ಶುಕ್ರವಾರ, ಜೂನ್ 18, 2021
20 °C

ಮಸ್ತ್ ಮಸ್ತ್ ಹುಡುಗಿಗೆ ಕಾಡುವ ಆತಂಕ!

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಮಸ್ತ್ ಮಸ್ತ್ ಹುಡುಗಿಗೆ ಕಾಡುವ ಆತಂಕ!

ಯೇ ಚೀಜ್ ಬಡಿ ಹೈ ಮಸ್ತ್ ಮಸ್ತ್ ಅಂತ ಹಾಡಿ, ಎದೆಬಡಿತ ಹೆಚ್ಚಿಸಿದ್ದ ರವೀನಾ ಟಂಡನ್‌ಗೆ ಈಗ ಆತಂಕವಾಗುತ್ತಿದೆಯಂತೆ!

ಖಾಸಗಿ ವಾಹಿನಿಗಾಗಿ `ಇಸಿ ಕಾ ನಾಮ್ ಹೈ ಜಿಂದಗಿ~ ಎಂಬ ಕಾರ್ಯಕ್ರಮ ನಡೆಸಿಕೊಡಲು ಸಿದ್ಧರಾಗಿರುವ ರವೀನಾಗೆ ಕಿರುತೆರೆಯ ಪ್ರವೇಶ ಆತಂಕ ಹುಟ್ಟಿಸಿದೆ ಎಂದೂ ಹೇಳಿದ್ದಾರೆ.

ಈ ಶೋನಲ್ಲಿ ಬರುವ ಬಹುತೇಕ ತಾರೆಯರು ನನ್ನ ಸ್ನೇಹಿತರು ಎಂಬುದೇ ಸಮಾಧಾನದ ವಿಷಯ. ಆದರೂ ಇಂಥ ಕಾರ್ಯಕ್ರಮಗಳಿಗೆ ಸಾಕಷ್ಟು ತಯಾರಿ ಹಾಗೂ ತ್ವರಿತವಾಗಿ ಪ್ರತಿಕ್ರಿಯಿಸುವ ಅಗತ್ಯವಿರುತ್ತದೆ. ಮಾತುಗಾತಿಯಲ್ಲದ ನಾನು ಇದನ್ನೆಲ್ಲ ನಿಭಾಯಿಸಬಲ್ಲೆನೆ ಎಂಬ ಆತಂಕವಿದೆ ಎಂದು ಅವರು ಹೇಳಿಕೊಂಡಿದ್ದಾರೆ.

ಈ ನಡುವೆ ಹಿರಿ ತೆರೆಗೂ ಬರಲಿರುವ ಎರಡು ಮಕ್ಕಳ ಅಮ್ಮ ರವೀನಾ `ಶೋಭನಾ 7 ನೈಟ್ಸ್~ `ಗಿನ್‌ಲಿಯಾ ಆಸ್ಮಾನ್~ ಚಿತ್ರೀಕರಣವನ್ನೂ ಮುಗಿಸಿದ್ದಾರೆ.

ಎನ್‌ಡಿಟಿವಿ ಇಂಡಿಯಾದಲ್ಲಿ ಪ್ರಸಾರವಾಗುತ್ತಿರುವ ಈ ಕಾರ್ಯಕ್ರಮದಲ್ಲಿ ಈಗಾಗಲೇ ರವೀನಾ ಟಂಡನ್ ವಿದ್ಯಾಬಾಲನ್, ಅವರ ಕುಟುಂಬ ಹಾಗೂ ಸ್ನೇಹಿತರೊಂದಿಗೆ ಮಾತನಾಡಿದ್ದಾರೆ.

ಅಜಯ್ ದೇವಗನ್, ಮಧುರ್ ಭಂಡಾರ್ಕರ್, ಕರಣ್ ಜೋಹರ್, ಬೊಮನ್ ಇರಾನಿ ಮುಂತಾದವರು ಶೋದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಈ ಕಾರ್ಯಕ್ರಮದಲ್ಲಿ ತಾರೆಯರ ಬದುಕಿನ ಇನ್ನೊಂದು ಮುಖವನ್ನು ಪರಿಚಯಿಸಲಾಗುತ್ತದೆ. ಅವರ ಸಾಮಾನ್ಯ ಜೀವನದ ಪರಿಚಯವನ್ನು ನೋಡುಗರಿಗೆ ಮಾಡಿಕೊಡಲಾಗುತ್ತದೆ. ಮಾನವೀಯ ಸ್ಪರ್ಶವಿದೆ. ಇದೇ ಗುಣದಿಂದಾಗಿಯೇ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳುವ ತೀರ್ಮಾನ ಕೈಗೊಂಡಿದ್ದೇನೆ ಎಂದೂ ಅವರು ಹೇಳಿದ್ದಾರೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.