<p>ಚಟ್ನಿಹಳ್ಳಿಯಲ್ಲಿ ಮನೆ ಮನೆಗಳಲ್ಲೂ ಆನೆ ಗಾತ್ರದ ಹಸುಗಳು ಕೆಚ್ಚಲು ಬಿಟ್ಟು ನಿಂತಿದ್ದವು. ಊರ ಹೆಂಗಸರ ಸೊಂಟದ ಬಾಳೆಕಾಯಿ, ಸೆರಗಿನ ಗಂಟುಗಳು ದಪ್ಪಗಾಗಿದ್ದವು. ಸೀಮೆಹಸುಗಳಂತೆ ಹೆಂಗಸರೂ ಎರಡು ಮೂರು ಸುತ್ತು ದಪ್ಪಗಾಗಿದ್ದರು. ಆದರೆ, ಊರಿನ ಗಂಡಸು ತಳಿಗಳು ಆರ್ಥಿಕ, ದೈಹಿಕವಾಗಿ ದುರ್ಬಲವಾಗಿದ್ದವು.</p><p>ಮೊದಲು ಗಂಡಸರು ಹೀಗಿರಲಿಲ್ಲ, ಹೊಲ–ಮನೆ ನೋಡಿಕೊಂಡು ತಕ್ಕಮಟ್ಟಿಗಿದ್ದರು. ವ್ಯವಸಾಯ ಮೊದಲಿನಂತಿರಲಿಲ್ಲ, ಬೆಳೆದ ಬೆಳೆಗೆ ಬೆಂಬಲ ಬೆಲೆ ಇಲ್ಲ, ಕೃಷಿ ಕೆಲಸಕ್ಕೆ ಕೂಲಿ ಆಳು ಸಿಗುತ್ತಿರಲಿಲ್ಲ. ಲಾಭದಾಯಕ ಅಲ್ಲವೆಂದು ವ್ಯವಸಾಯವನ್ನು ಕಡೆಗಣಿಸಿದ್ದರು.</p><p>ಹಿಂಗಾದ್ರೆ ಸಂಸಾರ ನಡೆಸೋದು ಹೆಂಗೆ ಎಂದು ಊರಿನ ಸ್ತ್ರೀಕುಲ ಕಳವಳಗೊಂಡಿತು. ಎಚ್ಚತ್ತುಕೊಂಡ ಹೆಂಗಸರು ಹಸು ಸಾಕಾಣಿಕೆ, ಹೈನುಗಾರಿಕೆ ಆರಂಭಿಸಿ ಆರ್ಥಿಕ ಸ್ವಾವಲಂಬಿಯಾದರು. ಸಂಸಾರಕ್ಕೆ ಆಧಾರವಾದರು. ಒಂದಿಷ್ಟು ಕಾಸು– ಕರಿಮಣಿ ಕಂಡರು.</p><p>ಗಂಡಸರು ನಿರುದ್ಯೋಗಿಯಂತಾಗಿದ್ದರು. ಹಲ್ಲು ಕಿರಿದು, ತಲೆ ಕೆರೆದು ಹೆಂಡ್ತಿಯಿಂದ ದೈನಂದಿನಖರ್ಚಿಗೆ ಕಾಸು ಗಿಟ್ಟಿಸಿಕೊಳ್ಳುವ ದಯನೀಯ ಪರಿಸ್ಥಿತಿ<br>ಅನುಭವಿಸಿದ್ದರು.</p><p>ಹೀಗಿರುವಾಗ, ಅದೃಷ್ಟಕ್ಕೋ ದುರದೃಷ್ಟಕ್ಕೋ ಚಟ್ನಿಹಳ್ಳಿಯಲ್ಲಿ ಕೈಗಾರಿಕೆ ಸ್ಥಾಪನೆಗೆ ಸರ್ಕಾರ ಯೋಜನೆ ರೂಪಿಸಿತು. ಆಗ ರಿಯಲ್ ಎಸ್ಟೇಟ್ ಕುಳಗಳು ಊರಿಗೆ ನುಗ್ಗಿದವು. ಕಾಸಿಲ್ಲದೆ ಕಂಗಾಲಾಗಿದ್ದ ಜನ ಬರಮಾಡಿಕೊಂಡರು.