<p>ಮೊನ್ನೆ ಮೊನ್ನೆವರೆಗೂ ಮೈ ಕೊರೆಯುತಿದ್ದ ಚಳಿ ಮೆಲ್ಲಗೆ ಕರಗಿಹೋಗಿದೆ. ಬೆಳ್ಳಂ ಬೆಳಿಗ್ಗೆಯೇ ಬಿಸಿಲು ಚುರುಗುಟ್ಟಲು ಆರಂಭಿಸಿದೆ. 11 ಗಂಟೆ ದಾಟುತ್ತಿದ್ದಂತೇ ಬಿಸಿಲ ಧಗೆ. ಪ್ರತಿ ಸಲದಂತೆ ಈ ಬಾರಿ ಬಿಸಿಲು ಹೆಚ್ಚಿರುತ್ತದಂತೆ ಎನ್ನುವ ಸಾಮಾನ್ಯ ಮಾತು ಜನರ ಬಾಯಲ್ಲಿ.<br /> <br /> ಬೇಸಿಗೆ ಬಂತೆಂದರೆ ಸಾಕು, ಬಿಸಿಲು ಸಿಕ್ಕಾಪಟ್ಟೆ ಎಂದು ಗೊಣಗುವವರೇ ಹೆಚ್ಚು. ಬಿಸಿಲನ್ನು ಶಪಿಸುತ್ತಲೇ ಜನ ಕಾಲದೊಂದಿಗೆ ಹೆಜ್ಜೆ ಹಾಕುತ್ತಾರೆ. ಆದರೆ ಎಳನೀರು, ಹಣ್ಣಿನ ವ್ಯಾಪಾರಿಗಳು, ಜ್ಯೂಸ್ ಅಂಗಡಿ ಹಾಗೂ ಐಸ್ಕ್ರೀಂ ಮಾರಾಟಗಾರರಿಗೆ ಬೇಸಿಗೆ ಅಂದರೆ ಸುಗ್ಗಿ ಕಾಲ.<br /> <br /> ಚಳಿಗಾಲ ಇನ್ನೂ ಮುಗಿಯುವ ಹಂತದಲ್ಲಿರುವಾಗಲೇ ರಸ್ತೆ ಬದಿ ತೆರೆದುಕೊಳ್ಳುವ ರಾಶಿರಾಶಿ ಕಲ್ಲಂಗಡಿಗಳು, ಮಟಮಟ ಮಧ್ಯಾಹ್ನದಲ್ಲಿ ಎಳನೀರು, ಜ್ಯೂಸ್ ಅಂಗಡಿಗಳ ಮುಂದೆ ಬೆವರಿ ನಿಂತ ಜನರ ಸಾಲು, ಹಣ್ಣಂಗಡಿಗಳ ಮುಂದೆ ಈ ಕಾಲಕ್ಕೆ ಸೂಕ್ತ ಹಣ್ಣು ಯಾವುದು ಎಂದು ಖರೀದಿಸಲು ಮುಂದಾದ ಮಂದಿಯ ಚಿತ್ರಣಗಳು ಸಾಮಾನ್ಯ.<br /> <br /> ಅದರಲ್ಲೂ ಕೆ.ಆರ್.ಮಾರ್ಕೆಟ್ಗೆ ಭೇಟಿ ಕೊಟ್ಟರೆ ಬೇಸಿಗೆಯ ಸಂಪೂರ್ಣ ಪರಿಚಯ ಒಮ್ಮೆಲೇ ಆದಂತಹ ಅನುಭವ.<br /> <br /> ಬೇಸಿಗೆ ಕಾಲದಲ್ಲಿ ಮಾರ್ಕೆಟ್ನಲ್ಲಿ ಎಲ್ಲಲ್ಲೂ ಹಣ್ಣುಗಳದ್ದೇ ಕಾರುಬಾರು. ಎಲ್ಲಾ ಹಣ್ಣುಗಳಿಗಿಂತ ಕಲ್ಲಂಗಡಿ, ಖರ್ಬೂಜ, ಮೂಸಂಬಿಗೆ ಬೇಡಿಕೆ ಹೆಚ್ಚು. ಈ ಹಣ್ಣುಗಳಲ್ಲಿ ನೀರಿನಂಶ ಹೆಚ್ಚಿರುವುದರಿಂದ ಖರೀದಿಯೂ ಜೋರು.