ಚಂದ್ರಿಕಾ ಹೆಗಡೆ ಅವರ ಕವನ: ಮುದುಕಿ

ನಡೆಯುತ್ತಿದ್ದಾಳೆ ಮುದುಕಿ ಮುಸ್ಸಂಜೆಯ ದಾರಿಯಲಿ ಉದ್ದಾನುದ್ದದ ಹಾದಿಯಲಿ ನಡೆನಡೆದು ಕೃಶವಾದ ದೇಹ ಬಾಗಿದ ಬೆನ್ನು ತಲೆ ಮೇಲೆ ಉದುರಿ ಉಳಿದ ಬೆಳ್ಳಿ ಕೂದಲಿನ ತೆಳುಗಂಟು ಮತ್ತು ಬಗಲಲ್ಲಿ ಅವಚಿಕೊಂಡಿದ್ದಾಳೆ ಒಂದು ಹಳೆಯ ಬಟ್ಟೆಯ ಗಂಟು.

. ಅಂತಾದ್ದೇನಿಲ್ಲ ಮಾಸಿದ ಗಂಟಿನೊಳಗೆ ಇಂದಿನ ಕೂಳಿಗೆ ಬೇಕಾದ ಒಂದು ಹಿಡಿ ಕಾಳು ಎರಡು ಈರುಳ್ಳಿ , ಒಂದು ಟೊಮೇಟೊ ಇನ್ನೂ ಬಿಡಿಸಿದರೆ ಒಳಗಿರಬಹುದು ಒಂದಷ್ಟು ನೋವು ದುಃಖ ದುಮ್ಮಾನ, ಅವಮಾನ.. ಹಿಂದಿರುಗಿ ನೋಡದೇ ನಡೆಯುತ್ತಿದ್ದಾಳೆ ಅವಳು ತಿರುತಿರುಗಿ ನೋಡುವಂತಾ ಮಧುರ ನೆನಪುಗಳೇನಿಲ್ಲ ಈ ತನಕ ನಡೆದು ಬಂದ ಹಾದಿಯಲಿ ಹಸಿವು ಬಡತನ ಕಾಯಕಗಳ ನಡುವೆ ಹೆಕ್ಕುವಂತಾ ಸುಖದ ತುಣುಕುಗಳೇನಿಲ್ಲ.

. ನಡೆಯುತ್ತಿದ್ದಾಳೆ ಸುಮ್ಮನೇ ಮುಂದೆ ಮುಂದೆ ಅವಳ ಗುರಿ ಯಾವಾಗಲೂ ಒಂದೇ ಮನೆ ಸೇರುವುದು ಮತ್ತು ಅಂದಿನ ಹಸಿವೆಗೊಂದಿಷ್ಟು ತುತ್ತಿಡುವುದು ತನದೊಂದೇ ಅಲ್ಲ ತನ್ನ ಜೊತೆಗಿದ್ದವರ ಹಸಿವೆಗೂ ತುತ್ತಿಡುತ್ತಲೇ ಬಂದವಳು ಅವಳು ಹೊಟ್ಟೆ ತುಂಬಿದವರು ಬಿಟ್ಟು ಹೋದ ಮೇಲೆ ಈಗವಳು ಒಂಟಿ ಜೀವ.

. ಬಲವಿಲ್ಲದಿದ್ದರೂ ಕಾಲುಗಳಲ್ಲಿ ಹೆಜ್ಜೆ ತಪ್ಪಿಸದೇ ನಡೆಯುತ್ತಲೇ ಇದ್ದಾಳೆ ಮಂಜುಗಣ್ಣಿಗೆ ಬಹಳ ದೂರವೇನೂ ಕಾಣುತ್ತಿಲ್ಲ ಮುಂದಿನ ದಾರಿ ಕಂಡಷ್ಟೇ ದಾರಿಯಲಿ ಒಂದೊಂದೇ ಹೆಜ್ಜೆಯಿಡುತ್ತಿದ್ದಾಳೆ ಇನ್ನೇನೂ ಹೆಚ್ಚು ದೂರವಿರಲಿಕ್ಕಿಲ್ಲ ಈ ದಾರಿ.