</p><p>ಎಕರೆಗೆ ಕೋಟಿಗಟ್ಟಲೆ ದುಡ್ಡು ಕೊಟ್ಟು ಕೊಂಡುಕೊಂಡ ಜಮೀನಿಗೆ ಕಾಂಪೌಂಡ್ ಕಟ್ಟಿಕೊಂಡರು. ಜಮೀನು ಮಾರಿಕೊಂಡವರು. ಮೂಟೆಗಟ್ಟಲೆ ದುಡ್ಡು ಎಣಿಸಿಕೊಂಡು ದೊಡ್ಡ ಮನೆ, ದೊಡ್ಡ ಕಾರುಗಳ ಒಡೆಯರಾದರು.</p><p>ನಿತ್ಯ ಹಸುವಿನ ಮೈ ತೊಳೆದು, ಸಗಣಿ, ಗಂಜಲ ಕ್ಲೀನ್ ಮಾಡೋದು ಅಸಹ್ಯ ಎನಿಸಿತು. ಜೊತೆಗೆ ಹಸುಗಳಿಗೆ ಮೇವು ಬೆಳೆಯುವ ಜಮೀನನ್ನೂ ಮಾರಿಕೊಂಡಿದ್ದರು. ಹಾಲು ಕೊಡುವ ಹಸುಗಳು ಮಾರಾಟವಾದವು.</p><p>ಅನ್ನದ ಬದಲು ದುಡ್ಡು ತಿನ್ನುವವರಂತೆ ಚಟ್ನಹಳ್ಳಿ ಜನ ನೂರು ರೂಪಾಯಿ ನೋಟುಗಳ ತಿಂಡಿ, ಐದು ನೂರು ನೋಟುಗಳ ಊಟ ಮಾಡಿಕೊಂಡು ಸದ್ಯಕ್ಕೆ ಸುಖವಾಗಿದ್ದಾರೆ... ಮುಂದೇನಾಗುವುದೋ ಬಲ್ಲವರಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಚಟ್ನಿಹಳ್ಳಿಯಲ್ಲಿ ಮನೆ ಮನೆಗಳಲ್ಲೂ ಆನೆ ಗಾತ್ರದ ಹಸುಗಳು ಕೆಚ್ಚಲು ಬಿಟ್ಟು ನಿಂತಿದ್ದವು. ಊರ ಹೆಂಗಸರ ಸೊಂಟದ ಬಾಳೆಕಾಯಿ, ಸೆರಗಿನ ಗಂಟುಗಳು ದಪ್ಪಗಾಗಿದ್ದವು. ಸೀಮೆಹಸುಗಳಂತೆ ಹೆಂಗಸರೂ ಎರಡು ಮೂರು ಸುತ್ತು ದಪ್ಪಗಾಗಿದ್ದರು. ಆದರೆ, ಊರಿನ ಗಂಡಸು ತಳಿಗಳು ಆರ್ಥಿಕ, ದೈಹಿಕವಾಗಿ ದುರ್ಬಲವಾಗಿದ್ದವು.</p><p>ಮೊದಲು ಗಂಡಸರು ಹೀಗಿರಲಿಲ್ಲ, ಹೊಲ–ಮನೆ ನೋಡಿಕೊಂಡು ತಕ್ಕಮಟ್ಟಿಗಿದ್ದರು. ವ್ಯವಸಾಯ ಮೊದಲಿನಂತಿರಲಿಲ್ಲ, ಬೆಳೆದ ಬೆಳೆಗೆ ಬೆಂಬಲ ಬೆಲೆ ಇಲ್ಲ, ಕೃಷಿ ಕೆಲಸಕ್ಕೆ ಕೂಲಿ ಆಳು ಸಿಗುತ್ತಿರಲಿಲ್ಲ. ಲಾಭದಾಯಕ ಅಲ್ಲವೆಂದು ವ್ಯವಸಾಯವನ್ನು ಕಡೆಗಣಿಸಿದ್ದರು.