<br /> <br /> ಕಲ್ಲಂಗಡಿ ಹಣ್ಣುಗಳನ್ನು ಹೆಚ್ಚಾಗಿ ತಮಿಳುನಾಡಿನ ತಿರುವಣ್ಣಾಮಲೈನಿಂದ ತರಿಸಿಕೊಳ್ಳಲಾಗುತ್ತೆ. ವಾರಕ್ಕೆ 3ರಿಂದ 4 ಟನ್ ಲೋಡ್ ಮಾರಾಟವಾಗುತ್ತವೆ ಎನ್ನುತ್ತಾರೆ ಕಲ್ಲಂಗಡಿ ಹಣ್ಣಿನ ವ್ಯಾಪಾರಿ ಸುರೇಶ್.<br /> <br /> ಮಾರ್ಕೆಟ್ನಲ್ಲಿ ಕಲ್ಲಂಗಡಿ ಕೆ.ಜಿಗೆ 5ರಿಂದ 7 ರೂ ಬೆಲೆಯಿದೆ. ಕಿರಣ್, ರಾಮ್ದಾರ್, ಮೈಕೋ 6, ಅಕ್ರಾಮನಿ, ಆಸ್ಟ್ರೇಲಿಯಾ ವಾಟರ್ಮೆಲನ್ ಹೀಗೆ ತರಹೇವಾರಿ ಬಗೆಯ ಕಲ್ಲಂಗಡಿ ಹಣ್ಣುಗಳು ಇರುತ್ತವೆ. ಎಲ್ಲ ಬಗೆಯ ಹಣ್ಣುಗಳನ್ನೂ ಜನ ಕೊಂಡುಕೊಳ್ಳುತ್ತಾರೆ ಎನ್ನುತ್ತಾರೆ ಅವರು. <br /> <br /> ಆದರೆ ಮಾರ್ಕೆಟ್ನಲ್ಲಿ 5 ರೂ.ಗೆ ಸಿಗುವ ಹಣ್ಣುಗಳು ರಸ್ತೆ ಬದಿಯಲ್ಲಿ ಅಷ್ಟು ಕಡಿಮೆ ಬೆಲೆಗೆ ಸಿಗುವುದಿಲ್ಲ. ರಸ್ತೆಬದಿ ಕೆ.ಜಿ.ಗೆ 12 ರೂಪಾಯಿಯಂತೆ ಮಾರಾಟ ಮಾಡಲಾಗುತ್ತದೆ. <br /> <br /> ಹಣ್ಣುಗಳನ್ನು ಕೋಲಾರದಿಂದ ತರಿಸಲಾಗುತ್ತೆ. ಬೆಳಿಗ್ಗೆ ವ್ಯಾಪಾರ ಆರಂಭಿಸಿದರೆ ರಾತ್ರಿಯಾದರೂ ಕೊಂಡುಕೊಳ್ಳಲು ಜನರು ಬರುತ್ತಲೇ ಇರುತ್ತಾರೆ ಎನ್ನುತ್ತಾರೆ ವಿಜಯನಗರದ ಕಲ್ಲಂಗಡಿ ವ್ಯಾಪಾರಿ ಮಹಮದ್ ರಫೀಕ್. <br /> <br /> ಒಂದು ಕೆ.ಜಿ. ಕಲ್ಲಂಗಡಿಗೆ 12 ರೂನಂತೆ ವ್ಯಾಪಾರ ಮಾಡುತ್ತೇವೆ. ಪೀಸ್ ಲೆಕ್ಕವೂ ಇದೆ. ಒಂದು ಕಲ್ಲಂಗಡಿ ಸುಮಾರು 4ರಿಂದ 5 ಕೆ.ಜಿ. ಇರುತ್ತದೆ. ದಿನಕ್ಕೆ ಏನಿಲ್ಲವೆಂದರೂ 20 ಕೆ.ಜಿ ಕಲ್ಲಂಗಡಿ ವ್ಯಾಪಾರ ಖಚಿತ ಎನ್ನುತ್ತಾರೆ ಅವರು. <br /> <br /> ಎಳನೀರು ಗಾಡಿಯವರಿಗೂ ಬೇರೆ ಕಾಲಕ್ಕೆ ಹೋಲಿಸಿದರೆ ವ್ಯಾಪಾರದಲ್ಲಿ ಏರಿಕೆ ಇರುತ್ತದಂತೆ. ಮಾಮೂಲಿಗಿಂತ ಬೇಸಿಗೆಯಲ್ಲಿ ಪ್ರತಿ ಎಳನೀರಿಗೆ 2 ರೂ. ಹೆಚ್ಚು. ಎಳನೀರು ವ್ಯಾಪಾರ ಎಲ್ಲ ಕಾಲದಲ್ಲೂ ಹೆಚ್ಚಿರುತ್ತೆ.