ಶುಕ್ರವಾರ, ಮಾರ್ಚ್ 5, 2021
24 °C

ಮನಸೂರೆಗೊಂಡ ‘ಎತ್ತಿನಗಾಡಿ ಎಳೆಯುವ ಸ್ಪರ್ಧೆ’

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಮನಸೂರೆಗೊಂಡ ‘ಎತ್ತಿನಗಾಡಿ ಎಳೆಯುವ ಸ್ಪರ್ಧೆ’

ಮದ್ದೂರು: ತಾಲ್ಲೂಕಿನ ಬೆಳತೂರು ಗ್ರಾಮದಲ್ಲಿ ಮಂಗಳವಾರ ಆಬಲ­ವಾಡಿಯ ರಾಹುಲ್ ದ್ರಾವಿಡ್ ಕ್ರೀಡಾಬಳಗದ ವತಿಯಿಂದ ‘ಎತ್ತಿನ­ಗಾಡಿ ಎಳೆಯುವ ಸ್ಪರ್ಧೆ’ ಸಂಭ್ರಮ­ದಿಂದ ನಡೆಯಿತು.



ಬಿ.ಎಚ್. ಮಂಗೇಗೌಡ ಪ್ರಥಮ­ದರ್ಜೆ ಕಾಲೇಜಿನ ರಾಷ್ಟ್ರೀಯ ಸೇವಾ ಯೋಜನೆಯ ವಿದ್ಯಾರ್ಥಿಗಳು ಹಾಗೂ ಗ್ರಾಮಸ್ಥರು ಸ್ಪರ್ಧೆಯಲ್ಲಿ ಉತ್ಸಾಹದಿಂದ ಪಾಲ್ಗೊಂಡರು. 



ರಾಹುಲ್ ದ್ರಾವಿಡ್ ಕ್ರೀಡಾ ಬಳಗದ ಅಧ್ಯಕ್ಷ ಅನಿಲ್‌ಕುಮಾರ್‌ ಸ್ಪರ್ಧೆ ಉದ್ಘಾಟಿಸಿ ಮಾತನಾಡಿ, ‘ಗ್ರಾಮೀಣ ಭಾಗದಲ್ಲಿ ಇಂದು ಆಧು­ನಿಕ ಕ್ರೀಡೆಗಳ ಗುಂಗಿನಲ್ಲಿ ಶಕ್ತಿ ಪ್ರದರ್ಶ­ನದ ಗ್ರಾಮೀಣ ಕ್ರೀಡೆಗಳು ಕಣ್ಮರೆಯಾಗುತ್ತಿವೆ. ಗ್ರಾಮೀಣ ಜನ­ರಲ್ಲಿ ಅಡಗಿರುವ ಕ್ರೀಡಾಪ್ರತಿಭೆ­ಯನ್ನು ಹೊರತರುವ ನಿಟ್ಟಿನಲ್ಲಿ ಇಂತಹ ಸ್ಪರ್ಧೆಗಳನ್ನು ಬಳಗದ ವತಿಯಿಂದ ಆಯೋಜಿಸಲಾಗುತ್ತಿದೆ’ ಎಂದರು.



ಶಿಬಿರಾಧಿಕಾರಿ ಸುರೇಶ್ ಅಧ್ಯಕ್ಷತೆ ವಹಿಸಿದ್ದರು. ಉದ್ಯಮಿ ಸಂತೋಷ್‌ ವಿಜೇತರಿಗೆ ಬಹುಮಾನ ವಿತರಿಸಿ­ದರು. ಉಪನ್ಯಾಸಕರಾದ ಸಿದ್ದರಾಜು, ಶಿವಕುಮಾರ್‌ ಸೇರಿದಂತೆ ಎನ್‌ಎಸ್‌ಎಸ್‌ ವಿದ್ಯಾರ್ಥಿಗಳು ಹಾಜರಿದ್ದರು.



ವಿಜೇತರ ವಿವರ: ವಿದ್ಯಾರ್ಥಿ ವಿಭಾಗ- – ಅಭಿಷೇಕ್ ಗೌಡ  ಮತ್ತು ಶಿವರಾಜು,(ಪ್ರಥಮ), ಪಿ. ವೆಂಕಟೇಶ್ ಹಾಗೂ ಕೆ.ಪಿ. ಸಾಧನ್ (ದ್ವಿತೀಯ). ಗ್ರಾಮಸ್ಥರ ವಿಭಾಗ: ಟಿ.ಎಸ್. ಶಿವರಾಜು ಮತ್ತು ಬಿ.ಟಿ. ನವೀನ್(ಪ್ರಥಮ), ಸಾಗರ್ ಕುಮಾರ್ ಹಾಗೂ ಶಿವಾನಂದ (ದ್ವಿತೀಯ) ಬಹುಮಾನ ಪಡೆದರು.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.