ಕವಿತೆ | ಇಗೋ... ಹೊರಟೆ ನಾನೀಗ ಹಾಗೂ ಇತರ ಕವನಗಳು

ಇಗೋ... ಹೊರಟೆ ನಾನೀಗ ಒಲವ ಹೂಗಳು ಹುಲುಸಾಗಿ ಅರಳಿವೆ ಹೃದಯ ಕಂದರದಲ್ಲಿ ನೀಲಿಗಡಲ ದಾಟಿ ಬಂದ ಬೆಳ್ಹಕ್ಕಿ ಹಿಂಡು ಹಾರುತಿದೆ ಅಲ್ಲಿ

. ಕಾಣದ ನೋವು ಹಗಲುವೇಷ ಧರಿಸಿ ಶತಪಥ ನಡೆದಾಡುತ್ತಿರೆ ಸುತ್ತು ಬಳಸಿ

. ಕಣ್ಣ ಕೊಳ ಬತ್ತಿ ಹುಟ್ಟದಾಗಿದೆ ಕಂಬನಿಯೊಂದು ಇಲ್ಲಿ ವರ ಕೇಳಿದರೆ ಶಾಪ ನೀಡುತ್ತಿಹನು ದೇವ ಸಲಹುವವನೆ ಕೊಲ್ಲಬಹುದೇನು ಹೀಗೆ ಇದ್ಯಾವ ನ್ಯಾಯ ಕಾಯ್ವನೆ?

. ಬದುಕ ಹಾಡಿಗೆ ಶೃತಿ, ರಾಗ, ತಾಳ, ಮೇಳಗಳಿಲ್ಲ ಏಕಾಂತದ ಜಾಡಿಗೆ ಮೌನವೇ ಆಗಿರುವಾಗ ಎಲ್ಲಾ

. ಇರದ ಗಮ್ಯದ, ಇಲ್ಲದ ದಾರಿಯ ಹುಡುಕ ಹೊರಟಿರುವೆನಲ್ಲ! ಕುರುಡು ನನಗೋ ಅಥವಾ ಲೋಕಕೋ ಬಿಡಿಸಿ ಹೇಳುವವರಾರು ಇಲ್ಲ

. ಹೆಜ್ಜೆ ನಡೆದದ್ದೆ ಹಾದಿ ಬಯಲ ಬೆಳಕಲಿ ನೆರಳೂ ಇಲ್ಲದಾಗಿ ಇಗೋ... ಹೊರಟೆ ನಾನೀಗ ನನ್ನ ನಾ ತ್ಯಜಿಸಿ!

. ***

. ಕಾದ ಕಾವಲಿಯ ಮೇಲಿನ ರೊಟ್ಟಿ ಕವಿತೆ ಲದ್ದಿ ತುಂಬಿದ ತಲೆಯ ಬುದ್ಧಿಗೆ ಬಡಿದ ಲಟ್ಟಣಿಗೆ ಖಟಕ್ ಎಂದು ಮುರಿದಂತೆ ಬರೆಯಬೇಕು ಕವಿತೆ

. ಬೆಂಕಿಯ ನಾಲಿಗೆಗೆ ಸಿಲುಕಿದ ಕಬ್ಬಿಣ ಮೈಯೊಡ್ಡಿ ಮೃದುವಾಗಿ ಮತ್ತಷ್ಟು ಗಟ್ಟಿಯಾದಂತೆ ಮಾಗಬೇಕು ಬಾಳ ಸಂಹಿತೆ ಬವಣೆಗಳ ಮೇಳದಲ್ಲಿ ನರಳಿ ಕಷ್ಟ-ನಷ್ಟಗಳ ನಡುವಲ್ಲಿ ಬೆಂದು ಸೃಷ್ಟಿಯಾಗಬೇಕು ಕವಿತೆ

. ಅವ್ವನ ಗಾಜಿನ ಗೊಳಗಳ ತೊಟ್ಟ ಖಾಲಿ ಕರಗಳು ಹದವಾಗಿ ತಟ್ಟಿ ಹರವಿದ ಕಾದ ಕಾವಲಿಯ ಮೇಲಿನ ರೊಟ್ಟಿಯಂತಾಗಿ ಬೇಯಬೇಕು ಕವಿತೆ

. ಅಪ್ಪನ ಮೈಗಂಟಿದ ಬೆವರಿನ ಘಮದ ಕೈಗಳಿಗೆ ಮೆತ್ತಿದ ಕೆಸರಿನ ನಂಟಿನ ಪ್ರೇಮದ ಕಥೆಯಾದ ವ್ಯಥೆಯ ಹೇಳಬೇಕು ಕವಿತೆ

. ಸರಾಗವಿಲ್ಲ.... ಬದುಕಿನ ಬಂಡಿ ಹರಿವ ಹಾದಿ ನಡೆದು ಬಿದ್ದು ಎದ್ದು ದಿಗಂತದಿ ಸಂತಸದ ಕುರುಹು ಕಂಡಂತಾಗಿ ಖುದ್ದು ಕಷ್ಟದ ಸರಹದ್ದುಗಳ ದಾಟಿ ಕ್ರಮಿಸಬೇಕು ಕವಿತೆ

. ನೆರಳಿಲ್ಲದೆ ಹಾರುವ ಮುಗಿಲ ಹಕ್ಕಿಯಂತೆ ಮೂಕವಾದ ಭಾವಗಳ ಹೊಂದಿಸಿ ಚಿಂತನೆಗಳ ಮಂಥಿಸಿ ಮಗುವಿನ ತೊದಲು ಹಾಡಾಗಬೇಕು ಕವಿತೆ