<br /> <br /> ಆದರೆ ಬೇಸಿಗೆ ಬಂತೆಂದರೆ ವ್ಯಾಪಾರದಲ್ಲಿ ಇನ್ನೂ ಏರಿಕೆಯಾಗುತ್ತದೆ ಎನ್ನುತ್ತಾರೆ ಎಳನೀರು ವ್ಯಾಪಾರಿ ರಂಗಪ್ಪ. ಇದೀಗ ಎಳನೀರಿಗೆಂದು ವಿಶೇಷವಾಗಿ `ಕಾರ್ನರ್~ಗಳನ್ನು ತೆರೆದಿರುವುದರಿಂದ ಬೆಳ್ಳಂಬೆಳಗ್ಗೆಯೇ ಜನ ಅದರ ಮುಂದೆಯೂ ಜಮಾಯಿಸಿರುತ್ತಾರೆ.<br /> <br /> ಇನ್ನು ಜ್ಯೂಸ್ ಅಂಗಡಿಗಳಂತೂ ಈ ಕಾಲದಲ್ಲಿ ಜನಗಳಿಂದ ತುಂಬಿ ತುಳುಕುತ್ತಿರುತ್ತವೆ. ಸಾಮಾನ್ಯವಾಗಿ ಬೇಸಿಗೆಯಲ್ಲಿ ಕಲ್ಲಂಗಡಿ, ಮೂಸಂಬಿ, ಪೈನಾಪಲ್, ನಿಂಬೆ ಜ್ಯೂಸ್ಗಳನ್ನು ಹೆಚ್ಚು ಕುಡಿಯುತ್ತಾರೆ. ಚಾಟ್ಸ್ ವ್ಯಾಪಾರ ಸ್ವಲ್ಪ ಕುಗ್ಗುತ್ತದೆ. ಆದರೆ ಜ್ಯೂಸ್ ವ್ಯಾಪಾರದಿಂದ ಸಮತೋಲನ ಕಾಯ್ದುಕೊಳ್ಳುತ್ತೇವೆ ಎನ್ನುತ್ತಾರೆ ಭುವನ ಜ್ಯೂಸ್- ಚಾಟ್ಸ್ ಸೆಂಟರ್ನ ಹರೀಶ್.<br /> <br /> ಐಸ್ ಕ್ರೀಂ ವ್ಯಾಪಾರಿಗಳಿಗಂತೂ ಲಾಭದ ದಾರಿಗಳು ಎರಡು. ಒಂದೆಡೆ ಬೇಸಿಗೆ ಆರಂಭ ಹಂತದಲ್ಲಿ ಮದುವೆಗಳೂ ನಡೆಯುವುದರಿಂದ ಅಲ್ಲೂ ಐಸ್ಕ್ರೀಂ ಬೇಡಿಕೆ ಹೆಚ್ಚಿರುತ್ತದೆ. ಈ ಕಾಲ ಬಿಟ್ಟರೆ ವ್ಯಾಪಾರದಲ್ಲಿ ಸ್ವಲ್ಪ ಇಳಿಮುಖ ತೋರುತ್ತದೆ ಎನ್ನುತ್ತಾರೆ ಐಸ್ಕ್ರೀಂ ಪ್ಯಾಲೇಸ್ನ ಕರಣ್.<br /> <br /> ಒಟ್ಟಿನಲ್ಲಿ ಬೇಸಿಗೆ ಮುಗಿದರೆ ಸಾಕಪ್ಪಾ ಎಂದು ಪರಿತಪಿಸುವ ಜನ ಒಂದೆಡೆಯಾದರೆ, ಬೇಸಿಗೆಯನ್ನೇ ತಮ್ಮ ಬಂಡವಾಳ ಮಾಡಿಕೊಳ್ಳುವ ಜನ ಇನ್ನೊಂದೆಡೆ. ಆದರೆ ಕಾಲ ಯಾರನ್ನೂ ಲೆಕ್ಕಿಸುವುದಿಲ್ಲ ಎಂಬುದಂತೂ ಸತ್ಯ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮೊನ್ನೆ ಮೊನ್ನೆವರೆಗೂ ಮೈ ಕೊರೆಯುತಿದ್ದ ಚಳಿ ಮೆಲ್ಲಗೆ ಕರಗಿಹೋಗಿದೆ. ಬೆಳ್ಳಂ ಬೆಳಿಗ್ಗೆಯೇ ಬಿಸಿಲು ಚುರುಗುಟ್ಟಲು ಆರಂಭಿಸಿದೆ. 