ಕೈರೊ (ಪಿಟಿಐ): ಸರ್ವಾಧಿಕಾರಿ ಹೊಸ್ನಿ ಮುಬಾರಕ್ನನ್ನು ಕಿತ್ತೊಗೆದ ಒಂದು ವರ್ಷದ ಬಳಿಕ ಬುಧವಾರ ಈಜಿಪ್ಟ್ ಹೊಸ ಸಂವಿಧಾನವನ್ನು ಅಂಗೀಕರಿಸಿದೆ.
ಜನಮತಗಣನೆಯಲ್ಲಿ 2/3 `ಒಪ್ಪಿಗೆ' ಮತಗಳ ನಂತರ ಈ ಸಂವಿಧಾನ ಅಂಗೀಕಾರವಾಗಿದೆ. ಆದರೆ ಇದರ ವಿರುದ್ಧ ವಿರೋಧಪಕ್ಷಗಳು ಪ್ರತಿಭಟನೆ ನಡೆಸಿದ್ದು ಹೊಸ ಸಂವಿಧಾನವು ರಾಷ್ಟ್ರದ ಜಾತ್ಯತೀತ ಧೋರಣೆಯೊಂದಿಗೆ ರಾಜಿ ಮಾಡಿಕೊಂಡಿದೆ ಎಂದು ದೂರಿದ್ದಾರೆ.
ಡಿಸೆಂಬರ್ 15 ಮತ್ತು 22ರಂದು ಎರಡು ಹಂತದಲ್ಲಿ ನಡೆದ ಜನಮತಗಣನೆಯಲ್ಲಿ ಸಂವಿಧಾನಕ್ಕೆ 2/3 ಬಹುಮತ ಲಭಿಸಿದೆ ಎಂದು ಚುನಾವಣಾ ಅಧಿಕಾರಿಗಳು ಮಂಗಳವಾರ ರಾತ್ರಿ ಘೋಷಿಸಿದ ಬಳಿಕ ಈಜಿಪ್ಟ್ ಅಧ್ಯಕ್ಷ ಮೊಹಮ್ಮದ್ ಮೊರ್ಸಿ ಸಂವಿಧಾನಕ್ಕೆ ಇದಕ್ಕೆ ಸಹಿ ಮಾಡಿದ್ದಾರೆ.