ಪುಟ್ಟನ ಪ್ರಶ್ನೆಗಳು

ಅಲ್ಲಾಡ್ದಿರೋ ಆಕಾಶಕ್ಕೆ ಎಲ್ಲುಂಟಪ್ಪಾ ಕಂಬ?

ಹುಂಜದ ಜುಟ್ಟಲ್ಲಿಟ್ಟೋರ್ಯಾರು ತುಂಬಾ ತುಂಬಾ ಜಂಬ?

ನಂಗ್ಯಾಕಿಲ್ಲ ಹಕ್ಕಿ ಹಾಗೆ ಹಾರೋಕೆರಡು ರೆಕ್ಕೆ?

ಇಂಗ್ಲಿಷ್ ‘ಎಸ್’ಗೆ ಯಾಕ್ ಬೇಕಿತ್ತು ಎರಡೂ ಕಡೆಗೂ ಕೊಕ್ಕೆ?

ತೆಂಗೀನ್ ಮರದ ತುದೀಗೆ ಹತ್ತಿ ಕಾಯಿನ್ನಿಟ್ಟೋರ್ಯಾರು?

ಎಳೇಕಾಯಲಿ ಹೇಗಪ್ಪಾ ಇದೆ ಸೀ ಸೀ ಸಕ್ಕರೆ ನೀರು?

ಕಾಮನ ಬಿಲ್ಲಿಗೆ ಕಲರ್ರು ಬಳಿದು ಬಾನಿಗೆ ಅಂಟ್ಸೋದ್ಯಾಕೆ?

ದಿನಾ ಕೊಕ್ಕರೆ ಸೋಪನು ಹಚ್ಚಿ ಸ್ನಾನ ಮಾಡ್ಲೇಬೇಕೆ?

ಕುಂಯ್ ಟ್ರುಂಯ್ ಅನ್ನೋ ಮೊಬೈಲ್‌ಗ್ಯಾಕೆ ಅಪ್ಪನ ಕಿವಿ ಅಷ್ಟಿಷ್ಟ

ಲೆಕ್ಕದ ಮಿಸ್ಸಿಗೆ ರಜೆ ಹಾಕೋಕೆ ಯಾಕಪ್ಪಾ ಅಷ್ಟ್ ಕಷ್ಟ?