ಈ ವ್ಯವಸ್ಥೆ ಧರ್ಮ ಸಮ್ಮತವೇ?

`ನಾವು ಸದ್ರಿ ಭೋಜನ ಶಾಲೆಯಲ್ಲಿ ಕುಳಿತಿದ್ದು ನಮ್ಮ ಸ್ವಂತ ಇಚ್ಚೆಯಿಂದ ಅಲ್ಲ, ದ್ವಾರ ಬಾಗಿಲ ಬಳಿಯಿದ್ದ ಕಾರ್ಯಕರ್ತರು ನಮ್ಮನ್ನು ಕರೆದು ಕುಳ್ಳಿರಿಸಿದ್ದು. ನಿಮ್ಮ ಹರಕೆ ಊಟದ ವಿಚಾರ ಹಿಂದೆ ಎಲ್ಲಿಯೂ ಹೇಳಿಲ್ಲ.  ನಮಗೆ ಬಡಿಸಿದ ಎಲೆಯಿಂದ ಊಟ ಆರಂಭಿಸುವ ಸಮಯದಲ್ಲಿ ಎಬ್ಬಿಸಿದ್ದು ಕೇವಲ ನಾವು ಗೌಡ ಸಾರಸ್ವತ ಬ್ರಾಹ್ಮಣರು ಎಂದಲ್ಲದೆ ಬೇರೆ ಕಾರಣ ನಮಗೆ ತಿಳಿಸಿಲ್ಲ. ನಾವು ಆಮಂತ್ರಣ ಇಲ್ಲದವರು ಎಂದೂ ಯಾರೂ ಆಗ ತಿಳಿಸಲಿಲ್ಲ~

`ಇಲ್ಲಿ ಉದ್ಭವಿಸುವ ಪ್ರಶ್ನೆ-ದೇವಾಲಯದಲ್ಲಿ ಸಾರ್ವಜನಿಕ ಭೋಜನಕ್ಕೆ ಪ್ರತ್ಯೇಕ ಆಮಂತ್ರಣ ಅವಶ್ಯವೇ? ಊಟ ಬಡಿಸಿದ ನಂತರ ಎಲೆಯಿಂದ ಎಬ್ಬಿಸುವುದು ಧರ್ಮ ಸಮ್ಮತವೇ? ಆದರೆ ದೇವಾಲಯದ ಅಧಿಕಾರಿಗಳು ನೀಡಿದ ಉತ್ತರ  ಊಟಕ್ಕೆ ಕೂತವರನ್ನು ಎಬ್ಬಿಸುವ ಹಕ್ಕು ಅವರಿಗಿದೆ. ಇದಕ್ಕೆ ಧರ್ಮದರ್ಶಿಗಳು ಪ್ರತಿಕ್ರಿಯಿಸುವರೆ?~

`ಇನ್ನು ಮುಂದೆ ದೇವಾಲಯವನ್ನು ಸಂದರ್ಶಿಸುವ ಭಕ್ತಾದಿಗಳು ಅದರಲ್ಲೂ ವಿಶೇಷವಾಗಿ ಜಿ.ಎಸ್.ಬಿಗಳು ವಿಚಾರ ಮಾಡುವುದು ಒಳ್ಳೆಯದು. ನವರಾತ್ರಿಯಲ್ಲಿ ಕುಮಾರಿ ಪೂಜೆ ಮಾಡುವುದು ಶ್ರೇಷ್ಠ ವೈಶಿಷ್ಟತೆ ಆದರೆ ಇಲ್ಲಿ ಕುಮಾರಿಯ ಕೈಯಿಂದ ಪ್ರಸಾದವನ್ನು ಕಸಿದು ಹೊರಹಾಕಲಾಗಿದೆ.

ಈ ಘಟನೆ ದೇವಾಲಯದ ಪರಿಚಾರಕರ ಮನೋವೃತ್ತಿ ಸಂಸ್ಕಾರಗಳನ್ನು ಪ್ರತಿಬಿಂಬಿಸುವುದಿಲ್ಲವೆ?

ಸಮಾಜದಲ್ಲಿ ಅವರ ವರ್ಗ ಮಾತ್ರ ಪೂಜ್ಯ ಉಳಿದವರೆಲ್ಲ ನಗಣ್ಯವೆಂದು ಪರಿಗಣಿಸುವ ಈ ಸಂಸ್ಕೃತಿಯನ್ನು ಮಹಾಭಕ್ತಾದಿಗಳು ಒಪ್ಪಿ ಸಹಿಸುವರೆ ಇಲ್ಲವೆ ಪ್ರತಿಭಟಿಸಿ, ಖಂಡಿಸಿ ಈ ರೀತಿಯ ಜಾತೀಯತೆಯನ್ನು ಮೆಟ್ಟಿ ನಿಲ್ಲುವರೇ?~