<p>ಭಾರತೀಯ ದಂಡ ಸಂಹಿತೆ (ಐಪಿಸಿ) ಜಾರಿಗೊಂಡಿದ್ದು 1861ರಲ್ಲಿ. ಆಗಲೇ ಸಲಿಂಗಕಾಮದ ಬಗ್ಗೆ ವಿವರಣೆ ನೀಡುವ 377ನೇ ಸೆಕ್ಷನ್ ಕೂಡ ಸೇರ್ಪಡೆಗೊಂಡಿದ್ದು.<br /> <br /> ನಿಸರ್ಗದ ವಿರುದ್ಧವಾಗಿ ನಡೆಯುವ ಯಾವುದೇ ಕ್ರಿಯೆಯೂ ಅಪರಾಧ ಎನ್ನುವುದು ಕ್ರೈಸ್ತ ಧರ್ಮದ ಸಾರ. ಅದನ್ನೇ ಬ್ರಿಟಿಷರು ಕಾನೂನನ್ನಾಗಿ ಮಾಡಿದರು. ಸಲಿಂಗಕಾಮ ಕೂಡ ನಿಸರ್ಗದ ವಿರುದ್ಧವಾಗಿ ನಡೆಯುವ ಕ್ರಿಯೆ ಎನ್ನುವುದು ಅವರ ಅಭಿಮತ.<br /> <br /> ಇಲ್ಲಿ ಒಂದು ಗಮನಿಸಬೇಕಾದ ಅಂಶವಿದೆ. ಅದೇನೆಂದರೆ ನಿಸರ್ಗದ ವಿರುದ್ಧವಾಗಿ ನಡೆಯುವ ಕ್ರಿಯೆ ಎಂದು ಕಾನೂನು ಜಾರಿಮಾಡಿದ ಬ್ರಿಟಿಷರು ‘ನಿಸರ್ಗದ ವಿರುದ್ಧ’ ಎಂದರೆ ಏನು ಎಂಬ ಬಗ್ಗೆ ಸ್ಪಷ್ಟ ವ್ಯಾಖ್ಯಾನವನ್ನೇ ನೀಡಲಿಲ್ಲ. ಆ ವ್ಯಾಖ್ಯಾನವಿನ್ನೂ ಅಪೂರ್ಣ. ಈ ಅಪೂರ್ಣ ವ್ಯಾಖ್ಯಾನವನ್ನೇ ಜಾರಿಗೊಳಿಸುವುದಾದಲ್ಲಿ, ದಂಪತಿ ನಡುವೆ ನಡೆಯುವ ಕೆಲವು ಲೈಂಗಿಕ ಕ್ರಿಯೆಗಳನ್ನು ಕೂಡ ‘ನಿಸರ್ಗದ ವಿರುದ್ಧ’ದ ಕ್ರಿಯೆ ಎಂದು ಹೇಳಿ ಶಿಕ್ಷೆಗೆ ಗುರಿಪಡಿಸಬೇಕಾಗುತ್ತದೆ. ಇದೇ ಕಾರಣಕ್ಕೆ ಯುರೋಪ್ ರಾಷ್ಟ್ರಗಳು ಹಾಗೂ ಅಮೆರಿಕ, ಸಲಿಂಗಕಾಮದ ಕುರಿತಾಗಿ ಇರುವ ಕಾನೂನನ್ನು ರದ್ದು ಮಾಡಿದೆ. ಭಾರತದಲ್ಲಿ ಅದಿನ್ನೂ ಚಾಲ್ತಿಯಲ್ಲಿದೆ.<br /> <br /> ಒಬ್ಬ ಮನುಷ್ಯ ಬೆಳ್ಳಗೆ, ಇನ್ನೊಬ್ಬ ಕಪ್ಪಗೆ ಹುಟ್ಟುವುದು ನಿಸರ್ಗದ ಲೀಲೆ. ಸಲಿಂಗಕಾಮಿಗಳು ಕೂಡ ಹಾಗೆ. ‘ನಾವು ನೈಸರ್ಗಿಕವಾಗಿ ಹುಟ್ಟಿದ್ದೇ ಹೀಗೆ. ನಮ್ಮ ಈ ಶರೀರ ನಿಸರ್ಗದತ್ತವಾಗಿ ಬಂದದ್ದು. ಸಾಮಾನ್ಯವಾಗಿ ಹುಟ್ಟಿದ ಜನರ ಹಾಗೆ ನಾವು ಈಗೇನು ಮಾಡುತ್ತಿದ್ದೇವೆ ಅದು ನಮ್ಮ ಜನ್ಮಸಿದ್ಧ ಹಕ್ಕು. ಅದನ್ನು ಕಸಿದುಕೊಳ್ಳಲು, ಅದಕ್ಕೆ ಶಿಕ್ಷೆ ನೀಡಲು ನೀವ್ಯಾರು’ ಎಂದು ಅವರು ಪ್ರಶ್ನಿಸುತ್ತಿದ್ದಾರೆ ಅಷ್ಟೇ. ಸಂವಿಧಾನ ಅವರಿಗೆ ನೀಡಿರುವ ಹಕ್ಕಿನ ಬಗ್ಗೆ ಅವರು ಮಾತನಾಡುತ್ತಿದ್ದಾರೆ.