಿ

. ಬೆಂದ ಜೀವದ ಬಿಸಿಗೆ ಚುಬಿಚಿ ಸಾರಾಯಿಯೂ ಸೇರಿ ನುಂಗಿ ನೀರ್ಕುಡಿದು ಲಿಚಿ ಜೀವ ಈ ಮಳೆಗಾಲಕ್ಕೆ ಹಣ್ಣು ಹಣ್ಣಾಯಿತೇನೋ

. ೪ ಯಾವ ಕಾಲವೇ ಆದರೂ ಗಾರೋ ಗಂಡಸರು ಮುಟ್ಟಿದ್ದೆಲ್ಲ ಮಣ್ಣು ಹೆಂಗಸರಿಗೆ ಮಾತ್ರ

. ಗರ್ಭಕೋಶದಲ್ಲೂ ಸುವರ್ಣ ಗಡ್ಡೆ ಕಳ್ಳ ಬಸಿರನ್ನು ಏಡಿ ಕಾಲಿನ ಇಕ್ಕಳದ ಹಾಗೆ ಗಚ್ಚು ಹಾಕಿ ಹಿಡಿದಿಟ್ಟುಕೊಂಡು

. ಕತ್ತಲ ಕತ್ತರಿಸಿ ಬೆಳಕಿನ ಸೆಳಕು ಹಿಡಿದು ಹಿರಿಯಕ್ಕನ ಬೆನ್ನಿಗಂಟಿ ಬೆಳೆಯುತ್ತ ಹಾದಿಬೀದಿಯಲ್ಲೂ ಚಿನ್ನದಂತ ಮಕ್ಕಳು

. ಬೆಕಾರ್ ಚುಟ್ ಅಪ್ಪ ಇದ್ದಾನೆ ಕೂತಲ್ಲಿ ಉಂಡೇ ಸಾಯುತ್ತ ಸತಾಯಿಸುತ್ತ

. ಅಮ್ಮ ಆಡುಭಾಷೆಯಲ್ಲಿ ಕೋಳಿ ಸಾಕಾಣಿಕೆ ಮಾಡಿ ಕೊಟ್ಟು ಹೋದವರ ಕೊಡದೇ ಹೋದವರ ಹಾದಿ ಕಾಯದೇ

. ಸಮುದ್ರ ಕಳೆಯನ್ನಾದರೂ ಕಿತ್ತು ಅರೆದು ಕುಡಿಸಿ ಹುಡುಕಿ ಬಂದ ಜೀವಗಳನೆಲ್ಲ ಹಿಡಿದು ಎದೆ ಮೇಲಾಕಿಕೊಂಡು ಬದುಕಿಸುವ

. ತಾಯಿಕುಲ ಪ್ರಚಂಡ ಇಟ್ಟುಕೊಂಡವನು ಬರಲೇ ಇಲ್ಲ ಎಂದು ಬಿಟ್ಟುಬಿಡುವ ಮಾತೇ ಇಲ್ಲ

. ಈ ಏಳು ಗುಡ್ಡಗಳಲ್ಲಿ ಮನೆಯಲ್ಲೇ ಹೆರದ ಮೊದಲ ಮಗುವಿಗೆ "ಹಾಸ್ಪಿಟಲೊ ಆಚಿಯಾ" ಎಂದು ಹೊಚ್ಚಹೊಸ ಹೆಸರು

. ೫ ಪ್ರತಿ ಸೀಸನ್ನು ಬೇಸಿಗೆ ಕಾಲವೇ ಬಿಸಿ ಗಬ್ಬವ ಹೊಕ್ಕು ಹೊರಬಿದ್ದ ಹಾಗೆ ಮೈಯ ಕಸುವೆಲ್ಲ ಬಸಿದು ಹೋಗಿ