11 ಗಂಟೆ ದಾಟುತ್ತಿದ್ದಂತೇ ಬಿಸಿಲ ಧಗೆ. ಪ್ರತಿ ಸಲದಂತೆ ಈ ಬಾರಿ ಬಿಸಿಲು ಹೆಚ್ಚಿರುತ್ತದಂತೆ ಎನ್ನುವ ಸಾಮಾನ್ಯ ಮಾತು ಜನರ ಬಾಯಲ್ಲಿ.<br /> <br /> ಬೇಸಿಗೆ ಬಂತೆಂದರೆ ಸಾಕು, ಬಿಸಿಲು ಸಿಕ್ಕಾಪಟ್ಟೆ ಎಂದು ಗೊಣಗುವವರೇ ಹೆಚ್ಚು. ಬಿಸಿಲನ್ನು ಶಪಿಸುತ್ತಲೇ ಜನ ಕಾಲದೊಂದಿಗೆ ಹೆಜ್ಜೆ ಹಾಕುತ್ತಾರೆ. ಆದರೆ ಎಳನೀರು, ಹಣ್ಣಿನ ವ್ಯಾಪಾರಿಗಳು, ಜ್ಯೂಸ್ ಅಂಗಡಿ ಹಾಗೂ ಐಸ್ಕ್ರೀಂ ಮಾರಾಟಗಾರರಿಗೆ ಬೇಸಿಗೆ ಅಂದರೆ ಸುಗ್ಗಿ ಕಾಲ.<br /> <br /> ಚಳಿಗಾಲ ಇನ್ನೂ ಮುಗಿಯುವ ಹಂತದಲ್ಲಿರುವಾಗಲೇ ರಸ್ತೆ ಬದಿ ತೆರೆದುಕೊಳ್ಳುವ ರಾಶಿರಾಶಿ ಕಲ್ಲಂಗಡಿಗಳು, ಮಟಮಟ ಮಧ್ಯಾಹ್ನದಲ್ಲಿ ಎಳನೀರು, ಜ್ಯೂಸ್ ಅಂಗಡಿಗಳ ಮುಂದೆ ಬೆವರಿ ನಿಂತ ಜನರ ಸಾಲು, ಹಣ್ಣಂಗಡಿಗಳ ಮುಂದೆ ಈ ಕಾಲಕ್ಕೆ ಸೂಕ್ತ ಹಣ್ಣು ಯಾವುದು ಎಂದು ಖರೀದಿಸಲು ಮುಂದಾದ ಮಂದಿಯ ಚಿತ್ರಣಗಳು ಸಾಮಾನ್ಯ.<br /> <br /> ಅದರಲ್ಲೂ ಕೆ.ಆರ್.ಮಾರ್ಕೆಟ್ಗೆ ಭೇಟಿ ಕೊಟ್ಟರೆ ಬೇಸಿಗೆಯ ಸಂಪೂರ್ಣ ಪರಿಚಯ ಒಮ್ಮೆಲೇ ಆದಂತಹ ಅನುಭವ.<br /> <br /> ಬೇಸಿಗೆ ಕಾಲದಲ್ಲಿ ಮಾರ್ಕೆಟ್ನಲ್ಲಿ ಎಲ್ಲಲ್ಲೂ ಹಣ್ಣುಗಳದ್ದೇ ಕಾರುಬಾರು. ಎಲ್ಲಾ ಹಣ್ಣುಗಳಿಗಿಂತ ಕಲ್ಲಂಗಡಿ, ಖರ್ಬೂಜ, ಮೂಸಂಬಿಗೆ ಬೇಡಿಕೆ ಹೆಚ್ಚು. ಈ ಹಣ್ಣುಗಳಲ್ಲಿ ನೀರಿನಂಶ ಹೆಚ್ಚಿರುವುದರಿಂದ ಖರೀದಿಯೂ ಜೋರು.