<br /> <br /> 2011ರಲ್ಲಿ ಸಮೀಕ್ಷೆ ನಡೆದಾಗ ಭಾರತದಲ್ಲಿ ಶೇ 14ರಷ್ಟು ಜನರು ಸಲಿಂಗಕಾಮಿಗಳೆಂದು ತಿಳಿದುಬಂದಿದೆ. ಇದರ ಅರ್ಥ ಸುಮಾರು 14ರಿಂದ 15 ಕೋಟಿ ಜನರು ಭಾರತದಲ್ಲಿ ಸಲಿಂಗಕಾಮಿಗಳಿದ್ದಾರೆ. ಸುಪ್ರೀಂ ಕೋರ್ಟಿನ ತೀರ್ಪಿನ ಅನ್ವಯ ಹೋದರೆ ಇವರನ್ನೆಲ್ಲ ಜೀವಾವಧಿ ಶಿಕ್ಷೆಗೆ ಒಳಪಡಿಸಬೇಕಾಗುತ್ತದೆ. ಹಾಗೆ ನೋಡ ಹೋದರೆ ಪರಸ್ಪರ ಸಮ್ಮತಿ ಮೇರೆಗೆ ಸಲಿಂಗಕಾಮದಲ್ಲಿ ತೊಡಗಿರುವ ಒಬ್ಬರೇ ಒಬ್ಬರಿಗೂ ಈ ಕಾನೂನು ಜಾರಿಗೊಂಡಾಗಿನಿಂದಲೂ ಶಿಕ್ಷೆ ಆಗಿಲ್ಲ. ಬಲವಂತವಾಗಿ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದಾಗ ಮಾತ್ರ ಶಿಕ್ಷೆಯಾಗಿರುವ ಉದಾಹರಣೆಗಳಿವೆ.<br /> <br /> ಭಾರತೀಯ ಸಂವಿಧಾನ ಪ್ರತಿಯೊಬ್ಬರಿಗೂ ಜೀವಿಸುವ ಹಕ್ಕನ್ನು ನೀಡಿದೆ. ಅವರ ಖಾಸಗಿ ಬದುಕಿನಲ್ಲಿ ಪ್ರವೇಶ ಮಾಡುವ ಅಧಿಕಾರ ಬೇರೆಯವರಿಗೆ ಇಲ್ಲ. ಹಾಗೆ ಮಾಡಿದರೆ ಅದು ಹಕ್ಕಿನ ಚ್ಯುತಿ ಆದಂತೆ. ಇದನ್ನೇ ದೆಹಲಿ ಹೈಕೋರ್ಟ್ ಕೂಡ 2009ರಲ್ಲಿ ಹೇಳಿತ್ತು. ಪರಸ್ಪರ ಒಪ್ಪಿಗೆ ಇದ್ದಾಗ ಸಲಿಂಗಕಾಮದಲ್ಲಿ ತೊಡಗಿಸಿಕೊಳ್ಳಲು ಅದು ಅವಕಾಶ ನೀಡಿತ್ತು. ಆದರೆ ಈಗ ಸುಪ್ರೀಂ ಕೋರ್ಟ್ ತೀರ್ಪು ಅದನ್ನು ರದ್ದುಮಾಡಿದ್ದು, ಸಲಿಂಗಕಾಮಿಗಳ ಹಕ್ಕಿನ ಚ್ಯುತಿ ಆದಂತಿದೆ.