ಚಿಂತಾಮಣಿಗೆ ಬಂದ ರೈಲು ಎಂಜಿನ್

ಚಿಂತಾಮಣಿ: ಕೋಲಾರದಿಂದ ನಗರಕ್ಕೆ ಬಂದ ರೈಲು ಎಂಜಿನ್‌ಗೆ ಮಂಗಳವಾರ ರೈಲ್ವೆ ಅಧಿಕಾರಿಗಳು ಹಾಗೂ ಸ್ಥಳೀಯರು ಪೂಜೆ ಸಲ್ಲಿಸಿ ಬರಮಾಡಿಕೊಂಡರು.



ಅನೇಕ ವರ್ಷಗಳ ನಂತರ ನಗರಕ್ಕೆ ಬಂದ ರೈಲು ಎಂಜಿನನ್ನು ಕಂಡ ಜನರ ಸಂತಸಕ್ಕೆ ಪಾರವೇ ಇರಲಿಲ್ಲ. ಕೋಲಾರದಿಂದ ಚಿಂತಾಮಣಿ ವರೆಗೂ ಬ್ರಾಡ್‌ಗೇಜ್ ಕಾಮಗಾರಿ ಪೂರ್ಣವಾಗಿದ್ದು ಚಿಂತಾಮಣಿಯಿಂದ ಚಿಕ್ಕಬಳ್ಳಾಪುರವರೆಗೂ ಅಲ್ಪ-ಸ್ವಲ್ಪ ಕಾಮಗಾರಿ ಬಾಕಿ ಇದ್ದು ಕೆಲಸ ಭರದಿಂದ ಸಾಗಿದೆ. ಇನ್ನು ಒಂದೆರಡು ತಿಂಗಳುಗಳಲ್ಲಿ ಪ್ರಯಾಣಿಕರ ರೈಲು ಪ್ರಾರಂಭವಾಗಬಹುದು ಎನ್ನಲಾಗಿದೆ.



ಮಂಗಳವಾರ ನಗರಕ್ಕೆ ಬಂದ ರೈಲು ಎಂಜಿನ್ ನಂತರ ಪ್ರಯೋಗಾರ್ಥವಾಗಿ ಶಿಡ್ಲಘಟ್ಟಕ್ಕೆ ಪ್ರಯಾಣ ಬೆಳಸಿತು.

ಅಧಿಕಾರಿಗಳಾದ ಅಮರಗುಂಡಪ್ಪ, ಮುರಳಿ, ಆನಂದ್, ಮುಸ್ತಾಪ್, ಸ್ಥಳೀಯರಾದ ರಾಜಣ್ಣ, ತ್ಯಾಗರಾಜ್  ಪೂಜೆ ಮಾಡಿ ಬರಮಾಡಿಕೊಂಡು ನಂತರ ಶಿಡ್ಲಘಟ್ಟಕ್ಕೆ ಬೀಳ್ಕೊಟ್ಟರು.