ಪಾಕ್ ಕಾಲೇಜಿನಲ್ಲಿ ಸ್ಫೋಟ; ಗಾಯ

ಪೆಶಾವರ (ಪಿಟಿಐ): ಬಾಲಕಿಯರ ಕಾಲೇಜೊಂದರ ಮೇಲೆ ಶಂಕಿತ ಉಗ್ರರು ಎಸೆದ ಕೈಬಾಂಬ್‌ನಿಂದಾಗಿ ಸುಮಾರು 19 ವಿದ್ಯಾರ್ಥಿನಿಯರಿಗೆ ತೀವ್ರ ಸ್ವರೂಪದ ಗಾಯಗಳಾಗಿರುವ ಘಟನೆ ಪಾಕಿಸ್ತಾನದ ವಾಯವ್ಯ ಪ್ರದೇಶದಲ್ಲಿ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಎರಡು ಮೋಟಾರ್‌ಸೈಕಲ್ ಮೇಲೆ ಬಂದ ವ್ಯಕ್ತಿಗಳು ಖಿಬೇರ್- ಪಾಕ್‌ತುಂಖ್ವಾ ಪ್ರಾಂತ್ಯದ ಮರ್ಡನ್ ಜಿಲ್ಲೆಯ ಗಿಲಿಮೆರಾದ ಕಾಲೇಜಿನ ಮೇಲೆ ಕೈಬಾಂಬು ಎಸೆದಾಗ ಈ ಘಟನೆ ಸಂಭವಿಸಿದೆ.