<br /> <br /> ಕಲ್ಲಂಗಡಿ ಹಣ್ಣುಗಳನ್ನು ಹೆಚ್ಚಾಗಿ ತಮಿಳುನಾಡಿನ ತಿರುವಣ್ಣಾಮಲೈನಿಂದ ತರಿಸಿಕೊಳ್ಳಲಾಗುತ್ತೆ. ವಾರಕ್ಕೆ 3ರಿಂದ 4 ಟನ್ ಲೋಡ್ ಮಾರಾಟವಾಗುತ್ತವೆ ಎನ್ನುತ್ತಾರೆ ಕಲ್ಲಂಗಡಿ ಹಣ್ಣಿನ ವ್ಯಾಪಾರಿ ಸುರೇಶ್.<br /> <br /> ಮಾರ್ಕೆಟ್ನಲ್ಲಿ ಕಲ್ಲಂಗಡಿ ಕೆ.ಜಿಗೆ 5ರಿಂದ 7 ರೂ ಬೆಲೆಯಿದೆ. ಕಿರಣ್, ರಾಮ್ದಾರ್, ಮೈಕೋ 6, ಅಕ್ರಾಮನಿ, ಆಸ್ಟ್ರೇಲಿಯಾ ವಾಟರ್ಮೆಲನ್ ಹೀಗೆ ತರಹೇವಾರಿ ಬಗೆಯ ಕಲ್ಲಂಗಡಿ ಹಣ್ಣುಗಳು ಇರುತ್ತವೆ. ಎಲ್ಲ ಬಗೆಯ ಹಣ್ಣುಗಳನ್ನೂ ಜನ ಕೊಂಡುಕೊಳ್ಳುತ್ತಾರೆ ಎನ್ನುತ್ತಾರೆ ಅವರು. <br /> <br /> ಆದರೆ ಮಾರ್ಕೆಟ್ನಲ್ಲಿ 5 ರೂ.ಗೆ ಸಿಗುವ ಹಣ್ಣುಗಳು ರಸ್ತೆ ಬದಿಯಲ್ಲಿ ಅಷ್ಟು ಕಡಿಮೆ ಬೆಲೆಗೆ ಸಿಗುವುದಿಲ್ಲ. ರಸ್ತೆಬದಿ ಕೆ.ಜಿ.ಗೆ 12 ರೂಪಾಯಿಯಂತೆ ಮಾರಾಟ ಮಾಡಲಾಗುತ್ತದೆ. <br /> <br /> ಹಣ್ಣುಗಳನ್ನು ಕೋಲಾರದಿಂದ ತರಿಸಲಾಗುತ್ತೆ. ಬೆಳಿಗ್ಗೆ ವ್ಯಾಪಾರ ಆರಂಭಿಸಿದರೆ ರಾತ್ರಿಯಾದರೂ ಕೊಂಡುಕೊಳ್ಳಲು ಜನರು ಬರುತ್ತಲೇ ಇರುತ್ತಾರೆ ಎನ್ನುತ್ತಾರೆ ವಿಜಯನಗರದ ಕಲ್ಲಂಗಡಿ ವ್ಯಾಪಾರಿ ಮಹಮದ್ ರಫೀಕ್. <br /> <br /> ಒಂದು ಕೆ.ಜಿ. ಕಲ್ಲಂಗಡಿಗೆ 12 ರೂನಂತೆ ವ್ಯಾಪಾರ ಮಾಡುತ್ತೇವೆ. ಪೀಸ್ ಲೆಕ್ಕವೂ ಇದೆ. ಒಂದು ಕಲ್ಲಂಗಡಿ ಸುಮಾರು 4ರಿಂದ 5 ಕೆ.ಜಿ. ಇರುತ್ತದೆ. ದಿನಕ್ಕೆ ಏನಿಲ್ಲವೆಂದರೂ 20 ಕೆ.ಜಿ ಕಲ್ಲಂಗಡಿ ವ್ಯಾಪಾರ ಖಚಿತ ಎನ್ನುತ್ತಾರೆ ಅವರು. <br /> <br /> ಎಳನೀರು ಗಾಡಿಯವರಿಗೂ ಬೇರೆ ಕಾಲಕ್ಕೆ ಹೋಲಿಸಿದರೆ ವ್ಯಾಪಾರದಲ್ಲಿ ಏರಿಕೆ ಇರುತ್ತದಂತೆ. ಮಾಮೂಲಿಗಿಂತ ಬೇಸಿಗೆಯಲ್ಲಿ ಪ್ರತಿ ಎಳನೀರಿಗೆ 2 ರೂ. ಹೆಚ್ಚು. ಎಳನೀರು ವ್ಯಾಪಾರ ಎಲ್ಲ ಕಾಲದಲ್ಲೂ ಹೆಚ್ಚಿರುತ್ತೆ.