ಇನ್ನಾದರೂ ನೀರಿನ ಯೋಜನೆ ಮುಗಿದೀತೆ?

ಬೀದರ್ : ಈಚೆಗಷ್ಟೇ ಮುಗಿದ ಬೇಸಿಗೆಯಲ್ಲಿ ಬಿಸಿಲಿನ ಜೊತೆಗೆ ನಗರದ ಜನತೆಯನ್ನು ಕಾಡಿದ್ದು ಕುಡಿಯುವ ನೀರಿನ ಸಮಸ್ಯೆ. ಗಂಭೀರ ಸಮಸ್ಯೆ ಎಂಬಂತೆ ಕಾಡಲಿಲ್ಲವಾದರೂ ಕುಡಿಯುವ ನೀರಿನ ಕೊರತೆ ಕಾಡಿದ್ದು ನಿಜ. ನಗರಸಭೆ ಹೆಚ್ಚುವರಿಯಾಗಿ ಕಾರಂಜಾದಿಂದ ನೀರು ಪಡೆಯುವ ಮಟ್ಟಿಗೆ ಈ ಸಮಸ್ಯೆ ಬಾಧಿಸಿತ್ತು.

ನಗರ ಕುಡಿಯುವ ನೀರು ಸರಬರಾಜು ಯೋಜನೆಯ ಜಾರಿಯೊಂದಿಗೆ ಮುಂದಿನ ಬೇಸಿಗೆಗೆ ಈ ಸಮಸ್ಯೆ ಇರುವುದಿಲ್ಲ ಎಂಬ ಭರವಸೆ ಅಧಿಕಾರಿ ವಲಯದಿಂದ ಕಾಡಿತ್ತಾದರೂ, ಕಾಮಗಾರಿ ಆಮೆಗತಿಯಲ್ಲಿ ಸಾಗುತ್ತಿರುವುದು ಮತ್ತೆ ಮುಂದಿನ ಬೇಸಿಗೆಯಲ್ಲಿಯೂ ನೀರು ಪೂರೈಕೆ ಸಮಸ್ಯೆ ಕಾಡಬಹುದಾ ಎಂಬ ಆತಂಕ ಮೂಡಿಸಿದೆ.

ನಗರದಲ್ಲಿ 2026ರ ವೇಳೆಗೆ ಇರಬಹುದಾದ ಜನಸಂಖ್ಯೆ ಮತ್ತು ಬೇಡಿಕೆಗೆ ಅನುಸಾರವಾಗಿ ಕುಡಿಯುವ ನೀರು ಪೂರೈಕೆ ಯೋಜನೆ ಜಾರಿಗೊಳಿಸುತ್ತಿದ್ದು, ವಿಳಂಬವಾಗಿರುವ ಈ ಕಾಮಗಾರಿ ಈ ವರ್ಷದ ಅಕ್ಟೋಬರ್ ವೇಳೆಗೆ ಕಾರ್ಯಾರಂಭ ಮಾಡುವ ಭರವಸೆಯು ವ್ಯಕ್ತವಾಗಿತ್ತು.

ಈಚೆಗೆ ಸ್ಥಳ ಪರಿಶೀಲನೆಗಾಗಿ ನೀಲಮ್ಮನಹಳ್ಳಿ ತಾಂಡಾ ಸ್ಥಳಕ್ಕೆ ತೆರಳಿದ್ದ ಜಿಲ್ಲಾಧಿಕಾರಿ ಡಾ. ಪಿ.ಸಿ.ಜಾಫರ್ ಅವರೇ, ಓವರ್ ಹೆಡ್ ಟ್ಯಾಂಕ್ಗಳ ನಿರ್ಮಾಣ, ಪೈಪ್ಗಳ ಅಳವಡಿಕೆ ಮತ್ತಿತರ ಕಾಮಗಾರಿ ಪ್ರಗತಿಯಲ್ಲಿದ್ದು, ವರ್ಷಾಂತ್ಯದ ವೇಳೆಗೆ ಮುಗಿಯಬಹುದು ಎಂಬ ಆಶಯ ವ್ಯಕ್ತಪಡಿಸಿದ್ದರು.

ಯೋಜನೆಯ ಭಾಗವಾಗಿ ಕಾರಂಜಾ ನದಿಯಿಂದ ಎತ್ತುವಳಿಗಾಗಿ ಕಾರಂಜಾ ಜಲಾಶಯದ ಬಳಿ ಜಾಕ್ವೆಲ್ ನಿರ್ಮಾಣ, ಅಲ್ಲಿಂದ ನೀರು ಸಂಸ್ಕರಣೆಗಾಗಿ ನೀಲಮ್ಮನಹಳ್ಳಿ ತಾಂಡಾ ಬಳಿ ಫಿಲ್ಟರ್ ಬೆಡ್ ನಿರ್ಮಾಣ ಆಗುತ್ತಿದೆ. ತದನಂತರ ಶುದ್ಧೀಕರಿಸಿದ ನೀರನ್ನು ನೌಬಾದ್ ಬಳಿಯಿರುವ ನೆಲಹಂತದ ಸಂಪ್ಗೆ ಪೂರೈಸಲಾಗುತ್ತದೆ.