. ಒಂದೊಂದು ನೆರಿಗೆಗೂ ಒಂದೊಂದು 'ಹೆಣ್ಣುಕಥೆ ' ಹೇಳುವ ಮುಖದ ಸುಕ್ಕುಗಳಲ್ಲಿ ಅಂತಾ ದೂರುಗಳೇನಿಲ್ಲ ಸದ್ಯ ಬದಲಾಗಿ ಹರಿದರೂ ಮಾಸಿದರೂ ಬೆತ್ತಲಾಗಿಸದೇ ದಯಪಾಲಿಸಿದ ಈ ಒಂದು ಸೀರೆಗಾಗಿ ಕೃತಜ್ಞತೆಯೇ ಇದೆ ಆ ದೇವರಲ್ಲಿ!

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚಂದ್ರಿಕಾ ಹೆಗಡೆ ಅವರ ಕವನ: ಮುದುಕಿ

ಚಿನಕುರುಳಿ Cartoon: 17 ಜನವರಿ 2026

ಗುಂಡಣ್ಣ: ಶನಿವಾರ, 17 ಜನವರಿ 2026

ಚುರುಮುರಿ: ರನ್‌ವೇ ಟಾಕ್!

ಬೀದಿ ದಾಸಯ್ಯನನ್ನು ಸಿ.ಎಂ ಮಾಡಿದರೂ ಒಪ್ಪುತ್ತೇವೆ: ವಸತಿ ಸಚಿವ ಜಮೀರ್

ಆಸ್ಟ್ರೇಲಿಯಾ ಓಪನ್‌ ಟೆನಿಸ್: ಸಿನ್ನರ್‌ ಚಿತ್ತ ಹ್ಯಾಟ್ರಿಕ್‌ ಪ್ರಶಸ್ತಿಯತ್ತ

ನ್ಯೂಜಿಲೆಂಡ್ ವಿರುದ್ಧ ಏಕದಿನ ಪಂದ್ಯ: ಭಾರತಕ್ಕೆ ಪ್ರತಿಷ್ಠೆಯ ಪ್ರಶ್ನೆ

ವಿಜಯ್ ಹಜಾರೆ ಟ್ರೋಫಿ | ಸೌರಾಷ್ಟ್ರ–ವಿದರ್ಭ ನಡುವೆ ಫೈನಲ್: ಸಮಬಲದ ತಂಡಗಳ ಹೋರಾಟ

ಟಿ20 ವಿಶ್ವಕಪ್‌: ಗುಂಪು ಪುನರ್‌ರಚನೆಗೆ ಬಾಂಗ್ಲಾದೇಶ ಮನವಿ

ಒಳನೋಟ: ಕಾಡು ಕಾಯುವವರ ವ್ಯಥೆ

ಒಳನೋಟ: ಪಶ್ಚಿಮಘಟ್ಟಕ್ಕೆ ಅಭಿವೃದ್ಧಿಯ ಕುತ್ತು

ಒಳನೋಟ | ಎಐ ಕಲಿತರಷ್ಟೇ ಕೆಲಸ: ಸೃಜನಶೀಲತೆ ಮತ್ತು ಸಹಜೀವನ ಅಗತ್ಯ

ಒಳನೋಟ | ಆನೆ ಕಾರಿಡಾರ್‌ ಕಣ್ಮರೆ: ಹೆಚ್ಚಿದ ಮಾನವ–ಕಾಡಾನೆ ಸಂಘರ್ಷ

ಚಿನಕುರುಳಿ Cartoon: 17 ಜನವರಿ 2026

ಗುಂಡಣ್ಣ: ಶನಿವಾರ, 17 ಜನವರಿ 2026

ಚುರುಮುರಿ: ರನ್‌ವೇ ಟಾಕ್!

ಬೀದಿ ದಾಸಯ್ಯನನ್ನು ಸಿ.ಎಂ ಮಾಡಿದರೂ ಒಪ್ಪುತ್ತೇವೆ: ವಸತಿ ಸಚಿವ ಜಮೀರ್