ಸಿಡ್ನಿ (ಐಎಎನ್‌ಎಸ್‌): ಭಾರತ ಮೂಲದ ವೈದ್ಯನೊಬ್ಬ ಅತ್ಯಾಚಾರ ಪ್ರಕರಣದಲ್ಲಿ ಭಾಗಿಯಾಗಿದ್ದು, ಈತನನ್ನು ತಪ್ಪಿತಸ್ಥ ಎಂದು ಮಂಗಳವಾರ ಆಸ್ಟ್ರೇಲಿಯಾ ನ್ಯಾಯಾಲಯ ಹೇಳಿದೆ.
ಮನು ಮೈಮ್‌ಬಿಲ್ಲಿ ಗೋಪಾಲ್‌ ಅತ್ಯಾಚಾರ ಎಸಗಿದ ವೈದ್ಯ. ಹೊಟ್ಟೆನೋವು ಎಂದು ಚಿಕಿತ್ಸೆಗೆ ಬಂದಿದ್ದ ಇಬ್ಬರು ಮಹಿಳೆಯರನ್ನು ಪರೀಕ್ಷೆ ಮಾಡುವ ನೆಪದಲ್ಲಿ ಅನುಮತಿಯಿಲ್ಲದೆ ಜನನಾಂಗದಲ್ಲಿ ಬೆರಳು ತೂರಿಸಿದ್ದಾನೆ. ಈ ಕಾರಣ ನ್ಯಾಯಾಲಯ ಈತನನ್ನು ತಪ್ಪಿತಸ್ಥ ಎಂದು ಹೇಳಿದೆ.
ಈತ ಮೂಲತಃ ಕೇರಳದ ಕೊಚ್ಚಿಯವನು. ಈತನ ಹೆಂಡತಿ ಮಗಳು ಕೊಚ್ಚಿಯಲ್ಲಿಯೇ ವಾಸಿಸುತ್ತಾರೆ ಎಂದು ಮೂಲಗಳು ತಿಳಿಸಿವೆ.
ಅತ್ಯಾಚಾರದ ಸಂಬಂಧ ಪ್ರಕರಣ ದಾಖಲಾಗಿರುವ ವಿಷಯ ತಿಳಿದು ಭಾರತಕ್ಕೆ ಬರಲು ಸಜ್ಜಾಗಿದ್ದ ವೈದ್ಯನನ್ನು ಮೆರ್ಲ್ಬನ್‌ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಬಂಧಿಸಲಾಗಿತ್ತು.
