ಬೆಂಗಳೂರು: ರೈಲ್ವೆ ಗಾಲಿ ಕಾರ್ಖಾನೆ (ಆರ್ಡಬ್ಲ್ಯುಎಫ್) ತಂಡದವರು ಇಲ್ಲಿ ನಡೆಯುತ್ತಿರುವ ಕರ್ನಾಟಕ ರಾಜ್ಯ ಹಾಕಿ ಸಂಸ್ಥೆ ಆಶ್ರಯದ `ಎ~ ಡಿವಿಷನ್ ಹಾಕಿ ಲಿಗ್ ಚಾಂಪಿಯನ್ಷಿಪ್ನಲ್ಲಿ ಅರ್ಹ ಜಯ ಪಡೆದು ಪೂರ್ಣ ಪಾಯಿಂಟ್ಸ್ ಸಂಗ್ರಹಿಸಿದರು.
ಅಕ್ಕಿತಿಮ್ಮನಹಳ್ಳಿ ರಾಜ್ಯ ಹಾಕಿ ಸಂಸ್ಥೆ ಕ್ರೀಡಾಂಗಣದಲ್ಲಿ ಮಂಗಳವಾರ ನಡೆದ ಪಂದ್ಯದಲ್ಲಿ ಆರ್ಡಬ್ಲ್ಯುಎಫ್ ತಂಡ 2-0 ಗೋಲುಗಳಿಂದ ಸಿನರ್ಜಿ ಹಾಕಿ ಕ್ಲಬ್ ಮೇಲೆ ಗೆಲುವು ಪಡೆಯಿತು.
ವಿಜಯಿ ತಂಡಕ್ಕೆ ಎರಡು ಗೋಲುಗಳು ಪಂದ್ಯದ ಉತ್ತರಾರ್ಧದಲ್ಲಿ ಬಂದುವು. ಪ್ರದೀಪ್ ಹಾಗೂ ಜಯರಾಜ್ ಗೋಲು ತಂದಿತ್ತರು.
ನಾಳೆ (ಬುಧವಾರ) ಮಧ್ಯಾಹ್ನ 2-30ಕ್ಕೆ ಎಂಇಜಿ ಬಾಯ್ಸ-ಬಿಎಸ್ಎನ್ಎಲ್ ಹಾಗೂ ಮಧ್ಯಾಹ್ನ 4-00ಕ್ಕೆ ಆರ್ಬಿಐ-ಆರ್ಡಬ್ಲ್ಯುಎಫ್ ನಡುವೆ ಪಂದ್ಯ ನಡೆಯಲಿದೆ.