ಮುಂದಿನ ಹಂತದಲ್ಲಿ ಹೀಗೇ ಸಂಗ್ರಹಿಸಿದ ನೀರನ್ನು ನಗರದ ವಿವಿಧೆಡೆ ನಿರ್ಮಾಣ ಆಗುತ್ತಿರುವ ಓವರ್ಹೆಡ್ ಟ್ಯಾಂಕ್ಗಳಿಗೆ ನೀರು ಸರಬರಾಜು ಮಾಡಿ, ಅಲ್ಲಿಂದ ಬಡಾವಣೆಗಳಿಗೆ ಪೂರೈಸುವುದು ಗುರಿಯಾಗಿದೆ.

`ಕಾರಂಜಾ ಜಲಾಶಯದ ಬಳಿಕ ಜಾಕ್ವೆಲ್ ನಿರ್ಮಾಣ ಕಾರ್ಯವು ತಳ ನೆಲದಲ್ಲಿ ಕಲ್ಲು ಸಿಕ್ಕ ಕಾರಣ ವಿಳಂಬವಾಗಿದೆ. ಇದರ ಜೊತೆಗೆ, ಫಿಲ್ಟರ್ ಬೆಡ್ (ಶುದ್ಧೀಕರಣ ಘಟಕ) ಸ್ಥಾಪಿಸಲು ಉನ್ನತ ತಂತ್ರಗಾರಿಕೆ ಅಗತ್ಯವಿದೆ. ಗುಣಮಟ್ಟದ ಕಾಮಗಾರಿಗೆ ಒತ್ತು ನೀಡಿರುವ ಕಾರಣ ವಿಳಂಬವಾಗಿದೆ' ಎನ್ನುತ್ತಾರೆ ಅಧಿಕಾರಿಗಳು.

ಜಿಲ್ಲಾಧಿಕಾರಿಗಳ ಪ್ರಕಾರ, ಈಗಾಗಲೇ ಕಾಮಗಾರಿ ಶೇ 70ರಷ್ಟು ಪೂರ್ಣವಾಗಿದೆ.

ಒಮ್ಮೆ ಯೋಜನೆ ಕಾಮಗಾರಿ ಪೂರ್ಣಗೊಂಡಲ್ಲಿ ಶುದ್ಧೀಕರಿಸಲಾದ ಪ್ರಸ್ತುತ ಬೇಡಿಕೆಗೆ ಅನುಗುಣವಾಗಿ ಅಗತ್ಯ ಪ್ರಮಾಣದ ನೀರು ಸಂಗ್ರಹ ಸಾಧ್ಯವಾಗಲಿದೆ.

ಉದಗೀರ್ ರಸ್ತೆಯಲ್ಲಿ ಬಸ್ ನಿಲ್ದಾಣ ಸಮೀಪ ಸೇರಿದಂತೆ ವಿವಿಧೆಡೆ ಇನ್ನೂ ಪೈಪ್ ಅಳವಡಿಕೆ ಕಾರ್ಯವು ಇನ್ನೂ ಪ್ರಗತಿಯಲ್ಲಿದೆ. ನಿತ್ಯ ಗಮನಿಸುತ್ತಿರುವವರಿಗೆ ವಿಳಂಬ ಆಗುತ್ತಿದೆ ಎನಿಸಿದಲ್ಲಿ ಆಶ್ಚರ್ಯವೂ ಇಲ್ಲ.

ಅಧಿಕಾರಿಗಳ ಭರವಸೆ ಮತ್ತು ಆಶಯದಂತೆ ವರ್ಷಾಂತ್ಯದ ವೇಳೆಗೆ ಕಾಮಗಾರಿ ಪೂರ್ಣಗೊಂಡು, ಬೇಸಿಗೆಯಲ್ಲಿ ಕುಡಿಯುವ ನೀರಿನ ಪೂರೈಕೆ ಸಮಸ್ಯೆಗೆ ಪರಿಹಾರ ಒದಗಿಸುವುದಾ ಕಾದುನೋಡಬೇಕು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಇನ್ನಾದರೂ ನೀರಿನ ಯೋಜನೆ ಮುಗಿದೀತೆ?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