<br /> <br /> ಆದರೆ ಬೇಸಿಗೆ ಬಂತೆಂದರೆ ವ್ಯಾಪಾರದಲ್ಲಿ ಇನ್ನೂ ಏರಿಕೆಯಾಗುತ್ತದೆ ಎನ್ನುತ್ತಾರೆ ಎಳನೀರು ವ್ಯಾಪಾರಿ ರಂಗಪ್ಪ. ಇದೀಗ ಎಳನೀರಿಗೆಂದು ವಿಶೇಷವಾಗಿ `ಕಾರ್ನರ್~ಗಳನ್ನು ತೆರೆದಿರುವುದರಿಂದ ಬೆಳ್ಳಂಬೆಳಗ್ಗೆಯೇ ಜನ ಅದರ ಮುಂದೆಯೂ ಜಮಾಯಿಸಿರುತ್ತಾರೆ.<br /> <br /> ಇನ್ನು ಜ್ಯೂಸ್ ಅಂಗಡಿಗಳಂತೂ ಈ ಕಾಲದಲ್ಲಿ ಜನಗಳಿಂದ ತುಂಬಿ ತುಳುಕುತ್ತಿರುತ್ತವೆ. ಸಾಮಾನ್ಯವಾಗಿ ಬೇಸಿಗೆಯಲ್ಲಿ ಕಲ್ಲಂಗಡಿ, ಮೂಸಂಬಿ, ಪೈನಾಪಲ್, ನಿಂಬೆ ಜ್ಯೂಸ್ಗಳನ್ನು ಹೆಚ್ಚು ಕುಡಿಯುತ್ತಾರೆ. ಚಾಟ್ಸ್ ವ್ಯಾಪಾರ ಸ್ವಲ್ಪ ಕುಗ್ಗುತ್ತದೆ. ಆದರೆ ಜ್ಯೂಸ್ ವ್ಯಾಪಾರದಿಂದ ಸಮತೋಲನ ಕಾಯ್ದುಕೊಳ್ಳುತ್ತೇವೆ ಎನ್ನುತ್ತಾರೆ ಭುವನ ಜ್ಯೂಸ್- ಚಾಟ್ಸ್ ಸೆಂಟರ್ನ ಹರೀಶ್.<br /> <br /> ಐಸ್ ಕ್ರೀಂ ವ್ಯಾಪಾರಿಗಳಿಗಂತೂ ಲಾಭದ ದಾರಿಗಳು ಎರಡು. ಒಂದೆಡೆ ಬೇಸಿಗೆ ಆರಂಭ ಹಂತದಲ್ಲಿ ಮದುವೆಗಳೂ ನಡೆಯುವುದರಿಂದ ಅಲ್ಲೂ ಐಸ್ಕ್ರೀಂ ಬೇಡಿಕೆ ಹೆಚ್ಚಿರುತ್ತದೆ. ಈ ಕಾಲ ಬಿಟ್ಟರೆ ವ್ಯಾಪಾರದಲ್ಲಿ ಸ್ವಲ್ಪ ಇಳಿಮುಖ ತೋರುತ್ತದೆ ಎನ್ನುತ್ತಾರೆ ಐಸ್ಕ್ರೀಂ ಪ್ಯಾಲೇಸ್ನ ಕರಣ್.<br /> <br /> ಒಟ್ಟಿನಲ್ಲಿ ಬೇಸಿಗೆ ಮುಗಿದರೆ ಸಾಕಪ್ಪಾ ಎಂದು ಪರಿತಪಿಸುವ ಜನ ಒಂದೆಡೆಯಾದರೆ, ಬೇಸಿಗೆಯನ್ನೇ ತಮ್ಮ ಬಂಡವಾಳ ಮಾಡಿಕೊಳ್ಳುವ ಜನ ಇನ್ನೊಂದೆಡೆ. ಆದರೆ ಕಾಲ ಯಾರನ್ನೂ ಲೆಕ್ಕಿಸುವುದಿಲ್ಲ ಎಂಬುದಂತೂ ಸತ್ಯ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