<br /> <br /> <strong>(ಲೇಖಕರು: ಹೈಕೋರ್ಟ್ ಹಿರಿಯ ವಕೀಲರು)</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಭಾರತೀಯ ದಂಡ ಸಂಹಿತೆ (ಐಪಿಸಿ) ಜಾರಿಗೊಂಡಿದ್ದು 1861ರಲ್ಲಿ. ಆಗಲೇ ಸಲಿಂಗಕಾಮದ ಬಗ್ಗೆ ವಿವರಣೆ ನೀಡುವ 377ನೇ ಸೆಕ್ಷನ್ ಕೂಡ ಸೇರ್ಪಡೆಗೊಂಡಿದ್ದು.<br /> <br /> ನಿಸರ್ಗದ ವಿರುದ್ಧವಾಗಿ ನಡೆಯುವ ಯಾವುದೇ ಕ್ರಿಯೆಯೂ ಅಪರಾಧ ಎನ್ನುವುದು ಕ್ರೈಸ್ತ ಧರ್ಮದ ಸಾರ. ಅದನ್ನೇ ಬ್ರಿಟಿಷರು ಕಾನೂನನ್ನಾಗಿ ಮಾಡಿದರು. ಸಲಿಂಗಕಾಮ ಕೂಡ ನಿಸರ್ಗದ ವಿರುದ್ಧವಾಗಿ ನಡೆಯುವ ಕ್ರಿಯೆ ಎನ್ನುವುದು ಅವರ ಅಭಿಮತ.<br /> <br /> ಇಲ್ಲಿ ಒಂದು ಗಮನಿಸಬೇಕಾದ ಅಂಶವಿದೆ. ಅದೇನೆಂದರೆ ನಿಸರ್ಗದ ವಿರುದ್ಧವಾಗಿ ನಡೆಯುವ ಕ್ರಿಯೆ ಎಂದು ಕಾನೂನು ಜಾರಿಮಾಡಿದ ಬ್ರಿಟಿಷರು ‘ನಿಸರ್ಗದ ವಿರುದ್ಧ’ ಎಂದರೆ ಏನು ಎಂಬ ಬಗ್ಗೆ ಸ್ಪಷ್ಟ ವ್ಯಾಖ್ಯಾನವನ್ನೇ ನೀಡಲಿಲ್ಲ. ಆ ವ್ಯಾಖ್ಯಾನವಿನ್ನೂ ಅಪೂರ್ಣ. ಈ ಅಪೂರ್ಣ ವ್ಯಾಖ್ಯಾನವನ್ನೇ ಜಾರಿಗೊಳಿಸುವುದಾದಲ್ಲಿ, ದಂಪತಿ ನಡುವೆ ನಡೆಯುವ ಕೆಲವು ಲೈಂಗಿಕ ಕ್ರಿಯೆಗಳನ್ನು ಕೂಡ ‘ನಿಸರ್ಗದ ವಿರುದ್ಧ’ದ ಕ್ರಿಯೆ ಎಂದು ಹೇಳಿ ಶಿಕ್ಷೆಗೆ ಗುರಿಪಡಿಸಬೇಕಾಗುತ್ತದೆ. ಇದೇ ಕಾರಣಕ್ಕೆ ಯುರೋಪ್ ರಾಷ್ಟ್ರಗಳು ಹಾಗೂ ಅಮೆರಿಕ, ಸಲಿಂಗಕಾಮದ ಕುರಿತಾಗಿ ಇರುವ ಕಾನೂನನ್ನು ರದ್ದು ಮಾಡಿದೆ. ಭಾರತದಲ್ಲಿ ಅದಿನ್ನೂ ಚಾಲ್ತಿಯಲ್ಲಿದೆ.<br /> <br /> ಒಬ್ಬ ಮನುಷ್ಯ ಬೆಳ್ಳಗೆ, ಇನ್ನೊಬ್ಬ ಕಪ್ಪಗೆ ಹುಟ್ಟುವುದು ನಿಸರ್ಗದ ಲೀಲೆ. ಸಲಿಂಗಕಾಮಿಗಳು ಕೂಡ ಹಾಗೆ. ‘ನಾವು ನೈಸರ್ಗಿಕವಾಗಿ ಹುಟ್ಟಿದ್ದೇ ಹೀಗೆ. ನಮ್ಮ ಈ ಶರೀರ ನಿಸರ್ಗದತ್ತವಾಗಿ ಬಂದದ್ದು. ಸಾಮಾನ್ಯವಾಗಿ ಹುಟ್ಟಿದ ಜನರ ಹಾಗೆ ನಾವು ಈಗೇನು ಮಾಡುತ್ತಿದ್ದೇವೆ ಅದು ನಮ್ಮ ಜನ್ಮಸಿದ್ಧ ಹಕ್ಕು. ಅದನ್ನು ಕಸಿದುಕೊಳ್ಳಲು, ಅದಕ್ಕೆ ಶಿಕ್ಷೆ ನೀಡಲು ನೀವ್ಯಾರು’ ಎಂದು ಅವರು ಪ್ರಶ್ನಿಸುತ್ತಿದ್ದಾರೆ ಅಷ್ಟೇ. ಸಂವಿಧಾನ ಅವರಿಗೆ ನೀಡಿರುವ ಹಕ್ಕಿನ ಬಗ್ಗೆ ಅವರು ಮಾತನಾಡುತ್ತಿದ್ದಾರೆ.