ನಿನ್ನ ಬ್ರಹ್ಮಾಂಡದ ಯಮಪುರಿಯಲ್ಲಿ
ನೀನೇ ಚಿತ್ರಗುಪ್ತ, ನೀನೇ ಯಮಧರ್ಮ.
ಅದಕೆ,
ಬರೆಯಲಾರಂಭಿಸು ಬೆಳೆದ ಮೇಲೆ
ನಿನ್ನ ಬಾಳಿನ ಗ್ರಂಥ.
ನಿನ್ನ ಆಚಾರ ವಿಚಾರಗಳ
ನೀನಾಡಿದ ಸತ್ಯ ಅಸತ್ಯಗಳ
ಗುಪ್ತ ಕೃತ್ಯಗಳ ಬಾಹ್ಯ ಕರ್ಮಗಳ
ಯಾದಿಯನು ಮಾಡುತಿರು
ಚಿತ್ರಗುಪ್ತನ ತರಹ.
ಅವಲೋಕಿಸುತಿರು ನಿನ್ನ ದಾರಿಯನ
ನೀ ತುಳಿದ ಮುಳ್ಳು ಕಲ್ಲುಗಳ
ಏರುಪೇರು ಹಳ್ಳ ಕೊಳ್ಳಗಳ
ಅಡ್ಡ ದಾರಿಯೋ ನೇರ ದಾರಿಯೋ
ನೀನೇ ಆಯ್ದ ದಾರಿಯದು
ದೂರದಿರು ಯಾರನು.
ಕ್ಷಣಕ್ಷಣವೂ ದಿನದಿನವೂ
ಪರೀಕ್ಷೆಯಿಲ್ಲಿ
ಪ್ರಶ್ನೆ ಪತ್ರಿಕೆಯೂ ನಿನ್ನದು
ಉತ್ತರವೂ ನಿನ್ನದು
ಮಾನದಂಡವೂ ನಿನ್ನದು
ಮೌಲ್ಯಮಾಪಕನೂ ನೀನೇ.
ಮಲಗುವ ಮುನ್ನ
ನಿನ್ನ ನ್ಯಾಯಾಲಯದಲಿ
ಮಂಡಿಸು ವಾದ ಪ್ರತಿವಾದಗಳ