ಕಬ್ಬಿನ ಖರೀದಿ ದರ ಏರಿಕೆ ಸಾಧ್ಯತೆ

ಕೇಂದ್ರ ಸಂಪುಟದ ಆರ್ಥಿಕ ವ್ಯವಹಾರಗಳ ಸಮಿತಿ  (ಸಿಸಿಇಎ) ಇದಕ್ಕೆ ಸಂಬಂಧಿಸಿದಂತೆ ಗುರುವಾರ ಸಭೆ ಸೇರಲಿದ್ದು, `ಎಫ್‌ಆರ್‌ಪಿ' ನಿಗದಿ ಮಾಡಲಿದೆ.

ಕೃಷಿ ವೆಚ್ಚ ಮತ್ತು ದರ ಸಮಿತಿ (ಸಿಎಸಿಪಿ) ನೀಡಿದ ಶಿಫಾರಸು ಆಧರಿಸಿ, ಆಹಾರ ಸಚಿವಾಲಯ 2013-14ನೇ ಸಾಲಿನ  ಕಬ್ಬಿನ ಇಳುವರಿ ವರ್ಷದಿಂದ (ಅಕ್ಟೋಬರ್-ಸೆಪ್ಟೆಂಬರ್) `ಎಫ್‌ಆರ್‌ಪಿ'  ಶೇ 23.5ರಷ್ಟು (ರೂ.40) ಹೆಚ್ಚಿಸಬೇಕು ಎಂದು ಮನವಿ ಮಾಡಿತ್ತು.  2012-13ನೇ ಸಾಲಿನಲ್ಲಿ ಪ್ರತಿ ಕ್ವಿಂಟಲ್ ಕಬ್ಬಿಗೆ ರೂ.170 ದರ  ನಿಗದಿ ಮಾಡಲಾಗಿತ್ತು.

`ಸಿಎಸಿಪಿ' ಶಾಸನಬದ್ಧ ಸಂಸ್ಥೆಯಾಗಿದ್ದು, ಪ್ರಮುಖ ಕೃಷಿ ಉತ್ಪನ್ನಗಳ ದರ ನಿಗದಿಗೆ ಸಂಬಂಧಿಸಿದಂತೆ ಸರ್ಕಾರಕ್ಕೆ ಸಲಹೆ ನೀಡುತ್ತದೆ. `ಸಿಎಸಿಪಿ' ನೀಡಿದ ವರದಿಯನ್ನು ಆಹಾರ ಸಚಿವಾಲಯ ಒಪ್ಪಿದೆ.

ಆರ್ಥಿಕ ವ್ಯವಹಾರಗಳ ಸಮಿತಿ ಇದನ್ನು ಅಂತಿಮವಾಗಿ ಅನುಮೋದಿಸಬೇಕಿದೆ. ಪ್ರಪಂಚದಲ್ಲಿಯೇ ಅತಿ ಹೆಚ್ಚು ಕಬ್ಬು ಬೆಳೆಯುವ ಎರಡನೆಯ ದೇಶ ಭಾರತ. 2012-13ನೇ ಸಾಲಿನಲ್ಲಿ 24 ದಶಲಕ್ಷ ಟನ್ ಕಬ್ಬು ಇಳುವರಿ ನಿರೀಕ್ಷಿಸಲಾಗಿದೆ.