</p><p>ಹಿಂಗಾದ್ರೆ ಸಂಸಾರ ನಡೆಸೋದು ಹೆಂಗೆ ಎಂದು ಊರಿನ ಸ್ತ್ರೀಕುಲ ಕಳವಳಗೊಂಡಿತು. ಎಚ್ಚತ್ತುಕೊಂಡ ಹೆಂಗಸರು ಹಸು ಸಾಕಾಣಿಕೆ, ಹೈನುಗಾರಿಕೆ ಆರಂಭಿಸಿ ಆರ್ಥಿಕ ಸ್ವಾವಲಂಬಿಯಾದರು. ಸಂಸಾರಕ್ಕೆ ಆಧಾರವಾದರು. ಒಂದಿಷ್ಟು ಕಾಸು– ಕರಿಮಣಿ ಕಂಡರು.</p><p>ಗಂಡಸರು ನಿರುದ್ಯೋಗಿಯಂತಾಗಿದ್ದರು. ಹಲ್ಲು ಕಿರಿದು, ತಲೆ ಕೆರೆದು ಹೆಂಡ್ತಿಯಿಂದ ದೈನಂದಿನಖರ್ಚಿಗೆ ಕಾಸು ಗಿಟ್ಟಿಸಿಕೊಳ್ಳುವ ದಯನೀಯ ಪರಿಸ್ಥಿತಿ<br>ಅನುಭವಿಸಿದ್ದರು.</p><p>ಹೀಗಿರುವಾಗ, ಅದೃಷ್ಟಕ್ಕೋ ದುರದೃಷ್ಟಕ್ಕೋ ಚಟ್ನಿಹಳ್ಳಿಯಲ್ಲಿ ಕೈಗಾರಿಕೆ ಸ್ಥಾಪನೆಗೆ ಸರ್ಕಾರ ಯೋಜನೆ ರೂಪಿಸಿತು. ಆಗ ರಿಯಲ್ ಎಸ್ಟೇಟ್ ಕುಳಗಳು ಊರಿಗೆ ನುಗ್ಗಿದವು. ಕಾಸಿಲ್ಲದೆ ಕಂಗಾಲಾಗಿದ್ದ ಜನ ಬರಮಾಡಿಕೊಂಡರು.</p><p>ಎಕರೆಗೆ ಕೋಟಿಗಟ್ಟಲೆ ದುಡ್ಡು ಕೊಟ್ಟು ಕೊಂಡುಕೊಂಡ ಜಮೀನಿಗೆ ಕಾಂಪೌಂಡ್ ಕಟ್ಟಿಕೊಂಡರು. ಜಮೀನು ಮಾರಿಕೊಂಡವರು. ಮೂಟೆಗಟ್ಟಲೆ ದುಡ್ಡು ಎಣಿಸಿಕೊಂಡು ದೊಡ್ಡ ಮನೆ, ದೊಡ್ಡ ಕಾರುಗಳ ಒಡೆಯರಾದರು.</p><p>ನಿತ್ಯ ಹಸುವಿನ ಮೈ ತೊಳೆದು, ಸಗಣಿ, ಗಂಜಲ ಕ್ಲೀನ್ ಮಾಡೋದು ಅಸಹ್ಯ ಎನಿಸಿತು. ಜೊತೆಗೆ ಹಸುಗಳಿಗೆ ಮೇವು ಬೆಳೆಯುವ ಜಮೀನನ್ನೂ ಮಾರಿಕೊಂಡಿದ್ದರು. ಹಾಲು ಕೊಡುವ ಹಸುಗಳು ಮಾರಾಟವಾದವು.</p><p>ಅನ್ನದ ಬದಲು ದುಡ್ಡು ತಿನ್ನುವವರಂತೆ ಚಟ್ನಹಳ್ಳಿ ಜನ ನೂರು ರೂಪಾಯಿ ನೋಟುಗಳ ತಿಂಡಿ, ಐದು ನೂರು ನೋಟುಗಳ ಊಟ ಮಾಡಿಕೊಂಡು ಸದ್ಯಕ್ಕೆ ಸುಖವಾಗಿದ್ದಾರೆ... ಮುಂದೇನಾಗುವುದೋ ಬಲ್ಲವರಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
