ನವದೆಹಲಿ (ಪಿಟಿಐ): ಕರ್ನಾಟಕದ ಎಡಗೈ ವೇಗಿ ಎಸ್‌.ಅರವಿಂದ್‌ ಐಪಿಎಲ್‌ನಲ್ಲಿ ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು ತಂಡದಲ್ಲಿ ಆಡುವ ಅವಕಾಶ ಪಡೆದುಕೊಂಡಿದ್ದಾರೆ.
ನ್ಯೂಜಿಲೆಂಡ್‌ ತಂಡದ ಮಧ್ಯಮ ವೇಗಿ ಆ್ಯಡಮ್‌ ಮಿಲ್ನೆಗಾಯದ ಕಾರಣ ಟೂರ್ನಿಯಿಂದ ಹೊರಬಿದ್ದಿದ್ದಾರೆ. ಹೀಗಾಗಿ ಅರವಿಂದ್‌ ಬದಲಿ ಆಟಗಾರ ನಾಗಿತಂಡಕ್ಕೆ ಸೇರ್ಪಡೆಗೊಂಡಿದ್ದಾರೆ.
ಐಪಿಎಲ್‌ ತಾಂತ್ರಿಕ ಸಮಿತಿ ಅರವಿಂದ್‌ ಸೇರ್ಪಡೆಗೆ ಬುಧವಾರ ಒಪ್ಪಿಗೆ ನೀಡಿದೆ. ಹೀಗಾಗಿ ಎಡಗೈ ವೇಗಿಗೆ ಮತ್ತೊಮ್ಮೆ ತಂಡದಲ್ಲಿ ಆಡುವ ಅದೃಷ್ಟ ಒಲಿದಿದೆ.
2011 ಮತ್ತು 2012ರ ಋತುವಿನಲ್ಲಿ ಆರ್‌ಸಿಬಿ ತಂಡದಲ್ಲಿ ಆಡಿದ್ದ ಅರವಿಂದ್‌ 2011ರಲ್ಲಿ ಗರಿಷ್ಠ ವಿಕೆಟ್‌ ಪಡೆದ ಆರ್‌ಸಿಬಿ ಬೌಲರ್ ಎನಿಸಿದ್ದರು. ಅವರು 13 ಪಂದ್ಯಗಳನ್ನಾಡಿ 21 ವಿಕೆಟ್‌ ಉರುಳಿಸಿದ್ದರು.
