ಬುಧವಾರ, ಜನವರಿ 29, 2020
29 °C

ಉಗ್ರ ಮುಲ್ಲಾ ಫೈಜಲುಲ್ಲಾ ವಾಪಸ್‌

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಇಸ್ಲಾಮಾಬಾದ್ (ಪಿಟಿಐ):  ಪಾಕ್‌ ಮೂಲದ ನಿಷೇಧಿತ ತಾಲಿಬಾನಿ ನಾಯಕ ಮುಲ್ಲಾ ಫೈಜಲುಲ್ಲಾ ಪಾಕಿಸ್ತಾನದ ಬುಡಕಟ್ಟು ಪ್ರದೇಶಗಳಿಗೆ ಕಾನೂನು­ಬಾಹಿರ­ವಾಗಿ ಪ್ರವೇಶಿಸಿದ್ದಾನೆ.



2009ರಿಂದ ಈತ ಅಪ್ಫಾನಿಸ್ತಾನದ ಸ್ವಾತ್‌ ಪ್ರದೇಶದಲ್ಲಿ ನೆಲೆಸಿದ್ದ. ‘ಮುಲ್ಲಾ ರೇಡಿಯೊ’ ಎಂಬ ಅಡ್ಡ ಹೆಸರಿನಿಂದ ಪ್ರಸಿದ್ಧಿಯಾಗಿರುವ ಮುಲ್ಲಾ, ತನ್ನ 15 ಸಹಾಯಕರೊಂದಿಗೆ ತೆಹರಿಕ್‌–ಎ– ತಾಲಿಬಾನ್ ಪಾಕಿಸ್ತಾನ (ಟಿಟಿಪಿ) ಪ್ರದೇಶಕ್ಕೆ ಆಗಮಿಸಿದ್ದಾನೆ ಎನ್ನಲಾಗಿದೆ. 2007–09ರ ಅವಧಿಯಲ್ಲಿ ಈತ ತನ್ನ ‘ಮುಲ್ಲಾ ರೇಡಿಯೊ’ ಎಫ್ಎಂ ಮೂಲಕವೇ ಇಸ್ಲಾಮಾಬಾದ್‌ನಿಂದ ಸುಮಾರು 160 ಕಿ.ಮೀ. ದೂರದಲ್ಲಿ  ಪರ್ಯಾಯ ಆಡಳಿತ ನಡೆಸುತ್ತಿದ್ದ.



ಶಾಲೆಗೆ ಹೋಗುವ ಬಾಲಕಿಯರನ್ನೇ ಗುರಿಯಾಗಿಸಿಕೊಂಡು ಮುಲ್ಲಾ ನೇತೃತ್ವದ ತಂಡ ಬಾಂಬ್‌ ದಾಳಿ ನಡೆ­ಸುತ್ತಿತ್ತು. ಕಳೆದ ವರ್ಷ ಮಲಾಲ ಯೂಸುಪ್‌ ಝೈ ಮೇಲೆ ಇದೇ ತಂಡ ಗುಂಡಿನ ದಾಳಿ ನಡೆಸಿತ್ತು. ಈ ಸಂದರ್ಭದಲ್ಲಿ ಪಾಕ್‌ ಸೇನೆ ಮುಲ್ಲಾ ತಂಡದ ಮೇಲೆ ದಾಳಿ ನಡೆಸಿದಾಗ, ಮುಲ್ಲಾ ಮತ್ತು ಆತನ ಸಹಚರರು ಪರಾರಿಯಾಗಿದ್ದರು.

ಪ್ರತಿಕ್ರಿಯಿಸಿ (+)