. ಹೃದಯದ ಮಿಡಿತವನ್ನು ತುಡಿತವಾಗಿಸಿ ಮನದ ಮೌನವನ್ನು ಮಾತಾಗಿಸಿ ಬಿತ್ತಬೇಕಿದೆ ಬಿರಿದೆದೆಯ ನೆಲದಲಿ ಅಡಗಿಸಿಟ್ಟ ನೋವು ನಿರಾಶೆಗಳನು ಅಕ್ಷರಬೀಜವಾಗಿಸಿ ಅಂತರಂಗದ ಅರಿವಿನ ಬಿಂದುವಿನಲ್ಲಿ ಹುದುಗಿಸಿ ಹುಟ್ಟಬೇಕಿದೆ ನಾಳೆಗೆ ತಲೆಯೆತ್ತಿ ಮುಗಿಲೆತ್ತರಕ್ಕೆ ಜ್ಞಾನವೃಕ್ಷವಾಗಿ ನಿಲ್ಲಬೇಕು ಕವಿತೆ

. ಕತ್ತಲಾಲಯದ ಗೋಡೆಗಳ ಉರುಳಿಸಿ ಬಯಲಾದಂತೆ ಹೊತ್ತು ಮುಳುಗುವ ಹೊತ್ತಿಗೆ ದೀಪ ಹಚ್ಚಿಟ್ಟಂತೆ ಬೆಳಕಾಗಬೇಕು ಕವಿತೆ

. ಇರುವುದೆಲ್ಲವ ಕಳೆದು ತೃಪ್ತಿಯಾದಂತೆ ಬೋಳು ಮರ ಮತ್ತೆ ಚಿಗುರಿ ಹಸಿರಾದಂತೆ ಅಳಿದು ಉಳಿಯಬೇಕು ಕವಿತೆ

. ***

. ಸಾವಿನ ಪರಿ ಕಣ್ಣ ಕಾಡಿಗೆ ತಾಕಿ ಕಪ್ಪಾಗಿ ಕಂಬನಿ ದುಂಬಿ ಹಾರಿದೆ ಮನಸು ರೆಕ್ಕೆ ಹಚ್ಚಿ ಇಲ್ಲದ ಆಗಸವನ್ನರಸಿ ಅಹಂಕಾರದಿ ಉರಿದು ರೊಚ್ಚಿ

. ಕಿಚ್ಚಲ್ಲದ ಕಿಚ್ಚು ಸೂರ್ಯನ ಕಿರಣ ಶಾಖಕೆ ಮಂಜಾಗಿ ಬೆಳಗಿ ಹೂಬಿಟ್ಟಿತು ಬೇರು ಧ್ಯಾನದ ನಿನಾದಕೆ ಕರಗಿ

. ಕಡಲ ಅಲೆಗಳ ಮಾತಿಗೆ ಮರಳ ದಂಡೆಯ ಕಿವುಡು ನಗುವ ಚಂದಿರನ ಮೇಲೆ ನೋವು ಏರಿ ಹೊರಟಿದೆ ಸವಾರಿ ಇದಲ್ಲವೆ ಸಾವಿನ ಪರಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕವಿತೆ | ಇಗೋ... ಹೊರಟೆ ನಾನೀಗ ಹಾಗೂ ಇತರ ಕವನಗಳು

ಚಿನಕುರುಳಿ Cartoon: 11 ಜುಲೈ 2025

ಚುರುಮುರಿ: ಯಾಗ-ಯೋಗ!

ದಿನ ಭವಿಷ್ಯ: ಈ ರಾಶಿಯವರಿಗೆ ಬಂಧುಗಳಿಂದ ಉಡುಗೊರೆಯ ರೂಪದಲ್ಲಿ ದ್ರವ್ಯಲಾಭ

ಡಿಕೆಶಿಗೆ ಶಾಸಕರ ಬೆಂಬಲ ಇಲ್ಲ, 2028ರ ಚುನಾವಣೆಗೂ ನನ್ನದೇ ನಾಯಕತ್ವ: ಸಿದ್ದರಾಮಯ್ಯ

IND vs ENG 2nd Test: ಬೂಮ್ರಾಗೆ 5 ವಿಕೆಟ್: ರಾಹುಲ್ ಅರ್ಧಶತಕ

ಟೇಬಲ್‌ ಟೆನಿಸ್‌ ಟೂರ್ನಿ: ಆಕಾಶ್‌, ಹಿಯಾ, ಅಥರ್ವಗೆ ಪ್ರಶಸ್ತಿ

ಲಾರ್ಡ್ಸ್‌ನಲ್ಲಿ 350ರ ಗಡಿ ದಾಟಿದ ಇಂಗ್ಲೆಂಡ್; ಭಾರತದ ಜಯದ ಹಾದಿ ಕಠಿಣ

ನೀರಜ್ ಚೋಪ್ರಾ, ಇತರ ಅಥ್ಲೀಟುಗಳಿಗೆ ವಿದೇಶದಲ್ಲಿ ತರಬೇತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಚುರುಮುರಿ: ಯಾಗ-ಯೋಗ!

ದಿನ ಭವಿಷ್ಯ: ಈ ರಾಶಿಯವರಿಗೆ ಬಂಧುಗಳಿಂದ ಉಡುಗೊರೆಯ ರೂಪದಲ್ಲಿ ದ್ರವ್ಯಲಾಭ

ಡಿಕೆಶಿಗೆ ಶಾಸಕರ ಬೆಂಬಲ ಇಲ್ಲ, 2028ರ ಚುನಾವಣೆಗೂ ನನ್ನದೇ ನಾಯಕತ್ವ: ಸಿದ್ದರಾಮಯ್ಯ