ಚುರುಮುರಿ: ರನ್‌ವೇ ಟಾಕ್!

ಚ‘ಮೊದ್ಲೆಲ್ಲಾ ಹೈಕಮಾಂಡ್ ಓಲೈಸಕ್ಕೆ ಹಾರ–ತುರಾಯಿ ಸನ್ಮಾನ. ಈಗ ಪದರ್ಗುಟ್ಕೊಂಡು ಬೆನ್ನತ್ತಿ ಓಗ್ಬೇಕು ವಿಮಾನ’ ನಕ್ಕ ಗುದ್ಲಿಂಗ.

. ‘ಇಂಗ್ ವೊಸ ತರ ಸಾಹಸ ಮಾಡಕ್ಕೂ ಬೀಟನ್ವೇ, ರನ್ವೇ ಅಂತಾರೆ. ಆದ್ರೂ ಅಲ್ಯಾಕೋ ಸಿಎಂ, ಡಿಸಿಎಂ ಇಬ್ರೂ ನಾನೊಂದು ತೀರಾ ನೀನೊಂದು ತೀರಾ ಪ್ಯಾಥೋ ಸಾಂಗ್ ಆಕ್ಕಂಡು ನಿಂತಿದ್ರಲ್ಲ’.

. ‘ತಳ ಸೀದು ಧಗ್ ಅನ್ನೋ ಒತ್ನಲ್ಲಿ ಏನ್ ರಾಕ್ ಸಾಂಗ್ ಆಕ್ಕಂಡು ಜಿಂಗಿಚಕ್ಕ ಡಾನ್ಸ್ ಮಾಡಕ್ಕೆ ಆಯ್ತದೇನ್ಲಾ?’

. ‘ಅದೇನೋ ನಿಜವೇ ಬುಡು. ಈ ಮಾಡೆಲ್ಗಳ ಶೋ ರ್ಯಾಂಪ್ ಇರಕಾಕಿಲ್ವಾ, ಅದ್ಕೂ ರನ್ವೇ ಅಂತಾರೆ. ಇದೂ ಒಂತರಾ ಹೈಕಮಾಂಡ್ ಮಾಡುಸ್ತಿರೋ ಡಾನ್ಸೇ ಕಣ್ಲಾ’.

. ‘ರಾಹುಲಣ್ಣ ಯಾರನ್ನ ಪೈಲೆಟ್ ಮಾಡಿ ಕಾಕ್ಪಿಟ್ಟಲ್ಲಿ ಹಾಕ್ತಾರೋ, ಯಾರನ್ನ ಸೋಕ್ ಪಿಟ್ಟಲ್ಲಿ ಹಾಕ್ತಾರೋ ದೇವರಿಗೇ ಗೊತ್ತು’.

. ‘ಸೋಕ್ ಪಿಟ್ ಅಂದ್ರೆ ಯೋನ್ಲಾ?’

. ‘ನಾರಿನ್ ಗುಂಜ್ ಆಕಿ ನೀರು ಇಂಗ್ಸೋದು. ಇಲ್ಲಿ ಭಿನ್ನಮತನ ಇಂಗ್ಸೋದು. ನಾಯಕ್ರುಗೆ ಏನ್ ಯೋಳುದ್ರಂತೋ?’

. ‘ಒಬ್ರಿಗೆ ಮತ ಕಳವು, ಇನ್ನೊಬ್ರಿಗೆ ಮನರೇಗಾ ಟಾಸ್ಕ್ ಕೊಟ್ಟು ಗೆದ್ದೋರಿಗೆ ಮಣೆ ಆಕದು ಅಂದವ್ರಂತೆ’.

. ‘ಅಯ್ಯೊ ಮನೆಗೋಗೋ ಅಂಗಾದಾತು ಅಂತ ಮನೋ ರೋಗ ಅಂಟ್ಕಂಡದೆ. ಮನೆ‘ರಾಗಾ’ ಬದ್ಲಾಯಿಸುದ್ರೆ ಎಂಗೆ?’

. ‘ಒಟ್ನಾಗೆ ರಾಹುಲಣ್ಣಂಗೆ ಭಾರೀ ಪೇಚಾಟ ಆಗೋಗದೆ. ಎಲ್ಲಾರಾ ಒಂದ, ಎರಡ ಮಾಡಕ್ಕು ಇಮಾನದಿಂದ ಇಳಿಯಂಗಿಲ್ಲ, ನಾಯಕ್ರು ಅಟಕಾಯಿಸ್ಕಂಡ್ ಬುಡ್ತಾರೆ’.

. ‘ಅದ್ಕೇ ಸಮ್ಮರ್ ಟೂರ್ ಅಂತ ಫಾರಿನ್ಗೆ ಒಂಟೋದ್ರೆ ಮಳೆಗಾಲದ ಕುದಿವೇಶನದ ತಂಕ ರನ್ವೇ ಕಾಯೋ ಅಂಗಿಲ್ಲ’.

. ‘ಇದು ರನ್ವೇ ಟಾಕ್ ಅಲ್ಲ, ರನ್ ಅವೇ ಟಾಕ್...’ ಎಂದ ಪರ್ಮೇಶಿ.

. ಎಲ್ಲಾ ಬಿದ್ದು ಬಿದ್ದು ನಕ್ಕರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.