ಈ ವಾರ ತೆರೆಗೆ

`ಲೈಫು ಇಷ್ಟೇನೆ~
ಪವನ್ ಕುಮಾರ್ ನಿರ್ದೇಶನದಲ್ಲಿ ದಿಗಂತ್ ನಾಯಕರಾಗಿ ಅಭಿನಯಿಸಿರುವ ಚಿತ್ರ `ಲೈಫು ಇಷ್ಟೇನೆ~. ಸಂಯುಕ್ತಾ ಹೊರನಾಡು ಹಾಗೂ ಸಿಂಧು ನಾಯಕಿಯರಾಗಿ ಅಭಿನಯಿಸಿದ್ದಾರೆ. ರಮ್ಯಾ ಬಾರ್ನ, ಚೆರ‌್ರಿ, ಸೋನು ಮುಂತಾದವರು ಚಿತ್ರಭೂಮಿಕೆಯಲ್ಲಿದ್ದಾರೆ. ಮನೋಮೂರ್ತಿ ಸಂಗೀತಕ್ಕೆ ಯೋಗರಾಜ್ ಭಟ್, ಜಯಂತ್ ಕಾಯ್ಕಿಣಿ ಸಾಹಿತ್ಯ ರಚಿಸಿದ್ದಾರೆ. ಜ್ಞಾನಮೂರ್ತಿ ಛಾಯಾಗ್ರಹಣ ಮಾಡಿದ್ದಾರೆ.

`ಅಲ್ಲಿದೆ ನಮ್ಮನೆ ಇಲ್ಲಿ  ಬಂದೆ ಸುಮ್ಮನೆ~
ಸೌರವ್‌ಬಾಬು ಬಂಡವಾಳ ಹೂಡಿ ನಾಯಕರಾಗಿ ನಟಿಸಿರುವ ಚಿತ್ರ `ಅಲ್ಲಿದೆ ನಮ್ಮನೆ ಇಲ್ಲಿ ಬಂದೆ ಸುಮ್ಮನೆ~. ಗೋಪಿ ಪೀಣ್ಯ ಚಿತ್ರದ ನಿರ್ದೇಶಕರು. ಭಾರತದ ಹಲವೆಡೆ ಮತ್ತು ವಿದೇಶದಲ್ಲಿ ಚಿತ್ರೀಕರಣ ನಡೆಸಲಾಗಿದೆ. ಪಿ.ಕೆ.ಎಚ್.ದಾಸ್ ಛಾಯಾಗ್ರಹಣ ಚಿತ್ರಕ್ಕಿದೆ.
ಮದನ್-ಹರಿಣಿ ನೃತ್ಯ ನಿರ್ದೇಶನ ಮಾಡಿದ್ದಾರೆ. ತಾರಾಬಳಗದಲ್ಲಿ ಶ್ರೀರಾಜ್, ಯಜ್ಞಾಶೆಟ್ಟಿ, ರೀನಾ ಮೆಹ್ತಾ, ದತ್ತಣ್ಣ, ಪದ್ಮಾಕುಮುಟಾ, ಅಮರನಾಥ್‌ಗೌಡ, ತುಮಕೂರು ದಯಾನಂದ್ ನಟಿಸಿದ್ದಾರೆ.