<br /> <br /> 2011ರಲ್ಲಿ ಸಮೀಕ್ಷೆ ನಡೆದಾಗ ಭಾರತದಲ್ಲಿ ಶೇ 14ರಷ್ಟು ಜನರು ಸಲಿಂಗಕಾಮಿಗಳೆಂದು ತಿಳಿದುಬಂದಿದೆ. ಇದರ ಅರ್ಥ ಸುಮಾರು 14ರಿಂದ 15 ಕೋಟಿ ಜನರು ಭಾರತದಲ್ಲಿ ಸಲಿಂಗಕಾಮಿಗಳಿದ್ದಾರೆ. ಸುಪ್ರೀಂ ಕೋರ್ಟಿನ ತೀರ್ಪಿನ ಅನ್ವಯ ಹೋದರೆ ಇವರನ್ನೆಲ್ಲ ಜೀವಾವಧಿ ಶಿಕ್ಷೆಗೆ ಒಳಪಡಿಸಬೇಕಾಗುತ್ತದೆ. ಹಾಗೆ ನೋಡ ಹೋದರೆ ಪರಸ್ಪರ ಸಮ್ಮತಿ ಮೇರೆಗೆ ಸಲಿಂಗಕಾಮದಲ್ಲಿ ತೊಡಗಿರುವ ಒಬ್ಬರೇ ಒಬ್ಬರಿಗೂ ಈ ಕಾನೂನು ಜಾರಿಗೊಂಡಾಗಿನಿಂದಲೂ ಶಿಕ್ಷೆ ಆಗಿಲ್ಲ. ಬಲವಂತವಾಗಿ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದಾಗ ಮಾತ್ರ ಶಿಕ್ಷೆಯಾಗಿರುವ ಉದಾಹರಣೆಗಳಿವೆ.<br /> <br /> ಭಾರತೀಯ ಸಂವಿಧಾನ ಪ್ರತಿಯೊಬ್ಬರಿಗೂ ಜೀವಿಸುವ ಹಕ್ಕನ್ನು ನೀಡಿದೆ. ಅವರ ಖಾಸಗಿ ಬದುಕಿನಲ್ಲಿ ಪ್ರವೇಶ ಮಾಡುವ ಅಧಿಕಾರ ಬೇರೆಯವರಿಗೆ ಇಲ್ಲ. ಹಾಗೆ ಮಾಡಿದರೆ ಅದು ಹಕ್ಕಿನ ಚ್ಯುತಿ ಆದಂತೆ. ಇದನ್ನೇ ದೆಹಲಿ ಹೈಕೋರ್ಟ್ ಕೂಡ 2009ರಲ್ಲಿ ಹೇಳಿತ್ತು. ಪರಸ್ಪರ ಒಪ್ಪಿಗೆ ಇದ್ದಾಗ ಸಲಿಂಗಕಾಮದಲ್ಲಿ ತೊಡಗಿಸಿಕೊಳ್ಳಲು ಅದು ಅವಕಾಶ ನೀಡಿತ್ತು. ಆದರೆ ಈಗ ಸುಪ್ರೀಂ ಕೋರ್ಟ್ ತೀರ್ಪು ಅದನ್ನು ರದ್ದುಮಾಡಿದ್ದು, ಸಲಿಂಗಕಾಮಿಗಳ ಹಕ್ಕಿನ ಚ್ಯುತಿ ಆದಂತಿದೆ.<br /> <br /> <strong>(ಲೇಖಕರು: ಹೈಕೋರ್ಟ್ ಹಿರಿಯ ವಕೀಲರು)</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>