. ಕೂತಲ್ಲೇ ದಿಟ್ಟಿಸುತ್ತ ಕೂತು ಕಣ್ಣು ಪೊರೆ ಕಟ್ಟಿಕೊಂಡು ಕಾಲು ಬೇರು ಬಿಟ್ಟುಕೊಂಡು

. ನಿಂತಲ್ಲಿ ಮರವಾಗಿ ಬಿದ್ದಲ್ಲಿ ಚಿಗುರಾಗಿ ಹರಿದಲ್ಲಿ ನೀ ರಾ ಗಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹೇಮಾ ನಾಯಕ ಅವರ ಕವನ: 'ಗಾರೋ ಗುಡ್ಡ ಹತ್ತಿ'

ಚಿನಕುರುಳಿ ಕಾರ್ಟೂನ್: ನವೆಂಬರ್ 29 ಶನಿವಾರ 2025

ಚುರುಮುರಿ: ಕುದುರೆ ವ್ಯಾಪಾರ!

ನನಗೆ ಕೋಪ‍ ಬಂದಾಗ ಅಪ್ಪು ಆ ಹಾಡು ಹೇಳುತ್ತಿದ್ದರು: ಅಶ್ವಿನಿ ಪುನೀತ್ ರಾಜಕುಮಾರ್

ದಿನ ಭವಿಷ್ಯ: 29 ನವೆಂಬರ್ 2025 ಶನಿವಾರ– ನವವಿವಾಹಿತೆಗೆ ಮುಖ್ಯ ವ್ಯಕ್ತಿಗಳ ಮರೆವು

BCCI – UNDER 23 WOMEN ಕ್ರಿಕೆಟ್: ಕರ್ನಾಟಕ ವನಿತೆಯರಿಗೆ ಜಯ

ಜೂನಿಯರ್ ವಿಶ್ವಕಪ್ ಹಾಕಿ: ಭಾರತಕ್ಕೆ ಸುಲಭದ ತುತ್ತಾದ ಒಮಾನ್

ಬ್ಯಾಡ್ಮಿಂಟನ್ ಟೂರ್ನಿ: ಫೈನಲ್‌ಗೆ ಶ್ರೀಕಾಂತ್‌, ಟ್ರೀಸಾ–ಗಾಯತ್ರಿ

ಬ್ಯಾಸ್ಕೆಟ್‌ಬಾಲ್ ಚಾಂಪಿಯನ್‌ಷಿಪ್‌: ಓರಿಯನ್ಸ್‌, ನೈರುತ್ವ ರೈಲ್ವೆಗೆ ಪ್ರಶಸ್ತಿ

ಒಳನೋಟ: ಶ್ರೀಗಂಧ ಕೃಷಿಗೆ ನೂರು ಕಷ್ಟ

ಒಳನೋಟ: ಕಮರಿತೆ 'ಉತ್ಕೃಷ್ಟ' ಶಿಕ್ಷಣದ ಕನಸು?

ಒಳನೋಟ | Bengaluru Tunnel Road: ಸುರಂಗ; ವಿ–ವಾದ ತರಂಗ

ಒಳನೋಟ | ತೋಟಕ್ಕೆ ಕಾಡುಪ್ರಾಣಿಗಳ ದಾಳಿ: ಕೃಷಿಕರಿಗೆ ಕೋತಿ, ನವಿಲು, ಹಂದಿಗಳ ಒಳೇಟು

ಚಿನಕುರುಳಿ ಕಾರ್ಟೂನ್: ನವೆಂಬರ್ 29 ಶನಿವಾರ 2025

ಚುರುಮುರಿ: ಕುದುರೆ ವ್ಯಾಪಾರ!

ನನಗೆ ಕೋಪ‍ ಬಂದಾಗ ಅಪ್ಪು ಆ ಹಾಡು ಹೇಳುತ್ತಿದ್ದರು: ಅಶ್ವಿನಿ ಪುನೀತ್ ರಾಜಕುಮಾರ್

ದಿನ ಭವಿಷ್ಯ: 29 ನವೆಂಬರ್ 2025 ಶನಿವಾರ– ನವವಿವಾಹಿತೆಗೆ ಮುಖ್ಯ ವ್ಯಕ್ತಿಗಳ ಮರೆವು