ಸಂಗೀತ ವಾದ್ಯಗಳ ಉಡುಗೊರೆ

ಮಾಸ್ಕೊ(ಪಿಟಿಐ): ರಷ್ಯಾದ ಪ್ರಸಿದ್ಧ ಗ್ಲಿಂಕಾ ರಾಷ್ಟ್ರೀಯ ವಸ್ತು ಸಂಗ್ರಹಾಲಯಕ್ಕೆ ಭಾರತವು ಶಾಸ್ತ್ರೀಯ ಸಂಗೀತ ವಾದ್ಯಗಳ ಉಡುಗೊರೆ ನೀಡುವ ಮೂಲಕ ಸಾಂಸ್ಕೃತಿಕ ಸಂಬಂಧವನ್ನು ಮತ್ತಷ್ಟು  ಗಟ್ಟಿಗೊಳಿಸಿದೆ.



ಗ್ಲಿಂಕಾ ವಸ್ತು ಸಂಗ್ರಹಾಲಯವು ಶತಮಾನೋತ್ಸವ ಆಚರಿಸಿಕೊಳ್ಳತ್ತಿರುವ  ಸಂದರ್ಭದಲ್ಲಿ ಭಾರತ ಈ ಕಾಣಿಕೆ ನೀಡಿದೆ. ಇದರಲ್ಲಿ ಸಿತಾರ್, ಸರೋದ್, ವೀಣೆ, ತಬಲ ವಾದ್ಯಗಳು ಸೇರಿವೆ. ರಷ್ಯಾದಲ್ಲಿರುವ ಭಾರತದ ರಾಯಭಾರಿ ಅಜಯ್ ಮಲ್ಹೋತ್ರ ಅವರು ಗ್ಲಿಂಕಾ ಅಧಿಕಾರಿಗಳಿಗೆ ಈ ಸಂಗೀತ ಸಾಧನಗಳನ್ನು ಹಸ್ತಾಂತರಿಸಿದರು. 



`ಸಂಗ್ರಹಾಲಯದಲ್ಲಿರುವ ಹತ್ತು ಲಕ್ಷಕ್ಕೂ ಹೆಚ್ಚಿನ ಸಂಗೀತ  ಸಾಧನಗಳಲ್ಲಿ ಇವು ಮೌಲ್ಯಯುತವಾದವು~ ಎಂದು ವಸ್ತು ಸಂಗ್ರಹಾಲಯದ ಹಿರಿಯ ಅಧಿಕಾರಿ ವ್ಲಾಡಿಮಿರ್ ಲಿಸೆಂಕೊ ಬಣ್ಣಿಸಿದ್ದಾರೆ.